جاڭا تەحنولوگيالار مەن عىلىمي يننوۆاتسيالار ماسەلەلەرى تالقىلاندى

ەلوردادا يننوۆاتسيا, تەحنولوگيا جانە ءبىلىم ماسەلەلەرى جونىندەگى ازيا پارلامەنتارالىق فورۋمى باستالدى. جيىنعا قاتىسۋعا 20-دان استام ەلدىڭ  پارلامەنتاريلەرى مەن ساراپشىلارى, سونداي-اق, حالىقارالىق ۇيىمداردىڭ وكىلدەرى كەلدى.  اتالعان اۋقىمدى جيىندى قازاقستاننىڭ پارلامەنتى ءماجىلىسى ءبىلىم, عىلىم جانە مادەنيەت ماسەلەرى جونىندەگى يسلام ۇيىمىمەن (يسەسكو) جانە يسلام دامۋ بانكىمەن بىرلەسە ۇيىمداستىردى. فورۋمنىڭ ماقساتى – يسلام ىنتىماقتاستىق ۇيىمىنا مۇشە-مەملەكەتتەردىڭ عىلىمي جانە ءبىلىم بەرۋ الەۋەتىن كوتەرۋ. ەكى كۇنگە سوزىلاتىن فورۋمنىڭ العاشقى كۇنى, ياعني بۇگىن ءبىلىم, تەحولوگيا جانە يننوۆاتسيا سالالارىنداعى ساياسات ماسەلەسى تالقىلاندى. سونىمەن قاتار, جاھاندانۋ اياسىنداعى ءبىلىم مەن عىلىم سالالارىن دامىتۋ ءۇشىن زاڭنامالىق بازانى قالىپتاستىرۋ جايى,  ۇلتتىق باعدارلامالار مەن باسىمدىقتاردى ىسكە اسىرۋداعى ۇلتتىق ينستيتۋتتارمەن قارىم-قاتىناس جولدارى مەن ونداعى پارلامەنتاريانىڭ ءرولى ماسەلەلەرى قاراستىرىلدى. جيىن بارىسىندا ازەربايجان, الجير, بانگلادەش, ەگيپەت, ءۇندىستان, يندونەزيا, پاكىستان, گامبيا مەن مالي رەسپۋبليكالارىنان كەلگەن عالىمدار مەن ساراپشىلار, پارلامەنت وكىلدەرى ءوز وي-پايىمدارىمەن, تاجىريبەلەرىمەن ءبولىستى.  ساراپشىلار اسىرەسە, «جاسىل» ەكونوميكا تاقىرىبىنا ايرىقشا نازار اۋدارىپ, بۇل ورايدا, ەكسپو-2017 حالىقارالىق كورمەسىنىڭ نەگىزگى باسىمدىقتارىمەن جانە ۇستانىمدارىمەن تانىستى. «قازىرگى تاڭدا ەلىمىزدە پرەزيدەنتتىڭ 5 ينستيتۋتسيونالدىق رەفورماسىن ورىنداۋ بويىنشا «100 ناقتى قادام» ۇلت جوسپارى جۇزەگە اسىرىلىپ كەلەدى.  ۇلت جوسپارىندا كورسەتىلگەندەي, ءبىزدىڭ ەلدە يننوۆاتسيا ساياساتى, ەكونوميكالىق دامۋ باسەكەگە قابىلەتتى قوعام قۇرۋدىڭ نەگىزگى باعىتى بولىپ سانالادى. ءبىزدىڭ ەلىمىز يندۋستريالىق-يننوۆاتسيالىق دامۋ بويىنشا العاشقى بەسجىلدىقتى تابىستى ورىندادى. قازىرگى ۋاقىتا بۇل باعدارلامانىڭ ەكىنشى كەزەڭى ءتيىمدى جۇرگىزىلۋدە. ال ول باعدارلامانىڭ زاڭ جاعىنان قامتاماسىز ەتىلۋىندە قازاقستان پارلامەنتىنىڭ قوسقان ۇلەسى زور. سوندىقتان, ءبىزدىڭ ەلىمىز جاڭا تەحنولوگيالار مەن  يننوۆاتسيالىق عىلىمدى دامىتۋ جولىندا ارقاشان الەم ەلدەرىمەن بىرىگىپ,  جۇمىس ىستەۋگە دايىن.  وسى ورايدا, ەلباسىنىڭ  يسلام ىنتىماقتاستىق ۇيىمىنىڭ  عىلىم جانە تەحنولوگيا بويىنشا ءسامميتىن كەلەسى جىلى استانا قالاسىندا وتكىزۋ تۋرالى ۇسىنىسىنىڭ ماڭىزى وتە زور», – دەدى قازاقستان پارلامەنتى ءماجىلىسى توراعاسى نۇرلان نىعماتۋلين ءوزىنىڭ سوزىندە. فورۋمنىڭ ەكىنشى كۇنى ايماقتىق دامۋ بويىنشا تەحنولوگيالار مەن يننوۆاتسيا, عىلىم سالالارىندا مەملەكەتتەر اراسىنداعى ارىپتەستىكتى دامىتۋ جايى ءسوز بولادى.  بۇل رەتتە, ءۇندىستان, ءباا, موروككو, تاجىكستان ەلدەرىنىڭ حالىقارالىق ۇزدىك تاجىريبەسى قارالادى. ەكى كۇندىك تالقىلاۋ ناتيجەسىنەن كەيىن ءبىلىم, تەحنولوگيالار مەن يننوۆاتسيا سالالارىنداعى پارلامەنتارالىق ارىپتەستىكتى نىعايتۋ بويىنشا استانا دەكلاراتسياسىنىڭ قورتىندى قۇجاتى قابىلدانباق. ءلايلا ەدىلقىزى