الماتىدا اۆتوبۋس جۇرگىزۋشىلەرى "وڭايدى" الىپ تاستاۋدى تالاپ ەتتى

«Greەn Bus» جشس №30, 32, 121 باعدارىنداعى قوعامدىق كولىك جۇرگىزۋشىلەرىنىڭ جۇمىسقا شىعۋدان باس تارتۋىنا قاتىستى ءوز پىكىرلەرىن ايتتى, دەپ حابارلايدى egemen.kz قازاقپاراتقا سىلتەمە جاساپ. اتالعان كومپانيا باس ديرەكتورى باۋىرجان ك ۇلىشەۆتىڭ ايتۋىنشا, بۇگىن تاڭەرتەڭ جانار-جاعارماي بەكەتىندە اپات بولعان, سوندىقتان بىرنەشە جۇرگىزۋشى جۇمىسقا شىعۋدان باس تارتقان. «بۇگىن رەيسكە 65 ادام شىقپادى. ولار كۇندەلىكتى مەجەلى جوسپاردىڭ ارتىپ كەتكەنىنە نارازى. جۇرگىزۋشىلەر «وڭاي» ەلەكتروندى قۇرىلعىسىن الىپ تاستاۋدى تالاپ ەتتى. بۇل جۇرگىزۋشىلەر «وڭاي» جۇيەسى بويىنشا بيلەت بەرمەيدى. ولار اقشانى قولعا الىپ, قالتاسىنا سالادى, بوس بيلەتتەر بەرەدى. ولاردىڭ ۇستىنەن جولاۋشىلار تاراپىنان ءجيى شاعىم تۇسەدى», - دەدى ب.ك ۇلىشەۆ. ونىڭ ايتۋىنشا, «Greەn Bus» جشس «ترانسپورتنىي حولدينگ الماتى» جشس-ىمەن بىرگە كەلتىرىلگەن شىعىندى ەسەپتەگەن. ەكى اي ىشىندە 16 ملن تەڭگە شىعىن كەلگەن. «بۇل №30, 32, 121 باعدار جۇرگىزۋشىلەرىنىڭ قالتاسىنا سالعان اقشاسى», - دەدى ول. «بۇگىن رەيسكە شىقپاعان جۇرگىزۋشىلەرگە سوگىس بەرىلەدى. ارنايى كوميسسيا ارى قاراي نە ىستەۋ كەرەكتىگىن شەشەدى», - دەدى كومپانيا ديرەكتورى.