19 قىركۇيەك, 2016

مينيسترلىك دارىلەردىڭ زيانى تۋرالى اقپاراتتى جوققا شىعاردى

390 رەت
كورسەتىلدى
1 مين
وقۋ ءۇشىن
dari-saytka دەنساۋلىق ساقتاۋ جانە الەۋمەتتىك دامۋ مينيسترلىگى «دارىلىك پرەپاراتتار اللەرگيالىق رەاكتسيا تۋىنداتىپ, بالالاردىڭ ءولىم-جىتىمىنە سەبەپ بولدى» دەگەن اقپاراتتى جوققا شىعاردى. ءبىرشاما ۋاقىت بۇرىن بۇل اقپارات WhatsApp جەلىسى ارقىلى كەڭىنەن تارالعان بولاتىن. «دەنساۋلىق ساقتاۋ جانە الەۋمەتتىك دامۋ مينيسترلىگى دارىلىك قۇرالداردىڭ جاناما اسەرىنە تۇراقتى تۇردە مونيتورينگ جۇرگىزىپ وتىرادى. 2016 جىلدىڭ 19 قىركۇيەگىندەگى مالىمەت بويىنشا اللەرگيالىق رەاكتسيا تۋىنداتىپ, بالالاردىڭ ءولىم-جىتىمىنە سەبەپ بولدى دەگەن دارىلىك قۇرالدار (اموكسيتسيللين, كاپەسۋلا, يبۋپروفەن (سۋسپەنزيا), الكلوفەناك, انگيسەپت, سۋمامەد, ينگاليپت, ينفليۋتسيد, بالالارعا ارنالعان پانادول جانە ساناسول) تۋرالى ەشقانداي شۇعىل مالىمەت كەلىپ تۇسكەن جوق», دەلىنگەن مينيسترلىكتىڭ رەسمي سايتىندا. مينيسترلىك جۇرتشىلىقتىڭ زارەسىن ۇشىرعان اقپاراتتى تاراتۋشىلارعا قاتىستى ىشكى ىستەر مينيسترلىگىنە, باس پروكۋراتۋراعا جانە ۇلتتىق قاۋىپسىزدىك كوميتەتىنە شاعىم تۇسىرگەن. ەگەمەن-اقپارات
سوڭعى جاڭالىقتار