گااگاداعى گالەرەيا

قازاقستاننىڭ نيدەرلاندتاعى ەلشىلىگىنىڭ ۇيىمداستىرۋىمەن گااگا قالاسىنىڭ اكىمشىلىگىندە قازاقستان تاۋەلسىزدىگىنىڭ 25 جىلدىق مەرەيتويىنا ارنالعان «قازاقستان – ۇلى دالا ەلى» فوتوسۋرەتتەر كورمەسى اشىلدى. ەلۋدەن استام ارنايى فوتوجي­ناقتا قازاقستاننىڭ قازىرگى زا­مانعى ءومىرى مەن مادەنيەتى, ۇلى دالانىڭ تابيعي بايلىعى, ەجەلگى تاريحي ەسكەرتكىشتەرى مەن XXI عاسىر­داعى ساۋلەت ونەرى ۇسىنىلعان. ەلوردانىڭ بىرەگەي ارحيتەكتۋراسى – بايتەرەك مونۋمەنتى, استانا وپەرا عيماراتى, ازىرەت سۇلتان مەشىتى مەن بەيبىتشىلىك جانە كەلىسىم سارايى, ت.ب. نىساندار ەرەكشە قىزىعۋشىلىق تۋعىزدى. كورمەگە قازاقستاننىڭ تاۋەل­سىز 25 جىلداعى ەڭ ماڭىزدى جە­تىستىكتەرىنىڭ ءبىرى – بەيبىتشىلىك پەن ۇلتارالىق كەلىسىمىن كورسەتەتىن فوتوسۋرەتتەر قويىلعان. ولار قازاق­ستاننىڭ ءوسىپ-وركەندەگەن ەل, ورتاق يدەيانى ۇلىقتاعان كوپ ۇلتتى حالىق ەكەنىن پاش ەتەدى. جالپى, «قازاقستان – ۇلى دالا ەلى» فوتو­كورمەسى گااگا ومىرىندەگى ەلەۋلى مادەني وقيعا رەتىندە كورىنىس بەرسە, ونى كۇن سايىن مىڭنان استام تۇرعىن مەن قالا قوناقتارى تاماشالاۋدا. «ەگەمەن-اقپارات»