مارجانداي موزايكالار

جاقىندا ۇلتتىق مۋزەيدە يتاليا موزايكا مەكتەبى شەبەرلەرىنىڭ «فريۋلي موزايكاسى» كورمەسى سالتاناتتى جاعدايدا اشىلدى. سيرەك ونەر تۋىندىلارى ۇسىنىلعان شارانى يتاليانىڭ قازاقستانداعى ەلشىلىگى مەن ۇلتتىق مۋزەي ۇجىمى بىرلەسىپ وتكىزىپ وتىر. فريۋلي – يتاليانىڭ سول­تۇستىك-شىعىسىندا ورنا­ل­اس­قان جانە الپىدەن ادريا­تي­كا جاعالاۋلارىنا دەيىنگى اي­ماقتى الىپ جاتقان ەرەكشە اۆتونوميالاردىڭ ءبىرى بولىپ سانالادى. ال تاريحى مىڭداعان جىلدارعا كەتەتىن موزايكا ەش­قاشان قولدانىستان شىق­قان ەمەس جانە دە ءار عاسىردا زاما­ناۋي ۇلگىدە كەڭىنەن پايدا­لانى­لىپ كەلدى. سيرەك ونەردىڭ بۇل ءتۇرى ارقىلى ساۋلەت ونەرى ايرىق­شا تۇرلەنىپ, ادامزات ءور­كە­­نيەتىنىڭ باعا جەتپەس قۇن­دىلىعى رەتىندە باعالاندى. سونىمەن قاتار, تاريحي ءساۋ­لەتكە قايتالانباس ورنەگىمەن جارقىن ەرەكشەلىكتەر دە كىرگىزە الدى. يتاليا شەبەرلەرىنىڭ «التىن بالىقتار», «ات باستى تەڭىز بالىقتارى», «اققۋلار», «بارىلداق تورعايلار», «اۋليە وتباسى», «توقى­ما», «قۇپيا», «كولەڭ­كەلەر», «ۋيكي جانە بالىق­تار» سىندى موزايكا تۋىن­دىلارى كونە ونەردىڭ ەجەل­دەن ولارمەن ەگىز ءارى قاي كە­زەڭدە دە ءبىر-بىرىمەن رۋح­تاس بولعاندىعىن باي­قاتادى. شاراعا قاتىسۋشىلار التىن جانە پلاتينامەن قاپ­­تالعان مايوليكا بۇ­يىم­­­دارىن, سونداي-اق ءتۇر­لى ورنەكتەرمەن بەزەن­دىرىلگەن ۆازالار, تاباقتار, قۇمىرالار, ەكى ساپتى گرافيندەر, تەگەشتەر, ۇلكەن شامدالدار, قۇم­عان­دار, قوبديشالار, باروككو سا­عات­تارى سىندى الۋان ءتۇرلى زات­تاردى تاما­شا­لا­دى. بارلىعى 70-كە جۋىق كەرا­ميكا بۇيىم­دارى قويىل­عان كورمە قا­ر­ا­شانىڭ 28-ىنە دەيىن جالعاسپاق. قاراشاش توقسانباي, «ەگەمەن قازاقستان»