رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ نورماتيۆتىك قاۋلىسى №10-نق

2016 جىلعى 3 تامىز,  استانا قالاسى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋ ادىستەمەسىن بەكىتۋ تۋرالى «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسىنىڭ 2015 جىلعى 23 قاراشاداعى زاڭىنىڭ 33-بابىنىڭ 5-تارماعىنا سايكەس قاۋلى ەتەمىن: 1. قوسا بەرىلىپ وتىرعان رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ (بۇدان ءارى – ەسەپ كوميتەتى) «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋ ادىستەمەسى بەكىتىلسىن. 2. «رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىنە جىل سايىنعى باعالاۋ جۇرگىزۋ ادىستەمەسىن بەكىتۋ تۋرالى» رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2014 جىلعى 2 قازانداعى № 4-نق نورماتيۆتىك قاۋلىسىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9850 بولىپ تىركەلگەن, «ادىلەت» اقپاراتتىق-قۇقىقتىق جۇيەسىندە 2014 جىلعى 18 قاراشادا جاريالانعان) كۇشى جويىلدى دەپ تانىلسىن. 3. زاڭ ءبولىمى زاڭنامادا بەلگىلەنگەن تارتىپپەن: 1) وسى نورماتيۆتىك قاۋلىنىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى نورماتيۆتىك قاۋلىنىڭ كوشىرمەسىن قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە باسىلىپ شىققان جانە ەلەكتروندىق تۇرىندە مەرزىمدى ءباسپاسوز باسىلىمدارىندا, «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن تىركەلگەن نورماتيۆتىك قاۋلىنى العان كۇننەن باستاپ كۇنتىزبەلىك ون كۇن ىشىندە رەسپۋبليكالىق قۇقىقتىق اقپارات ورتالىعىنا جىبەرىلۋىن; 3) وسى نورماتيۆتىك قاۋلىنىڭ ەسەپ كوميتەتىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن. 4. وسى نورماتيۆتىك قاۋلىنىڭ ورىندالۋىن باقىلاۋ ەسەپ كوميتەتىنىڭ اپپارات باسشىسىنا جۇكتەلسىن. 5. وسى نورماتيۆتىك قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى ق. جاڭبىرشين رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2016 جىلعى 3 تامىزداعى № 10-نق نورماتيۆتىك قاۋلىسىمەن بەكىتىلگەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋ ادىستەمەسى 1-تاراۋ. جالپى ەرەجەلەر 1. وسى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋ ادىستەمەسى (بۇدان ءارى – ادىستەمە) «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسىنىڭ 2015 جىلعى 23 قاراشاداعى زاڭىنىڭ 33-بابىنىڭ 5-تارماعىنا, قازاقستان رەسپۋبليكاسى مەملەكەتتىك قىزمەت ىستەرى ءمينيسترىنىڭ 2015 جىلعى 29 جەلتوقسانداعى № 13 بۇيرىعىمەن بەكىتىلگەن «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋدىڭ ۇلگىلىك ادىستەمەسىنە (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 12705 بولىپ تىركەلدى) سايكەس ازىرلەندى جانە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ (بۇدان ءارى – قىزمەتشىلەر) قىزمەتىن باعالاۋ ادىستەمەسىن ايقىندايدى. 2. قىزمەتشىلەردىڭ قىزمەتىن باعالاۋ (بۇدان ءارى – باعالاۋ) ولاردىڭ جۇمىس تيىمدىلىگى مەن ساپاسىن انىقتاۋ ءۇشىن جۇرگىزىلەدى. 