استانادا كىتاپحاناشىلار كونگرەسى باستالدى

ەلورداداعى تاۋەلسىزدىك سارايىندا ەلىمىز تاۋەلسىزدىگىنىڭ 25 جىلدىعىنا بايلانىستى «الەم. ءححى عاسىر. وقۋ ارقىلى رۋحاني ۇندەستىك پەن مادەنيەتكە» دەگەن تاقىرىپتا حالىقارالىق كىتاپحاناشىلار كونگرەسى باستالدى. ەكى كۇندىك شاراعا رەسەي, گرۋزيا, ازەربايجان, يران, تاجىكستان, فرانتسيا, يندونەزيا ەلدەرىنىڭ ۇلتتىق كىتاپحانالارىنىڭ, ەۋرازيا كىتاپحانالارى اسسامبلەياسىنىڭ وكىلدەرى, ساياسات جانە قوعام قايراتكەرلەرى, عالىمدار, اقىن-جازۋشىلار, مادەنيەتتانۋشىلار مەن باسپاگەرلەر قاتىسۋدا. شارانى قازاقستان رەسپۋبلي­كا­سىنىڭ مادەنيەت جانە سپورت مي­نيستر­لىگى, قازاقستان رەسپۋب­ليكا­­سىنىڭ تۇڭعىش پرەزيدەنتى – ەل­باسىنىڭ كىتاپحاناسى, ۇلتتىق اكا­دە­ميا­لىق كىتاپحانا مەن ۇلت­تىق كىتاپحانا ۇيىم­داستىردى. كون­گرەس­تىڭ ماقساتى – قوعام نازارىن كىتاپ­حانالاردى دامىتۋعا, كىتاپ وقۋعا اۋدارۋ. ەلەكتروندى اقپا­راتتىق رەسۋرستاردى قالىپ­تاس­تىرۋ ماسەلەلەرى بويىنشا تاجىريبە الماسۋ جانە ونى اقپاراتتىق-كىتاپ­حانالىق مەكەمەلەردە پايدالانۋ, كىتاپحاناشى كاسىبى­نىڭ ءيميدجىن كوتەرۋ ماسەلەلەرى دە كونگرەسس ماقساتىنا كىرەدى. كونگرەستى اشىپ, قۇتتىقتاۋ ءسوز سويلەگەن مادەنيەت جانە سپورت ءمينيسترى ارىستانبەك مۇحا­مەدي ۇلى حالىقارالىق كىتاپ­حاناشىلار كونگرەسىنىڭ وتكىزىلۋى كىتاپحانالار اراسىنداعى مادەني, عىلىمي جانە بىلىمدىك بايلانىستاردى نىعايتۋ جولىندا ەرەكشە ماڭىزعا يە بولاتىنىن اتاپ ءوتتى. كونگرەستە ەۋرازيا كىتاپ­حانالارى اسسامبلەياسىنىڭ باس ديرەكتورى, رەسەي مەملەكەتتىك كىتاپحاناسىنىڭ ءبولىم مەڭ­گەرۋ­شىسى گالينا رايكوۆا پوستكەڭەستىك ەلدەردە اقپاراتتىق-مادەني كەڭىستىك قالىپتاستىرۋ ماسەلەلەرى بويىنشا بايانداما جاسادى. مۇنداعى ەۋرازيا كىتاپ­حانالارى اسسامبلەياسىنىڭ ءرولىن باسا ايتقان گ.رايكوۆا سوڭعى جىل­دارى رەسەيدە مەملەكەتتىك دەڭگەي­دە قابىلدانعان قۇجاتتار مەن زاڭ­نامالارمەن تانىستىرىپ ءوتتى. ال رەسەي ۇلتتىق كىتاپحاناسى­نىڭ باس ديرەكتورى الەكساندر ۆيسلىي ەلەكتروندىق كىتاپ­حانا تۋرالى رەسەيدە زاڭ قابىلدانعا­نىن باياندادى. «كوپشىلىك كىتاپحانا نەگە كەرەك, ينتەرنەتتە ءبارى بار ەمەس پە دەيدى. بىراق ينتەرنەت كىتاپ­حانانىڭ ورنىن تولىق­تاي الماستىرا المايدى. تاياۋدا بىزدە ۇلتتىق ەلەكتروندىق كىتاپحانا تۋرالى زاڭ قابىل­داندى. ول ءالى كۇشىنە ەنگەن جوق. وندا ەلەك­تروندىق ورتادا كىتاپحانالاردى دامىتۋعا قاتىستى كوپ يننوۆاتسيا بار. تمد ەلدەرىنىڭ بارلىق ۇلتتىق كىتاپحانالارى رەسەيدە بار ەلەكتروندىق كىتاپ­حانا ديسسەر­تا­تسياسىن پايدا­لانادى. رەسەي ۇلتتىق ەلەك­ترون­دىق كىتاپ­حانا­سىنىڭ دامۋىنا تمد ەل­دەرى كىتاپ­حانالارىنىڭ قاتى­سۋ­شى رەتىندە تارتىلۋى سەپ بولۋدا», – دەدى الەكساندر ۆيسلىي. اتالمىش ءىرى شارانىڭ پلەنار­لىق وتىرىسىندا «بولاشاقتىڭ كىتاپحاناسى. ۇعىم مەن انىقتا­ما­عا شاعىن شولۋ» دەگەن تاقىرىپتا ورتالىق كىتاپحانا ديرەكتورى اتيفە نۋري (يران), «ماڭگىلىك ەل» ۇلتتىق يدەياسى قازىرگى قازاق­ستاندىق قوعامدى دامىتۋدىڭ باستى باعىتى رەتىندە» دەگەن تاقى­رىپ­پەن قازاقستان رەسپۋبليكاسى ۇلتتىق عىلىم اكادە­مياسىنىڭ اكادەميگى, فيلوسو­فيا عىلىمدارىنىڭ دوكتورى عاري­فوللا ەسىمنىڭ جانە باسقالاردىڭ باياندامالارى تىڭدالدى. ەكى كۇندىك شارادا ەۋرازيا كىتاپ­حا­نالارى اسسامبلەياسى مۇشە­لەرى­نىڭ ءحىح جالپى جينالىسى, «ءبىر ەل – ءبىر كىتاپ» اكتسياسى. «2016 جىل كىتا­بى – دۋلات باباتاي ۇلى شى­عار­مالارى», «حاكىم اباي دانا­لىعى» تاقىرىپتارىندا اشىق دارىستەر, كىتاپ كورمەلەرى وتەدى. كون­گرەسس بەس سەكتسيا بو­يىن­شا جۇمىس ىستەپ, ۇسىنىستار قا­بىل­­دانادى. سەرتي­فيكاتتار تابىس ەتىلەدى. ەكى­جاق­تى مەموران­دۋم­دارعا قول قويىلا­دى. ايگۇل سەيىلوۆا, «ەگەمەن قازاقستان» سۋرەتتى تۇسىرگەن ورىنباي بالمۇرات, «ەگەمەن قازاقستان»