قازاقستاندا جىلجىمايتىن م ۇلىككە تەحنيكالىق تولقۇجات الۋ ءراسىمى جەڭىلدەتىلدى

ايتا كەتەيىك, بۇرىن قىزمەت الۋشى بۇل مەملەكەتتىك قىزمەتتى الۋ ءۇشىن حقكو-عا كەمىندە ءۇش رەت بارۋى قاجەت بولاتىن. «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق باسقارما توراعاسىنىڭ ورىنباسارى مەدەت قۇمارعاليەۆتىڭ ايتۋىنشا, دەرەكتەردىڭ وزگەرىستەرىن تىركەۋگە 2 فاكتى - قايتا ولشەۋ كەزىندە انىقتالعان الاڭنىڭ وزگەرىسى جانە جىلجىمايتىن م ۇلىك نىسانىن قايتا جوسپارلاعان جاعدايداعى سايكەستەندىرۋ سيپاتتامالارىنىڭ وزگەرىسى نەگىز بولۋى مۇمكىن. جوندەۋ جۇمىستارىنىڭ, بالكون الاڭىنىڭ قوسىلۋى جانە ت.ب. ناتيجەسىندە الاڭ كولەمى وزگەرگەن جاعدايدا, ازامات سايكەستەندىرۋ دەرەكتەرىنىڭ وزگەرىستەرىمەن تىركەلگەن تەحنيكالىق تولقۇجاتتى جانە قۇقىق بەلگىلەيتىن قۇجاتتى (ساتۋ-ساتىپ الۋ شارتى, جەكەشەلەندىرۋ, سىيعا بەرۋ جانە ت.ب.) الادى. جىلجىمايتىن م ۇلىك قايتا جوبالانعان نەمەسە قايتا جابدىقتالعان جاعدايدا, ازامات جىلجىمايتىن م ۇلىك نىسانىنىڭ سايكەستەندىرۋ سيپاتتامالارىنىڭ وزگەرىستەرىن تىركەتۋى قاجەت. ول ءۇشىن الدىمەن وزگەرىستەردى زاڭداستىرۋ ءۇشىن ساۋلەت ورگاندارىنا جۇگىنۋ كەرەك, ناتيجەسىندە ول پايدالانۋعا قابىلداۋ اكتىسىن الادى. بىراق, م. قۇمارعاليەۆتىڭ ايتۋىنشا, ەندى بارلىق قۇجاتتار توپتاماسىن مەملەكەتتىك كورپوراتسيا قىزمەتكەرى جيناپ بەرە الادى. ول سەنىمحات نەگىزىندە ءوز بەتىنشە بارلىق قۇجاتتار توپتاماسىن جيناقتايدى, ونىڭ ىشىندە پايدالانۋعا ارنالعان قابىلداۋ اكتىسىن دە رەسىمدەيدى. ال قىزمەت الۋشى حقكو-دان دايىن قۇجاتتى الادى. ايتا كەتۋ كەرەك, قۇجاتتار توپتاماسىن جيناقتاۋ قىزمەتىن مەملەكەتتىك كورپوراتسيا قىزمەتكەرلەرى اقىلى نەگىزدە جۇزەگە اسىرادى, - دەپ حابارلايدى پرەمەر-ءمينيستردىڭ رەسمي سايتى.