جەتەسوۆتەر جەتىستىگى

پرەزيدەنت جارلىعىمەن قازاق­ستاندا قىركۇيەك ايىنىڭ ەكىنشى جەك­سەنبىسى «وتباسى كۇنى» بولىپ بەلگى­لەندى. وسىعان بايلانىستى س.بايىشەۆ اتىن­داعى اقتوبە وبلىستىق امبە­باپ عىلىمي كىتاپحاناسىنىڭ ۇيىمداس­تىرۋىمەن قالامىزداعى كوپ بالالى جانە ونەرلى وتباسىلاردىڭ ءبىرى – جە­تە­سوۆتەردىڭ قاتىسۋىمەن «جان جىلۋىن بالالارىنا ارناعان» اتتى بەنەفيس-سۇحبات وتكىزىلدى. شارانىڭ ماقساتى, وقىرمان قا­ۋىم­عا وتباسى كۇنى تۋرالى ءمالى­مەت بەرۋ. بالانى كىشكەنتاي كەزدەرىنەن مۋزىكاعا باۋلىپ ءجۇر­گەن ونەرلى جە­تەسوۆتەر اۋلەتىنىڭ شى­عار­ما­شى­لىعىن ناسيحاتتاۋ. سونداي-اق, جاستاردى وتانسۇيگىشتىككە, ادام­گەر­شىلىككە, اتا-انانى قۇرمەتتەۋگە جانە قادىرلەي بىلۋگە باۋلۋ. بەنەفيس-سۇحباتقا مادەنيەت سالا­سىنىڭ قىزمەتكەرلەرى, قالامىزداعى جوعارى جانە ارناۋلى ورتا وقۋ ورىن­دارىنىڭ وقىتۋشىلارى مەن ستۋدەنت­تەرى, «نۇر وتان» پارتياسىنىڭ وبلىس­تىق فيليالىنىڭ وكىلدەرى, №35,37 جانە قازانعاپ اتىنداعى بالالار ونەر مەكتەبىنىڭ مۇعالىمدەرى, وبلىستىق «اقتوبە», «اكتيۋبينسكي ۆەستنيك» گا­زەتتەرىنىڭ وكىلدەرى قاتىستى. شارا بارىسىندا «شاتتىعىمەن شۋاق شاشقان شاڭىراق» تاقىرىبىندا سلايد كورسەتىلدى. جالپى, اقتوبە وڭىرىنە عانا ەمەس, رەسپۋبليكاعا تانىمال, «ايەل با­قىتى», «ايتۋعا وڭاي» تەلەباع­دار­لامالارىنا قاتىسىپ, حالىققا ونەگەلى ءومىرى مەن ونەرلەرى ارقىلى تانىلىپ جۇرگەن جەتەسوۆتەر وزدەرىنىڭ اۋلەتى جايىندا «بەرەكەلى وتباسى» تاقىرىبىندا اڭگىمەلەپ بەردى. ۇلكەن اۋلەتتىڭ وتاعاسى, «شاشۋ» حالىقتىق ءانسامبلىنىڭ جەتەكشىسى ءومىرحان ناريمان ۇلى: «قازىرگى تاڭدا جەكە شىعارماشىلىقپەن اينالىسامىن جانە ءوزىم جاستايىمنان جەتىمدىك كوردىم, جۇرەگى جۇمساق, جانى جايدارى امانكۇلدەي جانعا جولىقتىرعان ومىرگە ريزامىن, بولاشاقتا وسى ۇل-قىزدارىمدى ۇلكەن ساحنادا كورسەم دەپ ارماندايمىن», – دەدى. كەشتىڭ العى ءسوزىن العان اقتوبە وبلىسىنىڭ مادەنيەت, مۇراعاتتار جانە قۇجاتتاما باسقارماسىنىڭ باس مامانى گ.ماحانوۆا: «14 بالا تاربيەلەپ, ولاردى ونەرگە باۋلىپ, انسامبل ۇيىمداستىرىپ حالىق الدىنا شىعارۋلارىڭىزدىڭ ءوزى – وتباسىلىق قۇندىلىق دەۋگە بولادى», – دەپ ريزاشىلىعىن ءبىلدىردى. شارانىڭ جالعاسى «شاشۋ» حا­لىقتىق ءانسامبلىنىڭ ورىنداۋىندا «اتتەڭ, توننىڭ كەلتەسى-اي», «ءوز ەلىم», «اقتاماق» اندەرى مەن «شال­قى­­­ما» كۇيى, «ماحامبەتتىڭ تەرمەسى» سەكىل­­دى ادەمى اۋەندەرگە ۇلاسىپ, كورەر­­­مەن قاۋىم بالالاردىڭ ونەرىن تاما­­شالادى. ونەر جولىنا قانات قاققان وسى وتباسىنىڭ ۇلكەن بالالارىنىڭ ءبىرى 21 جاستاعى ايگۇل كوللەدجدە وقىسا, ودان كەيىنگىلەرى مەكتەپ جاسىنداعىلارى قازىرگى تاڭدا قازانعاپ اتىنداعى ونەر مەكتەبىنىڭ بايان جانە قوبىز كلاسىنىڭ وقۋشىلارى. ەڭ كىشكەنتايى ءاليحان 4 جاستا. «جەتەسوۆتەر اۋلەتىنىڭ باستى ەرەكشەلىگى – ومىردە دە, ونەردە دە بىرگە ءجۇرىپ, بالالارىن تاربيەلەپ, حالىقتىڭ كوزايىمىنا اينالعانى. بالالاردىڭ بولاشاقتا اتا-انانىڭ ءۇمىتىن اقتار, ەلىن سۇيەر سانالى ازامات بولۋلارىنا سەنىم بىلدىرەمىن», – دەپ, س.بايىشەۆ اتىنداعى وبلىستىق امبەباپ عىلىمي كىتاپحاناسىنىڭ ديرەكتورى نەسىبەلى ساعىمبايقىزى كەش قوناقتارىنا راحمەتىن ايتىپ, ەستەلىك سىيلىقتار تارتۋ ەتىپ, العىس حاتپەن ماراپاتتادى. اقەركە ساعيدوللاقىزى اقتوبە