استانادا تۋريستەرگە ارنالعان جول سىلتەگىشتەر پايدا بولدى

استانا اكىمدىگى Astana Convention Bureau-مەن بىرلەسىپ ارنايى تۋريستىك جول سىلتەگىشتەر ورناتۋدا. بۇل تۋرالى Facebook-تا قر ينۆەستيتسيا جانە دامۋ مينيسترلىگى تۋريزم يندۋسترياسى دەپارتامەنتىنىڭ ديرەكتورى مارات يعالي جازدى. قالادا بارلىعى 100 پيلون مەن 140 جول سىلتەگىش ورناتىلاتىن بولادى. ەسكە سالايىق, 2017 جىلدىڭ 10 ماۋسىمى مەن 10 قىركۇيەگى ارالىعىندا وتەتىن «ەكسپو» دۇنيەجۇزىلىك كورمەسى اياسىندا استاناعا تۋريستەردىڭ ۇلكەن لەگى اعىلاتىنى كۇتىلۋدە. كورمەنى 2 ملن. ادام كورەتىنى بولجانۋدا. «ەكسپو-2017-ءنىڭ» تاقىرىبى - «بولاشاق ەنەرگياسى». قازاقستان اتالمىش كورمە ۇيىمداستىرىلعان جىلدار ىشىندە ەڭ كوپ ەلدى جۇمىلدىرا العان مەملەكەتتەردىڭ ۇشتىگىنە ەنۋى مۇمكىن. «استانا ەكسپو-2017»  ۇلتتىق كومپانياسى حالىقارالىق قاتىسۋشىلارمەن جۇمىس جونىندەگى دەپارتامەنت ديرەكتورى يليا ورازاقوۆتىڭ ايتۋىنشا, بۇگىنگى كۇنى قاتىسۋ تۋرالى رەسمي قۋاتتاۋ 104 ەلدەن الىندى. دەگەنمەن, وتىنىمدەر ءالى دە تۇسۋدە جانە قاتىسۋشى-ەلدەر سانى 110-عا جەتۋى ىقتيمال.