ەۋرازيالىق جازعى مەكتەپ جۇمىسى اياقتالدى

كەشە الماتى قالاسىندا تۇركى اكادەمياسى حالىقارالىق ۇيىمى (TWESCO), ەۋرازيا عىلىمي-زەرتتەۋ ينستيتۋتى جانە تۇركيا پرەمەر-ءمينيسترى جانىنداعى شەتەلدەگى تۇرىكتەر جانە تۋىس حالىقتار جونىندەگى باسقارما بىرلەسىپ ۇيىمداستىرعان «ەۋرازيالىق جازعى مەكتەپ» ءوز جۇمىسىن اياقتاپ, تىڭداۋشىلارىنا ارنايى سەرتيفيكاتتار تابىس ەتتى. اتالعان جازعى مەكتەپكە ازەربايجان, بەلارۋس, گەرمانيا, گرۋزيا, قازاقستان, قىرعىزستان, تۇركيا, وزبەكستان, پولشا جانە ۋكراينادان 20 ماگيسترانت پەن دوكتورانت قابىلدانعان بولاتىن. ولارعا وقۋ باعدارلاماسى شەڭبەرىندە تۇركىتىلدەس ەلدەردىڭ ەكونوميكالىق ينتەگراتسياسى, كولىك جانە ينفراقۇرىلىم جوبالارى, ەنەرگەتيكا جانە سۋ قاۋىپسىزدىگى ماسەلەلەرى, كاسپي تەڭىزىنىڭ قۇقىق­تىق مارتەبەسى جانە ايماقتىق ىنتىماق­تاستىقتىڭ بولا­شاعى, سونداي-اق ەۋر­ازيادا قاۋىپسىزدىك ماسەلەلەرى تاقىرىبىندا دارىستەر وقىلدى. ءدارىس وقىعان ساراپشىلار دا بىرقاتار شەت­ەلدەردەن شاقىرتىلعان. اتاپ ايتقاندا, قازاقستاننان بولەك, اقش, ازەربايجان, رەسەي, تۇركيادان كەلگەن ماماندار ءتۇرلى تاقىرىپتار بويىنشا لەكتسيالار وقىپ, پىكىر الماستى. ايتا كەتۋ كەرەك, جازعى مەكتەپتى تابىستى اياقتاعان قاتىسۋشىلار ءوز سالا­سىنداعى ءبىلىمى مەن تاجىريبەسىن ارت­تىرىپ, اكادەميالىق تالداۋ جاساۋ ما­شىق­تارىن دامىتۋعا مۇمكىندىك الدى. سونىمەن قاتار, الماتى مەن استاناداعى قازاقستاننىڭ ىشكى جانە سىرتقى ساياساتىنا باعىت بەرەتىن ىرگەلى ۇيىمداردى ارالاپ, جۇمىسىمەن تانىساتىن بولدى. «ەگەمەن-اقپارات»