3. باعالاۋ قىزمەتشىنىڭ اتقاراتىن لاۋازىمىنداعى قىزمەتىنىڭ ناتيجەلەرى بويىنشا: 1) توقسان قورىتىندىسى بويىنشا (توقساندىق باعالاۋ) – ەسەپتى توقساننان كەيىنگى ايدىڭ ونىنشى كۇنىنەن كەشىكتىرمەي (باعالانۋى ونىنشى جەلتوقساننان كەشىكتىرىلمەي جۇرگىزىلەتىن ءتورتىنشى توقساندى قوسپاعاندا); 2) جىل قورىتىندىسى بويىنشا (جىلدىق باعالاۋ) – باعالانىپ جاتقان جىلدىڭ جيىرما بەسىنشى جەلتوقسانىنان كەشىكتىرمەي جۇرگىزىلەدى. قىزمەتشىنى باعالاۋ اتقارىپ وتىرعان لاۋازىمىندا بولۋ مەرزىمى باعالاۋ جۇرگىزىلەتىن كەزەڭدە ءۇش ايدان كەم بولعان جاعدايلاردا جۇرگىزىلمەيدى. الەۋمەتتىك دەمالىستارداعى قىزمەتشىلەر باعالاۋدان جۇمىسقا شىققاننان كەيىن وسى تارماقتا كورسەتىلگەن مەرزىمدەردە وتەدى. 4. توقساندىق باعالاۋدى وسى تارماقتا كورسەتىلگەن ادامدار (بۇدان ءارى - تىكەلەي باسشى) ەسەپتەيدى جانە قىزمەتشىنىڭ لاۋازىمدىق مىندەتتەرىن اتقارۋىن باعالاۋعا نەگىزدەلەدى. ءبولىم مەڭگەرۋشىسىنىڭ ورىنباسارىن, سەكتور مەڭگەرۋشىسىن توقساندىق باعالاۋدى ءبولىم مەڭگەرۋشىسى, ول بولماعان جاعدايدا (سونىڭ ىشىندە, ەگەر ءبولىم مەڭگەرۋشىسىنىڭ لاۋازىمى شتات كەستەسىندە كوزدەلمەگەن بولسا), رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ (بۇدان ءارى – ەسەپ كوميتەتى) اپپارات باسشىسى نە ونى الماستىراتىن ادام ەسەپتەيدى. باس كونسۋلتانتتى, باس ساراپشىنى جانە ساراپشىنى توقساندىق باعالاۋدى سەكتور مەڭگەرۋشىسى, ول بولماعان جاعدايدا (سونىڭ ىشىندە, ەگەر سەكتور مەڭگەرۋشىسىنىڭ لاۋازىمى شتات كەستەسىندە كوزدەلمەگەن بولسا), ءبولىم مەڭگەرۋشىسى نە ونى الماستىراتىن ادام ەسەپتەيدى. باعالاۋ پاراعىن تولتىرعان, سونداي-اق اتقارۋشىلىق جانە ەڭبەك ءتارتىبىن بۇزۋ فاكتىسى تۋرالى اقپاراتتى ۇسىنعان ادامدار كورسەتىلگەن جانە (نەمەسە) ۇسىنىلعان مالىمەتتەردىڭ انىقتىعى ءۇشىن جەكە جاۋاپتىلىقتا بولادى. 5. جىلدىق باعالاۋ: 1) قىزمەتشىنىڭ ەسەپتى توقساندارداعى ورتا باعاسىنان; 2) قىزمەتشىنىڭ جەكە جۇمىس جوسپارىن ورىنداۋ باعاسىنان; 3) اينالمالى باعالاۋدان قۇرالادى. 6. توقساندىق جانە جىلدىق باعالاۋدى جۇرگىزۋ ءۇشىن ەسەپ كوميتەتىنىڭ اپپارات باسشىسى باعالاۋ جونىندەگى كوميسسيانى (بۇدان ءارى – كوميسسيا) قۇرادى, ەسەپ كوميتەتى اپپارات باسشىسىنىڭ بۇيرىعىمەن ايقىندالعان قۇرىلىمدىق بولىمشە ونىڭ جۇمىس ورگانى (بۇدان ءارى – جۇمىس ورگانى) بولىپ تابىلادى. 7. باعالاۋ جونىندەگى كوميسسيانىڭ وتىرىسى ەگەر وعان ونىڭ قۇرامىنىڭ كەمىندە ۇشتەن ەكىسى قاتىسقان جاعدايدا وكىلەتتى بولىپ ەسەپتەلەدى. باعالاۋ جونىندەگى كوميسسيانىڭ جوق مۇشەسىن نەمەسە توراعاسىن الماستىرۋ باعالاۋ جونىندەگى كوميسسيانى قۇرۋ تۋرالى بۇيرىققا وزگەرىس ەنگىزۋ ارقىلى ەسەپ كوميتەتى اپپارات باسشىسىنىڭ شەشىمى بويىنشا جۇزەگە اسىرىلادى. 8. باعالاۋ جونىندەگى كوميسسيانىڭ شەشىمى اشىق داۋىس بەرۋ ارقىلى قابىلدانادى. 9. داۋىس بەرۋ ناتيجەسى كوميسسيا مۇشەلەرىنىڭ كوپشىلىك داۋىسىمەن ايقىندالادى. داۋىس سانى تەڭ بولعان كەزدە كوميسسيا توراعاسىنىڭ داۋىسى شەشۋشى بولىپ تابىلادى. جۇمىس ورگانىنىڭ قىزمەتكەرى كوميسسيانىڭ حاتشىسى بولىپ تابىلادى. كوميسسيانىڭ حاتشىسى داۋىس بەرۋگە قاتىسپايدى. 2-تاراۋ. جەكە جۇمىس جوسپارىن جاساۋ 10. «ب» كورپۋسىنىڭ مەملەكەتتىك اكىمشىلىك قىزمەتشىسىنىڭ جەكە جۇمىس جوسپارىن قىزمەتشى ءوزىنىڭ تىكەلەي باسشىسىمەن بىرلەسىپ, كەلەسى جىلدىڭ ءبىرىنشى قاڭتارىنان كەشىكتىرمەي وسى ادىستەمەگە 1-قوسىمشاعا سايكەس نىسان بويىنشا جاسايدى. 