وڭتۇستىكتەن سولتۇستىككە 700-دەن استام وتباسى قونىس اۋدارماق

«سەرپىن» باعدارلاماسى اياسىندا سولتۇستىك قازاقستان وبلىسىنا وڭتۇستىك وڭىرلەردەن 700-دەن استام وتباسى كوشىپ كەلمەك. بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن ءباسپاسوز ءماسليxاتىندا سولتۇستىك قازاقستان وبلىسى اكىمىنىڭ ءبىرىنشى ورىنباسارى ايداربەك ساپاروۆ ءمالىم ەتتى. «سەرپىن» باعدارلاماسىمەن بىزدە 600-دەن استام بالا ۋنيۆەرسيتەتتەردە, 400-دەن استامى كوللەدجدەردە وقىپ جاتىر. بۇل جۇمىس جاقسى ءجۇرىپ جاتىر. ولاردىڭ ءتارتىبى مەن بىلىمدەرىن تاربيە ءىسى جونىندەگى باسشىلىقتارى, ءبىلىم باسقارمالارى بارىپ, ءبىلىپ وتىرادى. ءوزىم دە بارىپ, كەزدەستىم, كوڭىلدەرىن ءبىلىپ. جالپى ءبىز ولارعا قولداۋ كورسەتىپ جاتىرمىز. ءوزىمىزدىڭ ويىمىز - بالالار وسى جاققا كەلگەننەن كەيىن, وسىندا قالسا. ويتكەنى ءبىزدىڭ ءوڭىردىڭ سانىن كوبەيتۋ كەرەك. وزدەرىڭىز بىلەسىزدەر, بىزدە كوشى-قوننىڭ تەرىس سالدوسى تىركەلۋدە. سوندىقتان وڭتۇستىك وڭىرلەرمەن ءبىز تىعىز جۇمىس جاساپ جاتىرمىز. وبلىس اكىمىنىڭ تاپسىرماسىمەن مەن ءوزىم 4-5 رەت وڭتۇستىك وڭىرلەرگە بارىپ كەلدىم. كەزدەسۋ وتكىزدىم. بۇگىنگى تاڭدا 700 وتباسى سولتۇستىك قازاقستان وبلىسىنا كوشىپ كەلۋگە نيەت تانىتۋدا. قازىرگى ۋاقىتتا 127 وتباسى كوشىپ كەلدى. ارينە, قونىس اۋدارعان ادامعا وڭاي ەمەس, قيىنشىلىقتار دا بولادى. بىراق اۋدان اكىمدەرى بارلىعىن باقىلاۋدا ۇستاپ وتىر», - دەدى ا. ساپاروۆ. ايتا كەتەيىك, «سەرپىن» باعدارلاماسى 2014 جىلدان بەرى جۇمىس ىستەۋدە. ونىڭ ماقساتى - ماماندارعا ءزارۋ سولتۇستىك, شىعىس جانە باتىس وڭىرلەرىنە وڭتۇستىك (وقو, جامبىل, قىزىلوردا, الماتى وبلىستارى) جاستارىن كوشىرۋ, ولاردى وقىتۋ جانە جۇمىسقا ورنالاستىرۋ.