رەسپۋبليكالىق فوتوبايقاۋ اياقتالدى

وتكەن جىلدىڭ وسى مەرزىمىندە باس­تالعان فوتوبايقاۋدىڭ 71 قاتىسۋشىسى  كاسىبي مامانداردىڭ تالقىسىنا بارلىعى 560 جۇمىس تاپسىرعان ەكەن. شىنايى شەبەرلەردەن قۇرىلعان قازىلار القا­سى فوتوجۋرناليستەر مەن اۋەسقوي فو­تو­­شەبەرلەردىڭ ماڭداي تەرىن توگىپ اتقارعان جۇمىستارىن تارازىلاي كەلە ناعىز جەڭىمپازداردىڭ ەسىمىن اتادى. قامتۋ اۋقىمى كەڭ بايقاۋدا نەگىزىنەن فوتو­وبەكتيۆكە ىلىنگەن ەلىمىزدىڭ اسەم تابيعاتى, تاريحي ەسكەرتكىشتەرى مەن حال­قى­مىزدىڭ سالت-داستۇرىنە باي­لا­نىستى قاس قاعىم ساتتىك قالتقىسىز كورىنىستەر سارالاندى. بايقاۋدىڭ باس جۇلدەسىن – ءبىرىنشى ورىندى «دوستىق شوقىسى» اتتى سۋرەتى ءۇشىن وسكەمەندىك مەرەي قاينار ۇلى جەڭىپ الدى. ەكىنشى ورىندى «تەڭگە ءىلۋ» فوتوسۋرەتى ءۇشىن تارازدىق الماز ورمان, ءۇشىنشى ورىندى «تاۋدان اققان تاس بۇلاق» شىعارماسى ءۇشىن الماتىلىق تىلەۋبەك راحىمجان يەلەنىپ, ارناۋ­لى سىيلىقتارمەن ماراپاتتالدى. جەڭىم­پازدارعا – Pillips تەلەۆيزورى, Aser نوۋتبۋگى جانە Nikon فوتواپپاراتى بەرىلدى. بۇدان باسقا بارلىعى بەس ىنتالاندىرۋ سىيلىعىنىڭ جەڭىمپازدارى دا فوتوبايقاۋ قورىتىندىسىنا وراي ماراپات الدى. ماراپاتتاۋ سالتاناتىنىڭ الدىندا قازاقستان فوتوجۋرناليستيكاسى­نىڭ ايتۋلى شەبەرى, ارداگەر ءفوتوتىلشى نۇرمانبەت قيزاتوۆقا «فوتوونەر قاي­راتكەرى» مەدالى تاپسىرىلدى. سونداي-اق قازاقستان «فوتوونەر» قوعامدىق بىرلەستىگى دۇنيەدەن وتكەن نۇرعوجا جۇ­بانوۆ, قايرات مۇستافين, سيەز باسىبەكوۆ, سايلاۋ پەرنەباەۆ, راحىمباي حانالى سياقتى ەسىمدەرى ەلگە تانىمال بولعان ءباسپاسوز فوتوشەبەرلەرىنىڭ  وتباسىلارى­نا ارنايى سىيلىق-ەسكەرتكىشتەر تاپسىردى. بايقاۋدىڭ دەمەۋشىلەرى – «بانك RBK» اق, National Geographic قازاقستان جانە Nikon قازاقستان كومپانيالارى ەكەنىن دە ەسكە سالا كەتكەندى ءجون سانادىق.  تالعات ءسۇيىنباي, «ەگەمەن قازاقستان» الماتى سۋرەتتى تۇسىرگەن نۇرمانبەت قيزاتوۆ