11. قىزمەتشى لاۋازىمعا وسى ادىستەمەنىڭ 10-تارماعىندا كورسەتىلگەن مەرزىم وتكەننەن كەيىن تاعايىندالعان جاعدايدا, اتقاراتىن لاۋازىمداعى قىزمەتشىنىڭ جەكە جۇمىس جوسپارى ونى لاۋازىمعا تاعايىنداعان كۇننەن باستاپ ون جۇمىس كۇنى ىشىندە جاسالادى. 12. قىزمەتشىنىڭ جەكە جۇمىس جوسپارى: 1) قىزمەتشى تۋرالى دەربەس دەرەكتەردى (ت.ا.ءا. (بولعان جاعدايدا), اتقاراتىن لاۋازىمى, قىزمەتشىنىڭ قۇرىلىمدىق بولىمشەسىنىڭ اتاۋى); 2) قىزمەتشىنىڭ ەسەپ كوميتەتى مەموراندۋمىنىڭ ءتۇيىندى نىسانالى ينديكاتورلارىنا قول جەتكىزۋگە باعىتتالعان, سونداي-اق قىزمەتشىنىڭ فۋنكتسيونالدىق مىندەتتەرىنە قاراي جۇمىسى ءىس-شارالارىنىڭ اتاۋىن; ءىس-شارالار قولجەتىمدى, ىسكە اساتىن, قىزمەتشى جۇمىسىنىڭ فۋنكتسيونالدىق باعىتىمەن بايلانىستى, ناقتى اياقتالۋ نىسانى بار بولىپ كورسەتىلەدى. قىزمەتشى جۇزەگە اسىراتىن ءىس-شارالاردىڭ سانى مەن كۇردەلىلىگى ەسەپ كوميتەتى قىزمەتشىسىنىڭ لاۋازىمدىق نۇسقاۋلىقتارىندا بەكىتىلگەن ءىس-شارالاردىڭ سانىمەن جانە كۇردەلىلىگىمەن سالىستىرىلۋى ءتيىس. 3) قىزمەتشىنىڭ جانە ونىڭ تىكەلەي باسشىسىنىڭ قولدارىن, جەكە جوسپارعا قول قويۋ كۇنىن قامتيدى. 13. جەكە جوسپار ەكى دانادا جاسالادى. ونىڭ ءبىر داناسى جۇمىس ورگانىنا بەرىلەدى. ەكىنشى داناسى قىزمەتشىنىڭ تىكەلەي باسشىسىندا بولادى. 3-تاراۋ. باعالاۋدى جۇرگىزۋگە دايىندالۋ 14. جۇمىس ورگانى كوميسسيا توراعاسىمەن كەلىسىم بويىنشا باعالاۋ جۇرگىزۋ كەستەسىن قالىپتاستىردى. جۇمىس ورگانى باعالاۋعا جاتاتىن قىزمەتشىنى جانە باعالاۋدى جۇزەگە اسىراتىن ادامداردى باعالاۋ جۇرگىزۋ تۋرالى ۋاقىتىلى حاباردار ەتۋدى قامتاماسىز ەتەدى جانە ولارعا باعالاۋ پاراقتارىن تولتىرۋ ءۇشىن جىبەرەدى. 4-تاراۋ. لاۋازىمدىق مىندەتتەردىڭ ورىندالۋىن باعالاۋ 15. لاۋازىمدىق مىندەتتەردىڭ ورىندالۋىن باعالاۋ نەگىزگى, كوتەرمەلەۋ جانە ايىپپۇل بالدارىنان قۇرالادى. 16. نەگىزگى بالدار 100 بالل دەڭگەيىندە بەلگىلەنەدى. 17. كوتەرمەلەۋ بالدارى اعىمداعى جۇمىستىڭ ورتاشا كولەمىنەن اساتىن قىزمەت كورسەتكىشتەرى, سونداي-اق مازمۇندىق جانە/نەمەسە ۇيىمداستىرۋشىلىق جاعىنان كۇردەلى بولىپ تابىلاتىن قىزمەت تۇرلەرى ءۇشىن قويىلادى. 18. كوتەرمەلەنەتىن قىزمەت كورسەتكىشتەرى مەن تۇرلەرى مىنالارعا: 1) مەملەكەتتىك اۋديت جۇرگىزۋگە; 2) ساپا باقىلاۋىن جانە ىشكى اۋديت جۇرگىزۋگە, قۇقىقتىق قامتاماسىز ەتۋگە, جوسپارلاۋ, تالداۋ جانە ەسەپتىلىككە, ادىسنامالىق قامتاماسىز ەتۋگە, ۇيىمداستىرۋ-باقىلاۋ جانە كادر جۇمىسىنا جاۋاپتى قۇرىلىمدىق بولىمشەلەر بولىنىسىندە ەسەپ كوميتەتى اپپارات باسشىسىنىڭ بۇيرىعىمەن ايقىندالادى جانە جۇزەگە اسىرىلعان جۇمىستىڭ كولەمى مەن كۇردەلىلىگىنىڭ ءوسۋ تارتىبىمەن بەس دەڭگەيلىك شاكىل بويىنشا بولىنەدى. بۇل رەتتە كوتەرمەلەنەتىن قىزمەت كورسەتكىشتەرى مەن تۇرلەرىنە ەلەكتروندىق قۇجات اينالىمىنىڭ بىرىڭعاي جۇيەسىندە جانە مەملەكەتتىك ورگانداردىڭ ينترانەت-پورتالىندا تىركەلەتىن دە, تىركەلمەيتىن دە قۇجاتتار مەن ءىس-شارالار كىرەدى. ءار كوتەرمەلەنەتىن قىزمەت كورسەتكىشى نەمەسە ءتۇرى ءۇشىن قىزمەتشىگە ونىڭ تىكەلەي باسشىسى بەكىتىلگەن شاكىلگە سايكەس «0»-دەن «+5» بالعا دەيىن بەرەدى. 19. ايىپپۇل بالدارى اتقارۋشىلىق جانە ەڭبەك ءتارتىبىن بۇزعانى ءۇشىن قويىلادى. 