قاۋىپ قايدان دەمەڭىز

كۇزگى جاۋىن-شاشىننىڭ سالدارىنان مۇزداقتى كولدەردەگى سۋ دەڭگەيىنىڭ قاۋىپ­سىزدىگى قاشاندا وزەكتى ماسەلە. وسىعان وراي ورتالىق كوممۋنيكاتسيالار قىزمەتىندە ىشكى ىستەر ءمينيسترىنىڭ ورىنباسارى يۋ.يلين­نىڭ قاتىسۋىمەن «قر ءىىم سەل قاۋپىن ازايتۋ بويىنشا جۇمىسى تۋرالى» تاقى­رى­بىندا بريفينگ ءوتىپ, وندا سەلدىڭ ال­دىن الۋعا قاتىستى مالىمەتتەر ورتاعا سالىندى. ءمينيستردىڭ ورىنباسارى ءىىم-گە قاراس­تى توتەنشە جاعدايلار كوميتەتىنىڭ «قازسەلدەنقورعاۋ» مم مۇزداق كولدەرگە باقىلاۋ جۇرگىزگەندىگىن ەرەكشە اتاپ كەتتى. سونىڭ ناتيجەسىندە الماتى, جامبىل, وڭتۇستىك قازاقستان جانە شىعىس قازاقستان وبلىستارىندا 694 مۇزداق جانە شوگىندى كولدەر انىقتالىپتى. اپات ورىن الا قالعان جاعدايدا ونىڭ الدىن الۋ ءۇشىن قۇتقارۋ ارنالارى سالىنىپ, تاۋ بوكتەرى بويىنا اۋىر تەحنيكالار: ەكسكاۆاتور, سىرعىش جانە وزگە دە تەحنيكا تۇرلەرى تارتىلعانى دا اتالدى. اۋىر تەحنيكالار اۆياتسيا كومەگىمەن جەتكىزىلىپتى. سونداي-اق, ساعاتىنا 400 تەكشە مەتردى قۇرايتىن تەرەڭدىك سورعىلارىمەن سۋ تارتۋ جۇمىستارى جۇرگىزىلگەن. بۇنىڭ سىرتىندا سۋدى اعىزۋعا ارنالعان ارنالار كولەمى 11 مىڭ تەكشە مەترگە دەيىن جەت­كەن. يۋ.ءيليننىڭ سوزىنەن ءمالىم بول­عانىنداي, وزەن ارنالارىنىڭ سەل قاۋپى بار ۋچاسكەلەرىنە, مۇزداق كەشەندەرىنىڭ جاي-كۇيىنە اعىمداعى جىلدىڭ باسىنان بەرى 2 100 جەرۇستى, 9 اەروۆيزۋالدى تەكسەرۋ جۇرگىزىلگەن جانە 31 اۆيا جۇمىسى جاسالعان. وسىلايشا سەل اعىندارى جاعدايىن بولجاۋ جانە ولارعا ۋاقىتىلى دەن قويۋ ماسەلەلەرى ءوز شەشىمدەرىن تاپقان. قورىتا ايتقاندا, تەك «قازسەل­دەن­قور­عاۋ» مم-ءنىڭ 150-دەن استام ادامنان قۇرالعان بريگاداسى الماتى وبلىسىندا ءتورت اي بويى بيىكتىگى شامامەن 3500 مەتر تاۋداعى ءارتۇرلى سەل قاۋپى بار ۋچاسكەلەردە كەشەندى جۇمىس ىستەگەن. ال رەسپۋب­ليكا بويىنشا وتكەن سەل قاۋىپتى كەزەڭىندە شامامەن 400 ادام جۇمىلدىرىلىپتى. اسقار تۇراپباي ۇلى, «ەگەمەن قازاقستان»