• 21 قازان, 2016

«قازاق ەلى – ماڭگىلىك ەل» اتتى جاڭا مونوگرافيا شىقتى

432 رەت

كورسەتىلدى

1 مين

وقۋ ءۇشىن

Egemen Qazaqstan

اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە بەلگىلى عالىم, اكادەميك ءاليا بەيسەنوۆانىڭ «قازاق ەلى – ماڭگىلىك ەل» اتتى جاڭا مونوگرافياسىنىڭ تۇساۋكەسەرى بولادى. العاشقى بولىپ ءسوز العان ۇلتتىق عىلىم اكادەمياسىنىڭ اكادەميگى كوپجاسار نارىباەۆ بۇل ەڭبەكتىڭ ماڭىزىن كەڭىنەن اتاپ ءوتتى. ەلباسىنىڭ «ماڭگىلىك ەل» ۇلتتىق يدەياسىنا بايلانىستى قامتىلعان ماسەلەلەرگە توقتالىپ, ساياسي جاعىنا ءمان بەردى. تاريح عىلىمدارىنىڭ دوكتورى, پروفەسسور مامبەت قويگەلديەۆ كىتاپتىڭ تاريحي ماڭىزىنا باسا كوڭىل اۋدارىپ, اڭگىمەسىن وسى باعىتتا ءوربىتتى. شاراعا جينالعاندار اۆتورعا سالماقتى ساۋالدار قويىپ, ءاليا سارسەنقىزى بارلىعىنا دا تۇششىمدى جاۋاپ بەردى. سونداي-اق, تۇساۋكەسەردە پەداگوگيكا عىلىمدارىنىڭ دوكتورى, پروفەسسور باقتيار سمانوۆ, تاريح عىلىمدارىنىڭ دوكتورى, پروفەسسور بەرەكەت كارىباەۆ تا ءسوز الىپ, كىتاپ تۋرالى جىلى لەبىزدەرىن ءبىلدىردى. تۇساۋكەسەر قوناقتارى نۇرسۇلتان نازارباەۆتىڭ باستاۋىمەن ىرگەسى بەكىپ, قانات جايىپ كەلە جاتقان قازاقستاننىڭ جاڭا مەملەكەتكە اينالۋ كەزەڭدەرىن سارالاپ, تاۋەلسىزدىك ارقىلى قول جەتكىزگەن تابىستار تۋرالى تولعانعان كىتاپتىڭ قۇندىلىعى جوعارى, دەگەن باعا بەردى. ايگۇل احانبايقىزى, «ەگەمەن قازاقستان» الماتى