ەلىمىزدىڭ مەرەيتويىنا ارنالادى

قازاقستان تاۋەلسىزدىگىنىڭ 25 جىلدىعىن مەرەكەلەۋ شەڭبەرىندە ۇلتتىق بانك ۇلتتىق ۆاليۋتا – تەڭگەنىڭ بانكنوتتارى مەن مونەتالارىنىڭ ۇزدىك بەينەلەنۋىنە ارنالعان, 6-14 جاس ارالىعىنداعى بالالار اراسىندا, سونداي-اق جوعارى وقۋ ورىندارىنىڭ ستۋدەنتتەرى اراسىندا ەسسە كونكۋرسىن جاريالادى. كونكۋرس 2016 جىلعى 7 قازاندا باس­تالىپ, 15 قاراشادا اياقتالادى. ونىڭ قورىتىندىلارى اعىمداعى جىلعى 1 جەلتوق­سانعا دەيىن شىعارىلادى. جەڭىم­پازدار 2016 جىلعى 15 جەلتوقساننان كەشىكتىرمەي ماراپاتتالادى. بالالار سۋرەتى كونكۋرسىنىڭ ماقساتى – ۇلتتىق بانكتىڭ قىزمەتىن, ونىڭ ىشىندە بانكنوت فابريكاسىنىڭ جانە قازاقستان تەڭگە سارايىنىڭ قىزمەتىن تانىمال ەتۋ, بالالاردىڭ ءبىلىم دەڭگەيىن ارتتىرۋ. شىعارماشىلىق ناۋقان ەكى ءتۇرلى جاس ساناتى بويىنشا وتكىزىلەدى: 6-10 جاس ارالىعى, 11-14 جاس ارالىعى. ەسسە كونكۋرسىنىڭ ماقساتى – ستۋدەنت جاستاردىڭ ۇلتتىق بانكتىڭ ءجا­نە تۇتاستاي العاندا قارجى نارىعى­­نىڭ قىز­مەتىنە, تاۋەلسىز قازاقستاننىڭ تا­­ري­حى­نا قىزىعۋشىلىعىن ارتتىرۋ, زەرتتەۋ قىزمەتىنە قىزىعۋشىلىقتارىن ىنتالاندىرۋ. وسى ادەبي-قارجىلىق سايىسقا قازاقستاننىڭ جوعارى وقۋ ورىندارىنىڭ بارلىق ستۋدەنتتەرى قاتىسا الادى. مىناداي ەسسە تاقىرىپتارى ۇسىنى­لادى: «ۇلتتىق ۆاليۋتانىڭ قازاق­ستان رەسپۋبليكاسى تاۋەلسىزدىگىنىڭ قالىپتا­سۋىنداعى ءرولى»; «ۇلتتىق ۆاليۋتاداعى تۇلعالار تاريحى»; «قازاقستانداعى يندۋستريالاندىرۋ جانە ەكونوميكالىق ءوسۋ»; «قازاقستاننىڭ الەمدىك قارجى جۇيەسىنە ىقپالداسۋى»; «قارجى سەكتورىنىڭ تاۋەلسىزدىك جىلدارىنداعى دامۋى جانە جەتىستىكتەرى». كونكۋرستىق كوميسسيانىڭ قۇرامىنا ۇلتتىق بانكتىڭ, شىعارماشىل زيالى قاۋىم وكىلدەرى كىرەدى. جۇمىستار مازمۇنى جانە سۋرەتتىڭ تاڭدالعان تاقىرىپ­قا سايكەس كەلۋى; يدەيانىڭ بىرەگەيلىگى جانە شىعارماشىلىق ارقاۋى; جۇمىستاردىڭ كور­كەمدىك دەڭگەيى, شىعارماشى­لىق دەڭگەيىنىڭ اۆتوردىڭ جاسىنا ءساي­كەس كەلۋى سياقتى ولشەم-شارتتار بويىنشا باعالانادى. بالالار سۋرەتى كونكۋرسىنىڭ ءاربىر ساناتىندا: «بانكنوتتىڭ ەڭ ۇزدىك بەينەلەنۋى» جانە «مونەتانىڭ ەڭ ۇزدىك بەينەلەنۋى» دەگەن ەكى اتالىم بويىن­­شا ءۇش باس جۇلدە بەرىلەدى. ەسسە كونكۋرسىندا تاڭدالعان تاقىرىپقا قاراماستان 1, 2 جانە 3-ورىندار كوزدەلگەن. ءار توپتاعى جانە اتالىمداعى جەڭىمپازدار اقشالاي جانە ەستەلىك جۇلدەلەرمەن ماراپاتتالادى. ۇيىمداستىرۋشى جەڭىمپازداردىڭ اتتارى مەن فوتوسۋرەتتەرىن, بەينەجازبالارىن بۇقارالىق اقپارات قۇرالدارىندا, الەۋمەتتىك جەلىلەردە جانە وزگە دە اقپاراتتىق رەسۋرستاردا پايدالانۋ قۇقىعىن وزىنە قالدىرادى. كونكۋرستارعا قاتىسۋعا ارنالعان وتىنىمدەر مەن كونكۋرستىق جۇمىستار «سۋرەت كونكۋرسى», «ەسسە كونكۋرسى» بەلگىسىمەن ۇلتتىق بانككە مىنا مەكەنجاي بويىنشا جىبەرىلەدى: 050040, الماتى ق., كوكتەم-3 ش/ا, 21-ءۇي, قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جانە سىرتقى كوممۋنيكاتسيالار باسقارماسى. ەسسە كونكۋرسىنا قاتىسۋعا ارنالعان ءوتىنىمدى «ەسسە كونكۋرسى» بەلگىسىمەن press@nationalbank.kz ەلەكتروندى مەكەنجايىنا دا جىبەرۋگە بولادى. كونكۋرستاردىڭ ءتارتىبى مەن تالاپتارى ولار تۋرالى ەرەجەلەردە سيپاتتالعان جانە ۇلتتىق بانكتىڭ www.nationalbank.kz رەسمي ينتەرنەت-رەسۋرسىندا, سونداي-اق ۇلتتىق بانكتىڭ Facebook-تەگى رەسمي اككاۋتىندا ورنالاستىرىلعان. انىقتامالارعا ارنالعان تەلەفون: +7 (727) 330-24-97, +7 (727) 2 704 585.