ءتورت باسىلىمدى تورگە شىعارعان

اي سايىن ءبىر ءنومىردى ءبىر نومىرگە جالعاپ, سالالىق باسىلىمداردىڭ قاتارىن تولىقتىرىپ, جۋرنالدارىن توقتاۋسىز شىعارىپ كەلە جاتقان جۋرناليست گۇلجانات قۇستانوۆا جاقىندا الماتىدا ءوز ءىسىنىڭ 10 جىل­دىعىن اتاپ ءوتتى. «مەكتەپتەگى پسيحولوگيا. پسيحولوگيا ۆ شكولە», «ءبىلىم كىلتى – كليۋچ زناني», «پەدا­گوگ», «مەكتەپتەگى مەرەكەلەر» سەكىلدى ءتورت بىردەي جۋرنالدى شىعارىپ وتىرعان باس رەداكتور گۇلجانات قۇستانوۆا­نىڭ ەڭبەگىن جانكەشتىلىك دەپ باعالاساق تا ارتىق ەمەس. وسى ايدا جۋرنالدىڭ 100-ءنومىرىن جارىققا شىعارعان گۇل­جا­نات شايمەردەنقىزى ون جىل بويعى قيىن دا جاۋاپتى ەڭبەگىنە ەسەپ بەرىپ, ءناسىپ بولىپ وتىرعان كاسىبى­نىڭ قۋانىشىن ۇستازدار قاۋىمىمەن, وزىنە دەمەۋ, سۇيەنىش بولىپ كەلە جاتقان جاناشىرلارىمەن بىرگە اتاپ وتۋدە. قازمۋ-دى 1982 جىلى جۋر­ناليستيكا ماماندىعى بوي­ىنشا ءتامامداپ, ءبىراز جىل قازاق راديوسىندا قىزمەت ەتكەن گۇلجانات قۇستانوۆانىڭ ەسىمى تىڭ­دار­مانعا دا, وقىرمانعا دا جاقسى تانىس. مۇعالىمدەردى كەزەكتى اتتەستاتتاۋدان وتكىزۋ كەزىندە ولارعا پەداگوگيكالىق قىز­مەتىن, ءبىلىم-بىلىگىن كەڭ­ى-­­­ نەن كور­سەتەتىن مىندەتتى ما­قالا شىعارۋ تالا­بى قويىلادى. جۋرنالدى جا­رىققا شى­عارۋداعى ماق­سات تا سول, مەكتەپتەرگە ار­نالعان ادىستەمەلىك ماقا­لا­لار ازىرلەۋ, بىلىمگە بايلا­نىستى عالىمداردىڭ, مۇ­عالىمدەردىڭ, اتا-انالاردىڭ وي-پىكىرلەرىن جاريالاۋعا مۇمكىندىك جاساۋ بولاتىن. قوعامداعى سۇرانىستىڭ ءوزى تۇرتكى بولىپ دۇنيەگە كەلگەن باسىلىمدار ون جىل بويى وسى ماقسات ۇدەسىنەن شىعىپ كەلەدى. ماماندىعى جۋرناليست بولعان­دىق­تان, ءبىلىم مەن ۇستازعا ارنالعان باسىلىمداردى شىعارۋ گۇلجانات قۇس­تانوۆاعا قيىندىق تۋ­دىرمادى. پسيحولوگياعا بايلانىستى جۋرنالدى جارىققا شىعارۋ تۋرالى ويىن ايتىپ, كەڭەس سۇراپ بار­عان­دا, وسى سالاداعى ءبى­لى­ك­تى عالىم, پسيحولوگيا عى­لىم­دارىنىڭ دوكتورى, پروفەس­سور قۇبىعۇل جارىق­با­ەۆ اعىنان جارىلا باتاسىن بەرىپ, قۋانا قۇپتاعان ەكەن. العاشقى نومىرىنەن باس­تاپ كۇنى بۇگىنگە دەيىن اي­تۋلى عالىم ءاربىر ساننىڭ ماز­مۇندى دا ماعىنالى بولۋىن قاداعالاپ, جان-جاقتى باعدار بەرۋدە كو­مەگىن اياماي كەلەدى. ەلىمىز­دە پسيحولوگيا عىلىم رە­تىندە كەنجە قالىپ, ەندى