20. اتقارۋشىلىق ءتارتىپتى بۇزۋعا قازاقستان رەسپۋبليكاسى پرەزيدەنتىنىڭ جانە ونىڭ اكىمشىلىگىنىڭ, ەسەپ كوميتەتى باسشىلىعىنىڭ, قىزمەتشىنىڭ تىكەلەي باسشىسىنىڭ تاپسىرمالارىن, جەكە جانە زاڭدى تۇلعالاردىڭ وتىنىشتەرىن ورىنداۋ مەرزىمدەرىن بۇزۋ جانە (نەمەسە) ساپاسىز ورىنداۋ جاتادى. 21. ەڭبەك ءتارتىبىن بۇزۋعا: 1) دالەلدى سەبەپسىز جۇمىستا بولماۋى; 2) دالەلدى سەبەپسىز جۇمىسقا كەشىگۋ (بەس مينۋتتان ارتىق); 3) قىزمەتشىلەردىن قىزمەتتىك ادەپتى بۇزۋى جاتادى. اتقارۋشىلىق جانە ەڭبەك ءتارتىبىن بۇزۋ فاكتىلەرى تۋرالى اقپاراتتىڭ دەرەككوزدەرى رەتىندە ادەپ جونىندەگى ۋاكىلدىڭ, ساپا باقىلاۋىن جانە ىشكى ءاۋديتتى جۇرگىزۋگە, ۇيىمداستىرۋ-باقىلاۋ جانە كادر جۇمىسىنا جاۋاپتى قۇرىلىمدىق بولىمشەلەردىڭ, قىزمەتشىنىڭ تىكەلەي باسشىسىنىڭ قۇجاتتامامەن راستالعان مالىمەتتەرى جاتادى. 22. ءاربىر اتقارۋشىلىق جانە ەڭبەك ءتارتىبىن بۇزعانى ءۇشىن قىزمەتشىگە ءاربىر بۇزۋشىلىق فاكتىسى ءۇشىن «-2» بالل مولشەرىندە ايىپپۇل بالدارى قويىلادى. 23. لاۋازىمدىق مىندەتتەرىنىڭ اتقارىلۋىنا باعالاۋ جۇرگىزۋ ءۇشىن قىزمەتشى تىكەلەي باسشىسىنا وسى ادىستەمەگە 2-قوسىمشاعا سايكەس نىسان بويىنشا تولتىرىلعان باعالاۋ پاراعىن كەلىسۋگە جىبەرەدى. 24. قىزمەتشىنىڭ باعالاناتىن كەزەڭدە اتقارۋشىلىق جانە ەڭبەك ءتارتىبىن بۇزۋى تۋرالى مالىمەتتەردى ونىڭ تىكەلەي باسشىسىنا وسى ادىستەمەنىڭ 21-تارماعىندا كورسەتىلگەن ادامدار مەن قۇرىلىمدىق بولىمشەلەر ەسەپتى توقساننان كەيىنگى ايدىڭ بەسىنشى كۇنىنەن كەشىكتىرمەي (بەسىنشى جەلتوقساننان كەشىكتىرىلمەي جىبەرىلەتىن ءتورتىنشى توقساندى قوسپاعاندا) جىبەرەدى. 25. تىكەلەي باسشى قىزمەتشىنىڭ باعالاۋ پاراعىندا كورسەتىلگەن مالىمەتتەردىڭ انىقتىعىن تەكسەرەدى, وعان تۇزەتۋلەر (قاجەت بولعان جاعدايدا) ەنگىزەدى جانە وعان كەلىسىم بەرەدى. 26. تىكەلەي باسشىمەن كەلىسكەننەن كەيىن قىزمەتشى باعالاۋ پاراعىن راستايدى. قىزمەتشىنىڭ باس تارتۋى قۇجاتتاردى كوميسسيانىڭ وتىرىسىنا جىبەرۋگە كەدەرگى بولا المايدى. بۇل جاعدايدا جۇمىس ورگانىنىڭ قىزمەتكەرى جانە قىزمەتشىنىڭ تىكەلەي باسشىسى تانىسۋدان باس تارتۋ تۋرالى ەركىن نىساندا اكت جاسايدى. تىكەلەي باسشىمەن كەلىسىلگەن جانە قىزمەتشى راستاعان باعالاۋ پاراعى جۇمىس ورگانىنا ەسەپتى توقساننان كەيىنگى ايدىڭ التىنشى كۇنىنەن كەشىكتىرمەي (التىنشى جەلتوقساننان كەشىكتىرىلمەي جىبەرىلەتىن ءتورتىنشى توقساندى قوسپاعاندا) جىبەرىلەدى. 5-تاراۋ. جەكە جۇمىس جوسپارىنىڭ ورىندالۋىن باعالاۋ 28. جىلدىق باعالاۋدى جۇرگىزۋ ءۇشىن قىزمەتشى تىكەلەي باسشىسىنا كەلىسۋ ءۇشىن وسى ادىستەمەگە 3-قوسىمشاعا سايكەس نىسان بويىنشا تولتىرىلعان باعالاۋ پاراعىن باعالاناتىن جىلدىڭ ونىنشى جەلتوقسانىنان كەشىكتىرمەي جىبەرەدى. 29. تىكەلەي باسشى قىزمەتشىنىڭ باعالاۋ پاراعىندا كورسەتىلگەن مالىمەتتەردىڭ انىقتىعىن تەكسەرەدى, وعان تۇزەتۋلەر (قاجەت بولعان جاعدايدا) ەنگىزەدى جانە وعان كەلىسىم بەرەدى. 30. تىكەلەي باسشىمەن كەلىسكەننەن كەيىن قىزمەتشى باعالاۋ پاراعىن راستايدى. قىزمەتشىنىڭ باس تارتۋى قۇجاتتاردى كوميسسيانىڭ وتىرىسىنا جىبەرۋگە كەدەرگى بولا المايدى. بۇل جاعدايدا جۇمىس ورگانىنىڭ قىزمەتكەرى جانە قىزمەتشىنىڭ تىكەلەي باسشىسى تانىسۋدان باس تارتۋ تۋرالى ەركىن نىساندا اكت جاسايدى. 31. تىكەلەي باسشىمەن كەلىسىلگەن جانە مەملەكەتتىك قىزمەتشى راستاعان باعالاۋ پاراعى جۇمىس ورگانىنا ون ءۇشىنشى جەلتوقساننان كەشىكتىرىلمەي جىبەرىلەدى. 