پرەزيدەنت نازارباەۆ تالدىقورعان اۋەجايىن جاڭارتۋ جۇمىستارىمەن تانىستى

بۇگىن, 19 قىركۇيەكتە ەل پرەزيدەنتى نۇرسۇلتان نازارباەۆ جۇمىس ساپارىمەن الماتى وبلىسىنا كەلدى دەپ حابارلايدى قازاقپارات. ەلباسىنىڭ جۇمىس ساپارى تالدىقورعان قالاسىنىڭ اۋەجايىن جاڭارتۋ بارىسىمەن تانىسۋمەن باستالادى. بيىل ۇشۋ-قونۋ جولاعى, پەررون, ۆوكزال ماڭىنداعى الاڭعا كۇردەلى جوندەۋ جۇرگىزىلەدى, سونداي-اق جاڭا اەروناۆيگاتسيالىق كەشەن پايدالانۋعا ەنگىزىلدى, بۇل ماقساتقا رەسپۋبليكالىق بيۋدجەتتەن 11 ملرد تەڭگەدەن استام قاراجات ءبولىندى. كەلەشەكتە اۋەجاي قىرعىزستان, رەسەي, قىتاي جانە باسقا دا ەلدەرمەن وبلىس ورتالىعىن بىرىكتىرەتىن حالىقارالىق دەڭگەيگە كوتەرىلۋى  تيىس. ودان ءارى پرەزيدەنت ەسكەلدى اۋدانىنداعى «نام گ.ن» شارۋاشىلىق قوجالىعىنا بارادى, ودان كەيىن قانت قىزىلشاسى ەگىستىگىن كورەدى. ەسكە سالساق, 2014 جىلعى تامىزداعى الماتى وبلىسىنا جۇمىس ساپارى بارىسىندا مەملەكەت باسشىسى ءوڭىردىڭ  بۇرىنعى ەلدەگى    قىزىلشا شارۋاشىلىعىنداعى جەتەكشىلىك ءرولىن قايتا جاڭعىرتۋدى تاپسىردى.  وسى ماقساتتا ءوڭىر باسشىلىعى ءتيىستى اۋقىمدى جۇمىس جۇرگىزدى. قىزىلشا وندىرۋشىلەرگە جان-جاقتى قولداۋ, كومەك كورسەتىلدى: 240 ملن تەڭگە مەملەكەتتىك سۋبسيديا ءبولىندى, ارنايى تەحنيكا, ساپالى تۇقىم, گەربيتسيدتەر, وتىن-جاعارماي ماتەريالدارى, ءونىمدى شالعاي اۋدانداردان جەتكىزۋ ءۇشىن كاماز كولىكتەرى ساتىپ الىندى. بارلىق جاسالعان جۇمىس وڭ ناتيجەسىن بەرۋدە. وڭىردە قانت زاۋىتتارى مەن قىزىلشا قابىلداۋ پۋنكتتەرى قالپىنا كەلتىرىلىپ جاتىر. سونداي-اق ەلباسى ءبىر اي بۇرىن پايدالانۋعا بەرىلگەن وبلىس ورتالىعىنداعى كوپ بەيىندى جاڭا اۋرۋحاناعا بارادى. كوپ بەيىندى اۋرۋحانانى سالۋعا 9 371,0 ملن. تەڭگە بولىنگەنىن اتاپ وتكەن ءجون, ونىڭ ىشىندە 1 887,0 ملن. تەڭگە جەرگىلىكتى بيۋدجەتتەن. اۋرۋحانا سوماسى 4 094,0 ملن. تەڭگەلىك زاماناۋي مەديتسينالىق جابدىقتارمەن جاراقتالعان. كادرلىق قۇرامى - 676 بىرلىك, ونىڭ ىشىندە 143 دارىگەر. اۋرۋحانانىڭ جالپى الاڭى 33 885,6 شارشى مەتر. اۋرۋحانادا ستاتسيونار الماستىراتىن, ستاتسيونارلىق, جوعارى كاسىبي مەديتسينالىق كومەك كورسەتەدى. ول   تەراپيا, حيرۋرگيا, پوليجاراقات, قالپىنا كەلتىرۋ ورتوحيرۋرگياسى, نەيروحيرۋرگيا, ءمينينۆازيۆتى حيرۋرگيا, وتورينولارينگولوگيا, جانە جاق-بەت حيرۋرگياسى, ۋرولوگيا, وفتالمولوگيا بولىمشەلەرىنەن تۇرادى. جابدىقتار: ماگنيتتىك-رەزونانستىق توموگراف, ەكسيمەرلىك لازەر, باروكامەرا, ەندوۆيدەوحيرۋرگيالىق قۇرىلعى  جانە ت.ب.   بار. سودان كەيىن پرەزيدەنت وقۋشىلار سارايىندا بولادى. مۇندا كوپتەگەن ۇيىرمەلەر, سەكتسيالار جۇمىس ىستەيدى. نۇرسۇلتان ءابىش ۇلى جاس سۋرەتشىلەردىڭ جۇمىستارى قويىلعان كورمە گالەرەياسىمەن, اكت زالىمەن  تانىسادى. ودان ءارى ورتالىقتىڭ جۇمىسى كورسەتىلەتىن جاستارعا قىزمەت كورسەتۋ ورتالىعىندا بولۋ جوسپارلانۋدا. بۇگىنگى كۇن تالدىقورعان قالاسىنىڭ جۇرتشىلىعىمەن كەزدەسۋ وتەتىن «جاستار» ساياباعىنا بارۋمەن اياقتالادى.