قازاقستان رەسپۋبليكاسى اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ بۇيرىعى  №249

  2015 جىلعى 1 قازان, استانا قالاسى «جانۋارلار دۇنيەسى وبەكتىلەرىن, ولاردىڭ بولىكتەرى مەن دەريۆاتتارىن پايدالانۋعا شەكتەۋ مەن تىيىم سالۋدى ەنگىزۋ, ولاردى پايدالانۋ ورىندارى مەن مەرزىمدەرىن بەلگىلەۋ تۋرالى» قازاقستان رەسپۋبليكاسى اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ توراعاسى مىندەتىن اتقارۋشىنىڭ 2015 جىلعى 24 شىلدەدەگى №190 بۇيرىعىنا وزگەرىستەر مەن تولىقتىرۋ ەنگىزۋ تۋرالى بۇيىرامىن: 1. «جانۋارلار دۇنيەسى وبەكتىلەرىن, ولاردىڭ بولىكتەرى مەن دەريۆاتتارىن پايدالانۋعا شەكتەۋ مەن تىيىم سالۋدى ەنگىزۋ ولاردى پايدالانۋ ورىندارى مەن مەرزىمدەرىن بەلگىلەۋ تۋرالى» قازاقستان رەسپۋبليكاسى اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ توراعاسى مىندەتىن اتقارۋشىنىڭ 2015 جىلعى 24 شىلدەدەگى №190 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11939 بولىپ تىركەلگەن, “ادىلەت” اقپاراتتىق-قۇقىقتىق جۇيەسىندە 2015 جىلعى 14 قىركۇيەكتە رەسمي جاريالانعان) كەلەسى وزگەرىستەر مەن تولىقتىرۋ ەنگىزىلسىن: كورسەتىلگەن بۇيرىقپەن بەكىتىلگەن, 1-قوسىمشاداعى «بالىق رەسۋرستارى مەن باسقا دا سۋ جانۋارلارىن, ولاردىڭ بولىكتەرى مەن دەريۆاتتارىن پايدالانۋعا شەكتەۋ مەن تىيىم سالۋ»: 6-تارماعىنىڭ 3) تارماقشاcى الىنىپ تاستالسىن. 8-1. - تارماقپەن تولىقتىرىلسىن: «8-1. شاردارا سۋ قويماسىندا قويمالى اۋدى قولدانۋعا تىيىم سالۋ ەنگىزىلسىن.» كورسەتىلگەن بۇيرىقپەن بەكىتىلگەن, 2-قوسىمشاسىنداعى «بالىق رەسۋرستارى مەن باسقا دا سۋ جانۋارلارىن, ولاردىڭ بولىكتەرى مەن دەريۆاتتارىن پايدالانۋ ورىندارى مەن مەرزىمدەرى»: 1-تارماعىنىڭ 3) تارماقشاسى الىنىپ تاستالسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون كۇنتىزبەلىك كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاس­تىرىلۋىن قامتاماسىز ەتسىن. 4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتى توراعاسىنىڭ مىندەتىن اتقارۋشى ق.ۇستەمىروۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 4 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12238 بولىپ ەنگىزىلدى.