دامي باستاسا, رەسەي مەن ۋكراينادا تەك بۇل سالاعا باي­لانىستى 200-گە تارتا باسىلىم جارىق كورەدى. ورنى ول­قى تارتىپ تۇرعان وسى عى­لىم­عا ارناپ «مەكتەپتەگى پسي­حولوگيا» جۋرنالىن شى­عا­را باستاعاندا, وعان قىزىعۋشىلىق تانىتقاندار دا كوپ بولعان. وسى ورايدا بۇل باسىلىمدار رەسپۋبليكا مەكتەپتەرىندە ەڭبەك ەتىپ ءجۇر­گەن مىڭداعان پسيحولوگ-پە­داگ­وگقا ون جىل ىشىندە اي­تار­لىقتاي كومەگىن تي­گى­زىپ, پسيحولوگيالىق ساۋات­تى­لىعىن ارتتىرۋدا ءوز ۇلەسىن قوستى دەپ سەنىممەن ايتۋعا بولادى. قازىر بۇل جۋرنالدى پسيحولوگيا ماماندىعى بو­يىنشا ماگيستراتۋرالىق ءبىلىم الىپ, عىلىمي ىزدەنىس­تەرگە بوي ۇرىپ جۇرگەن ءوزى­نىڭ قىزى اقنۇر ولجاەۆا شىعارىپ, اناسىنىڭ ءىسىن جالعاستىرا باستادى. سول سەكىلدى, گ.قۇستانوۆا «مەكتەپ­تە­گى مەرەكەلەر» جۋر­نالىنىڭ دا باسى-قاسىندا اقىن ءادىباي تابىلديەۆتىڭ تۇرعانىن ماقتانىشپەن ايتادى. مەك­تەپتەگى ءتۇرلى ءىس-شارالاردىڭ ستسەناري­لەرى تاقىرىپتار بويىنشا دايەك­تەلىپ, جۇيەلى تۇردە جاريالانىپ وتىرادى. وزدەرى دە مەكتەپتەرمەن بايلانىسىن نى­عايتىپ, ءتۇرلى تاقىرىپتا وتەتىن ءدوڭ­گەلەك ۇستەلدەرگە, ديسپۋتتارعا قاتى­سىپ, كەش قوناعى بولىپ, ىشىندەگى قىزىق­تى­سىن تاڭداپ-تالعاپ جاريالاپ ءجۇر. «ءبىلىم كىلتى – كليۋچ زناني» جۋرنالى ەكى تىلدە شىعادى. سوڭعى ۋاقىتتا اعىلشىن تىلىندەگى ساباق­تاردى دا جاريالاي باستادى. باسىلىمدى شىعارۋ ىسىندە «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ باسقارما ءتورايىمى گۇلناس احمەتوۆانىڭ قولداۋ-كو­مە­گىنە جۇگىنەتىنىن جاسىرمايدى. سونداي-اق, «پەداگوگ» ات­­تى ءساندى جۋرنال دا ءومىرىن ۇستاز­دىققا ار­ناعان, بالاعا ءبىلىم بەرىپ قانا قويماي, ءتار­بيەسى ءۇشىن دە ءوزىن جاۋاپ­تى ساناعان جاناشىر جان­دار­دىڭ ىزگى قاسيەتىن, ءشا­كىرت جۇرەگىنە جول تاپقان ەرەكشە مىنەزىن, ەسكىرمەيتىن-توزبايتىن تاجىريبەسىن ۇلگى ەتىپ, ەگجەي-تەگجەيلى كور­سەتۋدى ماقسات تۇتادى. ءار جوبانىڭ جەمىستى كەزەڭى بولادى. جۋر­نا­­لي­ستي­كا دەي­تىن وي-شۇقى­رى كوپ ەرەكشە الەم­نىڭ ءىشى­­نەن ەڭبەكقورلىعىنىڭ ارقا­سىن­دا ءبىلىم تاقىرىبىن ءبو­لىپ-جارىپ الىپ شى­عىپ, بيز­نەسكە اينالدىرا العان گۇل­­جانات ارىپتەسىمىزدىڭ ءساتتى ءىسى سۇيسىنۋگە تۇرارلىق. ايگۇل احانبايقىزى, «ەگەمەن قازاقستان» الماتى