32. جۇمىس ورگانى قىزمەتشىلەردى جىلدىق باعالاۋ بويىنشا مالىمەتتەردى جيناقتاۋدى جۇزەگە اسىرادى جانە ماتەريالداردى كوميسسيانىڭ قاراۋىنا جيىرماسىنشى جەلتوقساننان كەشىكتىرمەي جىبەرەدى. 6-تاراۋ. اينالمالى باعالاۋ 33. اينالمالى باعالاۋ: 1) تىكەلەي باسشىنى; 2) باعىنىستى قىزمەتشىلەردى; 3) باعىنىستى قىزمەتشىلەر بولماعان جاعدايدا – قىزمەتشى جۇمىس ىستەيتىن قۇرىلىمدىق بولىمشەدە لاۋازىمداردى اتقاراتىن ادامداردى (ولار بولعان كەزدە) باعالاۋ بولىپ تابىلادى. كورسەتىلگەن ادامدار اينالمالى باعالاۋ پاراعىن وسى ادىستەمەگە 4-قوسىمشاعا سايكەس نىسان بويىنشا جاسىرىن تۇردە تولتىرادى. 34. وسى ادىستەمەنىڭ 33-تارماعىنىڭ 2) جانە 3) تارماقشالارىندا كورسەتىلگەن ادامداردىڭ (ۇشتەن اسپايتىن) تىزبەسىن جۇمىس ورگانى كوميسسيا توراعاسىمەن كەلىسىم بويىنشا باعالاۋ جۇرگىزۋ كۇنىنە دەيىن ءبىر ايدان كەشىكتىرمەي ايقىندايدى. 35. تولتىرىلعان باعالاۋ پاراقتارى ولاردى العان كۇننەن باستاپ ەكى جۇمىس كۇنى ىشىندە جۇمىس ورگانىنا جىبەرىلەدى. 36. جۇمىس ورگانى اينالمالى باعالاۋدىڭ ورتاشا ءمانىن ەسەپتەۋدى جۇزەگە اسىرادى. 7-تاراۋ. قورىتىندى باعالاۋ 37. قىزمەتشىنىڭ توقساندىق قورىتىندى باعاسىن تىكەلەي باسشى مىنا فورمۋلا بويىنشا ەسەپتەيدى: ∑كۆ= 100+ا-ۆ, مۇندا ∑كۆ – توقساندىق باعا;    ا – كوتەرمەلەۋ بالدارى;    ۆ – ايىپپۇل بالدارى. 38. توقساندىق قورىتىندى باعا مىناداي شاكىل بويىنشا قويىلادى: 80 بالدان تومەن - «قاناعاتتانارلىقسىز», 80-نەن 105 بالعا دەيىن – «قاناعاتتانارلىق», 105-دان 130 بالعا دەيىن – «ءتيىمدى», 130 بالدان باستاپ جوعارى – «وتە جاقسى». 39. قىزمەتشىنىڭ جىلدىق قورىتىندى باعاسىن جۇمىس ورگانى مىنا فورمۋلا بويىنشا ەسەپتەيدى: ∑جىل=0,3*∑ت.+0,6*∑جج+0,1*∑ا, مۇندا ∑جىل – جىلدىق باعا;     ∑ت. – ەسەپتى توقسانداردىڭ ورتا باعاسى (ورتا اريفمەتيكالىق ءمان). بۇل رەتتە توقساندىق باعالاردىڭ الىنعان ورتا اريفمەتيكالىق ءمانى وسى ادىستەمەنىڭ 41-تارماعىندا كورسەتىلگەن شاكىلدى ەسەپكە الا وتىرىپ, بەس بالدىق باعالاۋ جۇيەسىنە كەلتىرىلەدى, اتاپ ايتقاندا: «قاناعاتتانارلىقسىز» دەگەن مانگە (80 بالدان تومەن) – 2 بالل, «قاناعاتتانارلىق» دەگەن مانگە (80-نەن 105 بالعا دەيىن) – 3 بالل, «ءتيىمدى» دەگەن مانگە (105-تەن 130 بالعا دەيىن) – 4 بالل, «وتە جاقسى» دەگەن مانگە (130 بالدان باستاپ جوعارى) – 5 بالل بەرىلەدى; ∑جج – جەكە جۇمىس جوسپارىن ورىنداۋ باعاسى (ورتا اريفمەتيكالىق ءمان); ∑ا – اينالمالى باعالاۋ (ورتا اريفمەتيكالىق ءمان). 40. جىلدىق قورىتىندى باعا مىناداي شاكىل بويىنشا قويىلادى: 5 بالدان تومەن –– «قاناعاتتانارلىقسىز»;    5-تەن 9 بالعا دەيىن – «قاناعاتتانارلىق»; 9-دان 13 بالعا دەيىن– «ءتيىمدى»;                       13 بالدان باستاپ جانە ودان جوعارى – «وتە جاقسى». 8-تاراۋ. كوميسسيانىڭ باعالاۋ ناتيجەلەرىن قاراۋى 41. جۇمىس ورگانى كوميسسيا توراعاسىمەن كەلىسىلگەن كەستەگە سايكەس كوميسسيانىڭ وتىرىسىن وتكىزۋدى قامتاماسىز ەتەدى. جۇمىس ورگانى كوميسسيانىڭ وتىرىسىنا مىناداي قۇجاتتاردى: 1) تولتىرىلعان باعالاۋ پاراقتارىن; 2) تولتىرىلعان اينالمالى باعالاۋ پاراعىن; 3) قىزمەتشىنىڭ لاۋازىمدىق نۇسقاۋلىعىن; 4) وسى ادىستەمەگە 5-قوسىمشاعا سايكەس نىسان بويىنشا باعالاۋ جونىندەگى كوميسسيا وتىرىسى حاتتاماسىنىڭ جوباسىن ۇسىنادى. 