جامبىلدا «ءتىل – تاتۋلىق تىرەگى» فەستيۆالى ءوتتى

جامبىل وبلىستىق تىلدەردى دامىتۋ باسقارماسىنىڭ ۇيىمداستىرۋىمەن ءتىل جاناشىرلارى مەن مەملەكەتتىك ءتىلدى جەتىك مەڭگەرگەن ەتنوس وكىلدەرىنىڭ جانە وبلىستاعى ەتنومادەني بىرلەستىك وكىلدەرىنىڭ اراسىندا «ءتىل – تاتۋلىق تىرەگى» اتتى وبلىستىق فەستيۆال وتكىزىلدى. بۇگىندە قاسيەتتى اۋليەاتا جەرىندە تاتۋلىعى مەن بىرلىگى جاراسقان 80-نەن استام ۇلت پەن ۇلىس تاتۋ-ءتاتتى ءومىر ءسۇرىپ جاتىر. مەملەكەتتىك ءتىلدىڭ قولدانىلۋ اياسىن كەڭەيتۋ, مارتەبەسىن كوتەرۋ مەن ماڭىزدىلىعىن كەڭىنەن ناسيحاتتاۋ جانە وڭىردەگى ءتۇرلى ەتنوستاردىڭ انا تىلدەرىن دامىتۋعا قولداۋ كورسەتۋ, سونداي-اق ەلىمىزدەگى تاتۋلىق پەن ازاماتتىق كەلىسىمدى نىعايتۋدى باستى ماقسات تۇتقان بۇل ءىس-شارا بارىسىندا بىرقاتار ءتىل جاناشىرلارى العىس حاتپەن ماراپاتتالدى. ارينە, مۇنداي فەستيفالدەر وزگە ۇلت وكىلدەرىنىڭ مەملەكەتتىك ءتىلدى مەڭگەرۋگە جانە انا تىلدەرىن بىلۋگە دەگەن قىزىعۋشىلىعىن وياتىپ, ەتنوس وكىلدەرىنىڭ ورتاق وتانى – قازاقستانعا دەگەن سۇيىسپەنشىلىگىن ارتتىرىپ, ولاردىڭ بويىندا قازاقستاندىق پاتريوتيزم سەزىمىن قالىپتاستىراتىنى انىق. ورالحان ءداۋىت