"مەدەۋدە" قىسقى ماۋسىم اشىلدى

الماتىدا قالا اكىمى باۋىرجان بايبەكتىڭ قاتىسۋىمەن قىسقى ۋنيۆەرسيادانىڭ باستالاۋىنا 100 قالعانىنا وراي ۇيىمداستىرىلعان «مەدەۋ» مۇز ايدىنىندا 2016-2017 قىسقى جاڭا ماۋسىمنىڭ اشىلۋى بولدى. بۇل جونىندە قازاقپارات حابارلادى. «بۇگىن جاز كەزىندە كونكيمەن سىرعاناۋدى ساعىنىپ قالعان مىڭعا جۋىق ادام جينالدى. مەن بۇگىن بارلىعىڭىزدى قۇتتىقتايمىن» دەدى باۋىرجان بايبەك. اكىم ۋنيۆەرسيادا-2017 الماتىنى قىسقى ءتۋريزمنىڭ حالىقارالىق ورتالىعى رەتىندە تانىتاتىنىن ايتتى. سونىمەن قاتار اكىم بۇگىنگى شارادا ۋنيۆەرسيادا ەلشىلەرى: رەجيسسەر نۇرتاس ادامباي, شوۋمەن مۇرات مۇتىرعانوۆ, بايكەر دميتري پەرۆۋحينگە حالىقارالىق ستۋدەنتتەر سپورت سايىنىڭ وكىلى ديپلومىن تابىس ەتتى. «بارلىعىڭىزدى مەدەۋدەگى جاڭا ماۋسىمنىڭ اشىلۋىمەن جانە ۋنيۆەرسيادانىڭ باستالۋىنا 100 كۇن قالعانىمەن شىن جۇرەكتەن قۇتتىقتايمىن», - دەدى باۋىرجان بايبەك. سونداي-اق ول مۇز ايدىنى اكىمشىلىگى كەلۋشىلەرگە باعا وزگەرمەگەنىن, 1800 تەڭگە بولىپ قالعانىن حابارلادى. مۇز ايدىنى سەيسەنبى-جەكسەنبى كۇندەرى ساعات 10-00-دەن تۇنگى 23-00-گە دەيىن اشىق بولادى. تاڭعى سىرعاناق ساعات 10-00-دەن 16-00-گە دەيىن, كەشكى 18-00-دەن 23-00-گە دەيىن.