مەديتسينالىق كومەك كوڭىلدەگىدەي

ەلىمىزدەگى حالقى ەڭ كوپ شوعىر­لانعان الىپ شاھار الماتى­دا مەدي­تسينا سالاسى دا كۇن ساناپ قار­قىندى دامىپ كەلەدى. ولار قالادا ورىن تەپكەن 15 رەسپۋب­ليكا­لىق عىلى­مي-زەرتتەۋ ينستيتۋتى مەن ور­تا­­لىقتان قالىسپاي, ەلباسىنىڭ دەن­­ساۋ­لىق ساقتاۋ سالاسىنا اۋدارعان باستى نازارىنىڭ ناتيجەسىندە قالا تۇرعىن­دارىنا زامان تالابىنا ساي مەديتسي­نالىق قىزمەت كور­سەتۋ­دە. اتاپ ايتار بولساق, تاۋە­ل­سىزدىك جىل­­دارى قالاداعى 31 دەن­­ساۋلىق ساق­­تاۋ نىسانىنىڭ ىسكە قوسى­لىپ, 68-دەن 87-گە, ياعني 27 پايىز­عا ارتۋى سونىڭ بىردەن-ءبىر ايعاعى. سون­­داي-اق جاڭا الەۋمەتتىك ماڭى­زى بار نىساندار قۇرىلدى. ماسە­لەن, مەد­­بيكەلىك كۇتىم اۋرۋحاناسى, ەلى­­­مىزدەگى تۇڭعىش جانە جالعىز اشىل­­عان حوسپيس, سالاماتتى ءومىر سال­­تىن قالىپتاستىرۋ ورتا­لىعى, كار­­­ديو­لوگيالىق جانە رەۆما­تولو­گيا­­لىق, قان, پەري­ناتالدى, ەم­دەۋ-ديا­­گنوستيكا­لىق ورتالىقتار. جەر­­گى­­لىكتى بيۋدجەت ەسەبى­نەن (1,5 ملرد تگ) قالالىق مەدي­تسي­نالىق كول­­­لەدج ءۇشىن جاڭا عيمارات ساتىپ الىن­­­دى. حالىققا تەگىن مە­دي­تس­ي­­نا­­لىق كومەكتىڭ كەپىلدىك بەرىل­­­گەن كولە­مىن كورسەتۋ بويىنشا باسە­­كە­لەس­تىك ورتا قامتاماسىز ەتىلدى. ءبىر­ىڭ­عاي تولەم جۇرگىزۋشى جۇيەسىندە مەملەكەتتىك تاپسىرىسقا يە بولعان جەكەمەنشىك ۇيىمداردىڭ ۇلەستىك سالماعى 33 پايىزعا, جوعارى ما­مان­داندىرىلعان مەديتسينالىق كومەك بويىنشا 38 پايىزعا ءوستى. ال ستاتسيونارلىق, ونىڭ ىشىندە جو­عارى مامان­دان­دىرىلعان جانە ستا­تسيو­ناردى الماستىرۋشى كومەكتى قارجىلاندىرۋ تاسىلدەرى وزگەرتىلدى. اعزالاردىڭ ترانسپلانتولوگياسىن جاساۋدا ەلىمىز بويىنشا ەڭ ۇلكەن كولەمدە 2012 جىلدىڭ ماۋسىمىنان باستاپ 190 (172 بۇيرەك جانە 17 باۋىر, 1 بۇيرەك, ۇيقى بەزى) اعزا الماس­تىرىلعان. ال تۋا بىتكەن جۇرەك اقاۋىمەن تۋىلعان 2 كۇندىك نارەستەدەن 16 جاسقا دەيىنگى جاسوسپىرىمدەرگە جاسالاتىن وپەراتسيا سپەكترى يگەرىلدى. قالالىق ونكولوگيالىق ورتالىقتا قاتەرلى ىسىكتى ينتراوپەراتسيالىق ساۋلەلەرمەن ەمدەۋ ءتاسىلى قازاقستان بويىنشا تۇڭعىش رەت ەنگىزىلدى. جىل سايىن 5 مىڭنان استام كارديو­حيرۋرگيالىق وپەراتسيالار جاسالسا, ونىڭ مىڭعا جۋىعى اشىق جۇرەككە جاسالادى ەكەن. سونىڭ ناتيجەسىندە مەديتسينالىق تۋريزم اياسىن­دا 28 مەملەكەتتىڭ, ياعني 150-گە جۋىق ازاماتىنا جوسپارلى, كاسىبي مەديتسينالىق كومەك كورسەتىلگەن. تاۋەلسىزدىكتىڭ 25 جىلىندا ال­ماتىدا تۋ كورسەتكىشى 18 پايىزعا ارتىپ, ەلىمىزدە ومىرگە كەلەتىن ءاربىر 9-شى ءسابيدىڭ كىندىگى اسەم قالانىڭ پەرزەنتحاناسىندا كەسىلىپ, تاۋلىگىنە 100-دەن استام انا بالاسىن باۋىرىنا باسادى. ال جالپى ءولىم 28, نارەس­تەلەر ءولىمى 3,8 ەسەگە كەمىگەن. كۇن سايىن قالاداعى ەمحانا­لار­دا 140 مىڭ­نان استام تۇرعىن كومەك السا, 60 مىڭ­نان استام زەرت­حا­نا­لىق جانە 15 مىڭنان استام ديا­گ­نوستيكالىق زەرتتەۋلەر ءجۇر­گىزى­­­لەدى. ءبىر تاۋلىكتە حيرۋرگتار 250-دەن استام حيرۋرگيالىق وپەراتسيا­, ونىڭ ىشىندە رەسپۋبليكا تۇر­عىن­دارى اراسىندا سۇرانىس ارتقان 30 جوعارى تەحنولوگيالىق وپەراتسيا جاسالادى. ەڭ باستىسى, الماتىلىقتاردىڭ ءومىر ءسۇرۋ جاسى 75-كە دەيىن ارتىپ وتىر. گۇلزەينەپ سادىرقىزى, «ەگەمەن قازاقستان»