42. كوميسسيا باعالاۋ ناتيجەلەرىن قاراستىرادى جانە مىناداي شەشىمدەردىڭ ءبىرىن قابىلدايدى: 1) باعالاۋ ناتيجەلەرىن بەكىتەدى;    2) باعالاۋ ناتيجەلەرىن قايتا قارايدى. باعالاۋ ناتيجەلەرىن قايتا قاراۋ تۋرالى شەشىم قابىلدانعان جاعدايدا كوميسسيا حاتتامادا ءتيىستى تۇسىندىرمەمەن مىناداي جاعدايلاردا باعانى تۇزەتەدى: قىزمەتشىنىڭ جۇمىس ناتيجەلەرىن راستايتىن قوسىمشا قۇجاتتار بەرىلگەن كەزدە; قىزمەتشىنىڭ باعاسىن ەسەپتەۋ كەزىندە جۇمىس ورگانى جانە (نەمەسە) قىزمەتشى, نە (نەمەسە) قىزمەتشىنىڭ تىكەلەي باسشىسى قاتە جىبەرگەن كەزدە. 43. جۇمىس ورگانى باعالاۋ ناتيجەلەرىمەن قىزمەتشىنى ول اياقتالعان كۇننەن باستاپ, ەكى جۇمىس كۇنى ىشىندە جازباشا جانە (نەمەسە) ەلەكتروندى نىساندا تانىستىرادى. قىزمەتشىنىڭ تانىسۋدان باس تارتۋى باعالاۋ ناتيجەلەرىن ونىڭ قىزمەتتىك تىزىمىنە ەنگىزۋگە كەدەرگى بولا المايدى. بۇل جاعدايدا جۇمىس ورگانىنىڭ قىزمەتكەرى تانىسۋدان باس تارتۋ تۋرالى ەركىن نىساندا اكت جاسايدى. 44. وسى ادىستەمەنىڭ 43-تارماعىندا كورسەتىلگەن قۇجاتتار, سونداي-اق كوميسسيا وتىرىسىنىڭ قول قويىلعان حاتتاماسى جۇمىس ورگانىندا ساقتالادى. 9-تاراۋ. باعالاۋ ناتيجەلەرىنە شاعىمدانۋ 45. قىزمەتشىنىڭ مەملەكەتتىك قىزمەت ىستەرى جونىندەگى ۋاكىلەتتى ورگانعا نەمەسە ونىڭ اۋماقتىق دەپارتامەنتىنە قىزمەتشىنى باعالاۋ جونىندەگى ءىس-قيمىلدارعا شاعىمدانۋى كوميسسيانىڭ شەشىمى شىققان كۇننەن باستاپ ون جۇمىس كۇنى ىشىندە جۇزەگە اسىرىلادى. 46. ەسەپ كوميتەتىنە مەملەكەتتىك قىزمەت ىستەرى جونىندەگى ۋاكىلەتتى ورگاننان كەلىپ تۇسكەن باعالاۋ جونىندەگى كوميسسيانىڭ شەشىمىنە قىزمەتشىنىڭ شاعىمدانۋىن قاراۋدىڭ قورىتىندىسى بويىنشا ۇسىنىمداردى ەسەپ كوميتەتى مەملەكەتتىك قىزمەت ىستەرى جونىندەگى ۋاكىلەتتى ورگاندى حاباردار ەتە وتىرىپ, ەكى اپتا ىشىندە قارايدى. 47. قىزمەتشى باعالاۋ ناتيجەلەرىنە سوتتا شاعىمدانۋعا قۇقىلى. 10-تاراۋ. باعالاۋ ناتيجەلەرى بويىنشا شەشىمدەر قابىلداۋ 48. باعالاۋ ناتيجەلەرى بونۋس تولەۋ جانە وقىتۋ بويىنشا شەشىمدەر قابىلداۋعا نەگىز بولىپ تابىلادى. 49. بونۋستار «وتە جاقسى» جانە «ءتيىمدى» دەگەن باعالاۋ ناتيجەلەرى بار قىزمەتشىلەرگە تولەنەدى. 50. قىزمەتشىنى وقىتۋ (بىلىكتىلىگىن ارتتىرۋ) جىلدىق باعالاۋ قورىتىندىلارى بويىنشا قىزمەتشىنىڭ قاناعاتتانارلىقسىز دەپ تانىلعان قىزمەت باعىتى بويىنشا جۇرگىزىلەدى. قىزمەتشى ونىڭ قىزمەتىنىڭ جىلدىق باعالاۋ ناتيجەلەرىن كوميسسيا بەكىتكەننەن كەيىن ءبىر جىل ىشىندە وسى ماقساتتارعا ەسەپ كوميتەتى بولگەن قاراجات شەگىندە جانە (نەمەسە) قازاقستان رەسپۋبليكاسى پرەزيدەنتىنىڭ 2015 جىلعى 29 جەلتوقسانداعى № 152 جارلىعىمەن بەكىتىلگەن مەملەكەتتىك قىزمەتشىلەردى دايارلاۋ, قايتا دايارلاۋ جانە ولاردىڭ بىلىكتىلىگىن ارتتىرۋ قاعيدالارىندا كوزدەلگەن تارتىپپەن قالىپتاستىرىلاتىن قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ مەملەكەتتىك قىزمەتشىلەردى قايتا دايارلاۋ جانە ولاردىڭ بىلىكتىلىگىن ارتتىرۋ جوسپار-كەستەلەرىنە سايكەس بىلىكتىلىكتى ارتتىرۋ كۋرستارىنا جىبەرىلەدى. 51. «قاناعاتتانارلىقسىز» دەگەن باعا العان قىزمەتشى مەملەكەتتىك اكىمشىلىك لاۋازىمعا العاش رەت قابىلدانعان ادامدارعا تالىمگەر رەتىندە بەكىتىلمەيدى. 