اقان ساتاەۆتىڭ جاڭا ءفيلمى كورسەتىلدى

الماتىداعى رەسپۋبليكا سارا­­يىن­دا جىلدىڭ ەڭ ايتۋلى پرەمە­را­سى رەجيسسەر اقان ساتاەۆ­تىڭ «اناعا اپارار جول» ءفيلمى­نىڭ تۇ­ساۋ­كەسەر كورسەتىلىمى ءوتتى. كەڭەس­تىك كەزەڭدەگى ۇجىم­داس­­تىرۋ, ساۋات اشۋ كەزەڭىنەن باس­تاپ, اشار­شى­لىق, ۇركىنشىلىك, سوعىس, ستاليندىك ناۋبەت سەكىلدى قازاق ۇلتىنىڭ باسىنا تۇسكەن قيىن­دىق­تاردى تىزبە­لەپ, تۇتاس ءبىر ءداۋىردىڭ سۇلبا­سىن كينو تىلىمەن كورسەتكەن رەجيس­سەر­­دىڭ اۋقىمدى ەڭبەگى باعا­لاۋ­عا تۇ­رار­لىق. ءفيلمنىڭ باس­تى كەيىپ­كەرى ءىلياستىڭ ءومىر­گە كەل­­گەن كۇنىنەن باستاپ تارقاتى­لا­تىن وقي­عا­لار تىزبەگىنىڭ قاي-قاي­سىسى دا قازاق­قا جاقىن ءارى ءتۇسى­نىكتى. رەجيس­سەر كەيىپ­كەردىڭ باسىنا ءتۇس­كەن سىناق­تار­­دان وتۋىنە كومەك­تە­سەتىن انا ما­حاب­­با­تىنىڭ كۇشىن وقيعا قازىعى ەتىپ الا وتى­رىپ, كەيىپ­كەردىڭ ءور رۋ­حى­نىڭ بيىكتىگىن, وتان­عا دەگەن ءسۇيىس­­­پەن­­شىلىگىن, ادام سەن­گى­سىز جان­كەش­­تى­لىگىن كورسەتۋدى ماقسات ەتكەن. قىزىلدار قۇرعان وكىمەتتىڭ وكتەم­دىگىنە مويىنسۇنا الماعان ەرالى باي شەكارا اسپاق بولىپ بەكى­نىپ كەلگەنىندە, ارقاسۇيەر اعايىنى ىزىنەن ىلەسپەك تۇگىلى, وزىنە قارسى تۇرادى. ادۋىندى باي اشۋ شاقىرىپ, قول­شوقپارلارى قارۋ كەزەنىپ, قىم-قۋىت قاقتىعىس كەزىندە قاڭعىعان وقتان ءىلياستىڭ اكەسى قۇربان بولادى. ۇرەرگە ءيتى قالماعان اۋىلدا اشتىقتىڭ قۇربانى بولار دەپ قورىققان ەرالى ءىنىسىنىڭ جالعىز تۇياعىن اناسىنان ايى­رىپ, كۇشپەن بوكتەرىپ وزىمەن بىرگە الىپ كەتەدى. ودان ءارى تۇركيا اسىپ, كەمە ارقىلى ۋكرايناعا جەتىپ, كەڭەس ەلىندە ءومىرى قايتا جالعاسقانىمەن, ءبىر قيىن­دىقتان ەكىنشىسىنە تاپ بولىپ, ەرىكسىز ەركىندىگىنەن ايىرىل­عان ءىلياس اناسىمەن ۇزاق جىلدارعا تابىسا المايدى. ءىلياس – ءبىر عا­سىر­داعى زۇلماتتىڭ ءبارىن باسى­نان كەشىپ, جانكەشتىلىكپەن امان قالعان ادامداردىڭ جيىن­تىق بەينەسى. تالاي رەت ولىممەن بەت­پە-بەت كەلسە دە, ءوزىنىڭ ەڭ جا­قىن جانى – اناسىمەن قايتا قاۋى­شا­تىنىنا سەنىمىن جوعالت­پايدى. فيلم ومىرلىك قۇندىلىق­تاردى وي ەلەگى­نەن قايتا وتكىزۋگە, ادامعا, قو­عام­عا دەگەن كوز­قاراس­تى وزگەر­تۋگە ءوز اسەرىن تيگىزبەي قويمايدى. تاريحي تاقىرىپتاردى توپ­تاس­تىرعان بىرەگەي تۋىندى قازاق­ستان, بەلارۋس, ازەربايجان رەسپۋبليكالارىندا ءتۇسى­رىلگەن. ءفيلمنىڭ ەڭ باستى جەتىستىگى – اكتەرلەردىڭ ءوز ءرولىن شىنايى بەينەلەي العانى. انانىڭ وبرازىنداعى التى­­ناي نوگەربەكتىڭ, ءىلياس­تىڭ ءرولىن­دەگى ءادىل احمەتوۆتىڭ, ەرالى بەينە­سىن­­دەگى بولات ءابدىل­مانوۆتىڭ, حاميت­تى كەيىپ­تەگەن ازامات ساتى­بال­­دىنىڭ, مۇقان­دى وي­ناع­ان ەركەبۇلان دايىروۆتىڭ, لۇق­پان­دى كەسكىندەگەن بەرىك ايتجانوۆتىڭ ويى­نىن­داعى شىندىق سەندىر­مەي قويمايدى. جالپى العاندا, ءفيلمنىڭ ءتۇسىرى­لىمىنە 2000-نان استام ادام جۇ­مىل­دىرىلعان. تۇساۋكەسەر سالتاناتىنا فيلم­­نىڭ باس پروديۋسەرى ءاليا نازارباەۆا, مادەنيەت جانە سپورت ۆيتسە-مي­نيسترى عالىم احمە­دياروۆ, الماتى قالاسى اكىمىنىڭ ورىن­باسارى ارمان قىرىقباەۆ, ءماجى­لىس دەپۋتاتتارى زاعيپا باليەۆا مەن بىرعانىم ءايتىموۆا قاتىستى. فيلمنەن شىققان سوڭ ۇلتتىق تانىمى مەن جۇرەگىنە قوزعاۋ سالعان قۋاتتان ايىعا الماعان بارلىق انالاردى ساراي سىرتىندا قۋانىش گ ۇلى كۇتىپ تۇردى. ايگۇل احانبايقىزى, «ەگەمەن قازاقستان» الماتى