قازاقستانداعى جوبالاردى ينۆەستيتسيالاۋعا ىنتالى

قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ ەلىمىزگە العاش رەت كەلگەن گونكونگتىڭ قارجى جونىندەگى حاتشىسى (قارجى ءمينيسترى) دجون تسانگپەن كەزدەستى. كەزدەسۋ بارىسىندا ە.ىدىرىسوۆ قا­زاق­ستاننىڭ نەگىزگى سىرتقى ساياسي باسىمدىقتارى مەن ەلىمىزدە ينۆەس­تي­تسيالىق كليماتتى جاقسارتۋ جانە ارنايى ەكونوميكالىق ايماقتار قۇرۋ ءۇشىن قولدانىلىپ جاتقان شارالار تۋرالى ايتىپ بەردى. ول قازاقستان گون­كونگتىڭ قارجى يندۋسترياسىنداعى ءتاجى­ريبەسىن زەردەلەۋگە مۇددەلى ەكەنىن اتاپ ءوتتى. سۇحباتتاسۋشىلار «اس­تانا» حالىقارالىق قارجى ورتالىعى قىزمەتكەرلەرىنىڭ گونكونگ قارجى مەكەمەلەرىندە ارنايى ترەنينگتەردەن ءوتۋ مۇمكىندىگىن دە تالقىلادى. دجون تسانگ ءوز كەزەگىندە گونكونگتىڭ ىسكەر توپتارى قازاقستانداعى ساۋدا, لو­گيس­تيكا جانە قىزمەت كورسەتۋ سالا­لار­ىن­د­اعى يننوۆاتسيالىق جوبالاردى قار­جىلاندىرۋعا دايىن ەكەنىن مالىمدەدى. سونىمەن قاتار, تاراپتار قازاق­ستان مەن گونكونگ اراسىنداعى ينۆەستي­تسيا­لاردى ءوزارا قورعاۋ جانە كوتەرمەلەۋ, قوسارلانعان سالىق سالۋدى بولدىر­ماۋ, سونداي-اق سالاارالىق جانە ۆەدوم­ستۆو­ارالىق ەكىجاقتى قۇجاتتاردى قابىلداۋ ماسەلەلەرىن قاراستىردى. «ەگەمەن-اقپارات»