52. قىزمەتشىنىڭ قاتارىنان ەكى جىل بويى قاناعاتتانارلىقسىز باعالار الۋى ونىڭ لاۋازىمىن تومەندەتۋ تۋرالى شەشىم قابىلداۋ ءۇشىن نەگىز بولىپ تابىلادى. تومەن تۇرعان بوس مەملەكەتتىك لاۋازىم بولماعان كەزدە مەملەكەتتىك قىزمەتشىگە باسقا بوس مەملەكەتتىك لاۋازىم ۇسىنىلادى. بوس مەملەكەتتىك لاۋازىم بولماعان نەمەسە مەملەكەتتىك قىزمەتشى ۇسىنىلعان مەملەكەتتىك لاۋازىمنان باس تارتقان كەزدە مەملەكەتتىك قىزمەتشى اتقاراتىن مەملەكەتتىك لاۋازىمىنان شىعارىلادى. 53. قىزمەتشىلەردىڭ قىزمەتىن باعالاۋ ناتيجەلەرى ولاردىڭ قىزمەتتىك تىزىمدەرىنە ەنگىزىلەدى. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋ ادىستەمەسىنە 1-قوسىمشا نىسان «ب» كورپۋسى مەملەكەتتىك اكىمشىلىك قىزمەتشىسىنىڭ ____________________________________ جىلعا (جەكە جوسپار جاسالاتىن كەزەڭ) ارنالعان جەكە جۇمىس جوسپارى قىزمەتشىنىڭ ت.ا.ءا. (بولعان جاعدايدا):______________________ قىزمەتشىنىڭ لاۋازىمى: _____________________________________ قىزمەتشىنىڭ قۇرىلىمدىق بولىمشەسىنىڭ اتاۋى: ر/س №     ىس-شارالاردىڭ اتاۋى*    ىس-شارانىڭ ناتيجەسى 1 2 3 قىزمەتشى ت.ا.ءا. (بولعان جاعدايدا)________ كۇنى __________________________ قولى _______________________    تىكەلەي باسشى ت.ا.ءا. (بولعان جاعدايدا)_______ كۇنى __________________________ قولى _______________________ ەسكەرتپە: * - ءىس-شارالار ولاردىڭ ەسەپ كوميتەتى مەموراندۋمىنىڭ ءتۇيىندى نىسانالى ينديكاتورلارىنا قول جەتكىزۋگە باعىتتالعاندىعىن ەسكەرە وتىرىپ, سونداي-اق قىزمەتشىنىڭ فۋنكتسيونالدىق مىندەتتەرىنە قاراي ايقىندالادى. قىزمەتشى جۇزەگە اسىراتىن ءىس-شارالاردىڭ سانى مەن كۇردەلىلىگى ەسەپ كوميتەتى قىزمەتشىسىنىڭ لاۋازىمدىق نۇسقاۋلىقتارىندا بەكىتىلگەن ءىس-شارالاردىڭ سانىمەن جانە كۇردەلىلىگىمەن سالىستىرىلۋى ءتيىس. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋ ادىستەمەسىنە 2-قوسىمشا نىسان _____جىلعى _________________توقسانعا (باعالاناتىن كەزەڭ) باعالاۋ پاراعى باعالاناتىن قىزمەتشىنىڭ ت.ا.ءا. (بولعان جاعدايدا): ___________________ باعالاناتىن قىزمەتشىنىڭ لاۋازىمى: ___________________________________ باعالاناتىن قىزمەتشىنىڭ قۇرىلىمدىق بولىمشەسىنىڭ اتاۋى: ____________________________________________________________________ لاۋازىمدىق مىندەتتەردىڭ ورىندالۋىن باعالاۋ: ر/س №     قىزمەتشىنىڭ ءوزىن-ءوزى باعالاۋى    تىكەلەي باسشىنىڭ باعالاۋى    ەسكەرتپە كوتەرمەلەنەتىن قىزمەت كورسەت-كىشتەرى مەن تۇرلەرى تۋرالى مالىمەتتەر    اتقارۋشىلىق ءتارتىپتى بۇزۋ فاكتىلەرى تۋرالى مالىمەتتەر    ەڭبەك ءتارتى-ءبىن بۇزۋ فاكتى-لەرى تۋرالى مالىمەتتەر    كوتەرمەلە-نەتىن قىزمەت كورسەتكىشتەرى مەن تۇرلەرى تۋرالى مالىمەتتەر    اتقارۋشى-لىق ءتارتىپتى بۇزۋ فاك-تىلەرى تۋرالى مالىمەتتەر    ەڭبەك ءتارتىبىن بۇزۋ فاكتى-لەرى تۋرالى مالىمەتتەر 1 2 3 ءوزىن-ءوزى باعالاۋ ناتيجەسى:    باعالاۋ ناتيجەسى: قىزمەتشى ت.ا.ءا. (بولعان جاعدايدا)________ كۇنى __________________________ قولى _______________________    تىكەلەي باسشى ت.ا.