الماتىدا 3000 ورىندىق «حالىق ارەنا» اشىلدى

پرەزيدەنت الماتىنىڭ مەدەۋ اۋدانىنداعى جاڭا سپورت كەشەنىنىڭ اشىلۋىنا قاتىستى دەپ حابارلايدى ەگەمەن-اقپارات. مەملەكەت باسشىسى عيماراتتىڭ قىزمەتىمەن تانىسىپ, كەشەن اۋماعىن ارالادى. بۇدان كەيىن نۇرسۇلتان نازارباەۆ ءبىر توپ ايگىلى سپورتشىمەن كەزدەسىپ, اڭگىمەلەستى. – قازاقستان ءوزىن سپورت دەرجاۆاسى رەتىندە تانىتا ءبىلدى. بۇل جەتىستىكتەرمەن شەكتەلمەۋ كەرەك. سپورتتاعى ەلىمىز باعىندىرعان بيىكتەردىڭ دەڭگەيىن بۇدان ءارى كوتەرە ءتۇسۋ قاجەت. مەملەكەت حالىقتىڭ دەنساۋلىعىنا باسا كوڭىل ءبولىپ وتىر. دۇنيەجۇزىلىك قىسقى ۋنيۆەرسياداعا دايىندىق بارىسىندا زاماناۋي سپورت عيماراتتارى سالىندى. ول كوپشىلىكتىڭ, اسىرەسە بالالار مەن جاستاردىڭ سپورتپەن شۇعىلدانۋىنا قوسىمشا سەرپىن بەرەدى, – دەدى مەملەكەت باسشىسى. 3 مىڭ كورەرمەنگە ارنالعان مۇز ايدىنى حوككەي جارىستارىن وتكىزۋگە لايىقتالعان. ۋنيۆەرسيادادان كەيىن «حالىق ارەنانى» قالالىق حوككەي كوماندالارىنىڭ ويىن الاڭىنا, بالالار مەن جاسوسپىرىمدەر سپورتىن دامىتۋ, سونداي-اق تۇرعىنداردىڭ جاپپاي سىرعاناۋ ورتالىعىنا اينالدىرۋ جوسپارلانۋدا. كەشەن كونتسەرتتەر, كوپشىلىك مادەني ءىس-شارالار وتكىزۋگە لايىقتالىپ, قازىرگى زامانعى جارىق جانە دىبىس قۇرىلعىلارىمەن جابدىقتالعان. ەگەمەن-اقپارات