اقبيكەش مۇناراسى قايتا جاڭعىرتىلا ما؟

قاراتاۋ اۋىلدىق وكرۋگىنە قاراستى اقسۇمبە ەلدى مەكەنىندەگى «اقبيكەش» مۇناراسى وبلىس اكىمىنىڭ 2010 جىلعى 9 ماۋسىمداعى قاۋلىسىمەن ءحىىى-ءحىV عاسىرداعى قالا قۇرىلىسى جانە ساۋلەت ەسكەرتكىشى رەتىندە مەملەكەتتىك تىزىمگە ەنگىزىلگەن. تاريحي دەرەكتەردە اقبيكەش مۇنا­راسىن ءحىىى عاسىردا دەشتى-قىپشاق  تايپاسى قاراۋىل مۇناراسى رەتىندە سالىنعانى جازىلعان. مۇنارا بيىك جەردە تاۋدىڭ تومەن قاباتىندا ورنالاس­قان. كەزىندە بيىكتىگى 24 مەتر شاماسىندا لايدان تۇرعىزىلعان مۇنارا قازىر 13 مەتر­گە تۇسكەن. ول وسى كۇنگە دەيىن تابيعي اسەر­لەر­دەن جارتىلاي بۇزىلىپ, توبەسى ءمۇجىلىپ, قابىرعالارىن جاڭبىر شا­يىپ كەلگەن. ەندى قايتا قالپىنا كەلتىرۋ جۇمىستارىن قاجەت ەتەدى. سان عاسىرلىق تاريحى بار جادىگەرگە وسى ۋاقىتقا دەيىن بىردە-ءبىر جوندەۋ جۇمىستارى جۇرگىزىلمەگەن. «اقسۇمبە» مۇناراسىن  قايتا قالپىنا كەلتىرۋ جۇمىستارى ءۇشىن قۇنى 26 ميلليون 710 مىڭ تەڭگەگە جوبالىق-سمەتالىق قۇجاتى دايىن. الايدا, بيۋدجەت كو­دەك­­سى­نە سايكەس ارنايى باعدارلامانىڭ جوق­­تى­عىنان وعان جەرگىلىكتى قازىنادان قارجى ءبولۋ مۇمكىن بولماي وتىر. تاريحي مۇرانى ساقتاپ قالۋ ماق­ساتىندا سوزاق اۋدانى اكىمدىگىنىڭ باستاما كوتەرۋىمەن جانە جەرگىلىكتى تۇرعىنداردىڭ قولداۋىمەن رەستاۆ­راتسيالىق جوندەۋ جۇمىستارىنا دەيىن ارنايى توزىمدىلىگى بەرىك ماتەريالمەن قاپتاما تىگىلىپ, ۋاقىتشا قاپتاۋ جۇمىستارى ۇيىمداستىرىلدى. بۇل جۇمىسقا «قاراتاۋ» جشس-ءنىڭ باس­شىلىعى ەرەكشە كوڭىل ءبولىپ, قاجەتتى تەحنيكالار مەن قامتاماسىز ەتتى. قازىرگى تاڭدا مۇنارانى ساقتاپ قالۋ, قايتا قالپىنا كەلتىرۋ, كوركەيتۋ جۇمىس­تارىن قولعا الۋ ماقساتىندا ارنايى قور اشۋ جۇمىستارى جۇرگىزىلۋدە. اتالعان قورعا «قاراتاۋ» جشس-ءنىڭ باسشىلىعى كولەمدى قارجى اۋداراتىنىن جەتكىزىپ, وزگە ءوندىرىس ورىندارىن دا قولداۋ كور­سەتۋگە شاقىردى. باقتيار تايجان, «ەگەمەن قازاقستان» وڭتۇستىك قازاقستان وبلىسى, سوزاق اۋدانى