ءا. (بولعان جاعدايدا)_______ كۇنى __________________________ قولى _______________________ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋ ادىستەمەسىنە 3-قوسىمشا نىسان ___________________________________ جىلعا (باعالاناتىن جىل) باعالاۋ پاراعى باعالاناتىن قىزمەتشىنىڭ ت.ا.ءا. (بولعان جاعدايدا): ___________________ باعالاناتىن قىزمەتشىنىڭ لاۋازىمى: ___________________________________ باعالاناتىن قىزمەتشىنىڭ قۇرىلىمدىق بولىمشەسىنىڭ اتاۋى: ____________________________________________________________________ جەكە جوسپاردىڭ ورىندالۋىن باعالاۋ: ر/س №    اتاۋى     مانى     قىزمەتشىنىڭ ءوزىن-ءوزى باعالاۋ ناتيجەلەرى     باسشىنىڭ باعالاۋ ناتيجەلەرى     ەسكەرتپە 1         0-دەن 5-كە دەيىن 2        0-دەن 5-كە دەيىن 3        0-دەن 5-كە دەيىن قىزمەتشى ت.ا.ءا. (بولعان جاعدايدا)________ كۇنى __________________________ قولى _______________________    تىكەلەي باسشى ت.ا.ءا. (بولعان جاعدايدا)_______ كۇنى __________________________ قولى _______________________ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋ ادىستەمەسىنە 4-قوسىمشا نىسان __________________________________________________ جىلعا (باعالاناتىن جىل) اينالمالى باعالاۋ پاراعى باعالاناتىن قىزمەتشىنىڭ ت.ا.ءا. (بولعان جاعدايدا): ___________________ باعالاناتىن قىزمەتشىنىڭ لاۋازىمى: ___________________________________ باعالاناتىن قىزمەتشىنىڭ قۇرىلىمدىق بولىمشەسىنىڭ اتاۋى: ر/س №    قۇزىرەتتىلىكتىڭ اتاۋى    مانى     باعا (بالدار) تىكەلەي باسشى 1.    باستاماشىلىعى    0-دەن 5-كە دەيىن 2.    ارەكەتتەستىككە قابىلەتتىلىگى     0-دەن 5-كە دەيىن 3.    قىزمەتتىك ادەپتى ساقتاۋى     0-دەن 5-كە دەيىن جيىنى: باعىنىستى قىزمەتكەر 1.    جۇمىستى جوسپارلاي ءبىلۋى    0-دەن 5-كە دەيىن 2.    جۇمىسقا ىنتالاندىرا ءبىلۋى    0-دەن 5-كە دەيىن 3.    قىزمەتتىك ادەپتى ساقتاۋى    0-دەن 5-كە دەيىن جيىنى: ارىپتەس 1.    توپتا جۇمىس ىستەي ءبىلۋى    0-دەن 5-كە دەيىن 2.    قىزمەتتىك ادەپتى ساقتاۋى    0-دەن 5-كە دەيىن جيىنى: رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋ ادىستەمەسىنە 5-قوسىمشا نىسان ______________________________________________________ (مەملەكەتتىك ورگاننىڭ اتاۋى) باعالاۋ جونىندەگى كوميسسيا وتىرىسىنىڭ حاتتاماسى _____________________________________________________________ (باعالاۋ ءتۇرى: توقساندىق /جىلدىق جانە باعالاناتىن كەزەڭ (توقسان جانە (نەمەسە) جىل) باعالاۋ ناتيجەلەرى ر/س №    قىزمەتشىلەردىڭ ت.ا.ءا. (بولعان جاعدايدا)    باعالاۋ ناتيجەلەرى تۋرالى مالىمەت    كوميسسيانىڭ باعالاۋ ناتيجەلەرىن تۇزەتۋى (بولعان جاعدايدا)     كوميسسيانىڭ ۇسىنىمدارى 1. 2. … كوميسسيا قورىتىندىسى: _________________________________________________________ تەكسەرىلدى: كوميسسيا توراعاسى: _____________________ كۇنى: ____________ (ت.ا.ءا. (بولعان جاعدايدا), قولى) كوميسسيا مۇشەسى: ________________________كۇنى: _____________ (ت.ا.ءا. (بولعان جاعدايدا), قولى) كوميسسيا حاتشىسى: ______________________كۇنى: _____________ (ت.ا.ءا. (بولعان جاعدايدا), قولى) قاۋلى قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 2 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14202 بولىپ ەنگىزىلدى.