رۋمىنياداعى ءبىزدىڭ فەستيۆال

بۋحارەستەگى ءداستۇرلى ونەر شەرۋى ەستە قالار ەرەكشە ساتتەرگە تولى بولدى. شارا ەل تاۋەلسىزدىگىنىڭ 25 جىلدىق مەرەيتويى قۇرمەتىنە ارنالدى. مەرەكەلىك شارانى قازاقستان­نىڭ رۋمىنياداعى ەلشىلىگى  «ينتەرنەيشنل كمگ» كومپانياسى دەمەۋشىلىگىمەن ۇيىمداستىردى. قازاق كينوسى فەستيۆالىن وتكى­زۋ­گە ش.ايمانوۆ اتىنداعى «قا­زاق­فيلم» كينوستۋدياسى مەن بۋحارەستەگى فرانتسۋز مادەنيەت ينستيتۋتى اتسالىستى. فەستيۆال اياسىندا سەرگەي سنەجكين, ەرمەك شىنارباەۆ, رۇستەم ابدىراشەۆ, دوسحان جولجاقسىنوۆ, ەرمەك تۇرسىنوۆ سىندى بەلگىلى رەجيس­سەر­لەردىڭ ءار جىلدارداعى تاڭداۋلى 5 ءفيلمى كورسەتىلدى. قازاق كينوسى كۇندەرىنىڭ اشىلۋ سالتاناتىندا قازاقستاننىڭ رۋ­مىنياداعى ەلشىسى داۋلەت باتى­راشەۆ بۇل فەستيۆال ەكى ەل اراسىنداعى دوستىق قارىم-قاتىناس پەن ىنتىماقتاستىقتى دا­مىتۋعا ايتارلىقتاي ۇلەس قوسا­تى­نىن ايتا كەلىپ, مادەني ءداستۇر­لەردىڭ مۇنان كەيىن دە جاراسىمدى ەكپىندە جالعاسا بەرەتىنىنە سەنىم ءبىلدىردى.  «شال» فيلمىندە باستى ءرولدى سومداعان ءارتىس ەر­بولات توعىزاقوۆقا بۋحارەست جۇرت­شىلىعى سۇيىسپەنشىلىكپەن ىستىق ءىلتيپات تانىتتى. ەسكە سالا كەتەيىك, قازاق كينوسىنىڭ رۋمىنياداعى العاشقى فەستيۆالى بىلتىر قازاق حاندىعىنىڭ 550 جىلدىعى  قۇر­مەتىنە ورايلاستىرىلعان بولاتىن. قارشىعا كۇلەن