تاتارستاندا الەمدىك مادەني مۇرا قۇندىلىقتارى تالقىلانۋدا

تاتارستان رەسپۋبليكاسىنىڭ استاناسى «تۇراقتى دامۋ يمپەراتيۆى رەتىندە ادامزاتتى قورعاۋ» تاقىرىبىندا حالىقارالىق فورۋم ءوتىپ جاتىر. بۇگىن وتكەن العاشقى ارنايى ساراپشىلار وتىرىسىنا تاتارستاننىڭ پرەزيدەنتى رۋستام ميننيحانوۆ,  تاتارستان رەسپۋبليكاسىنىڭ مەملەكەتتىك كەڭەسشىسى مينتيمەر شايميەۆ, يۋنەسكو-نىڭ مادەني مۇرانى قورعاۋ ءبولىمىنىڭ جەتەكشىسى يان حلاديك پەن جىبەك جولى حالىقارالىق ساۋدا پالاتاسىنىڭ باس حاتشىسى لي چونگانگ پەن گۋمانيتارلىق قاۋىپسىزدىك سالاسىنداعى تانىمال ساراپشىلار قاتىسىپ, باياندامالار جاسادى. يۋنەسكو باس ديرەكتورى ي.بوكوۆانىڭ قولداۋىمەن ۇيىمداستىرىلعان فورۋمدا مادەني مۇرا نىساندارىنىڭ دۇنيەجۇزىلىك ورتاق قۇندىلىقتارى مەن گۋمانيتارلىق قاۋىپسىزدىك تۇسىنىگىن انىقتاۋ جانە ونى قامتاماسىز ەتۋ ماسەلەلەرى تالقىلانۋدا.  ازەربايجان, قازاقستان, مولدوۆا, پەرۋ جانە رەسەيدىڭ كورنەكتى عالىمدارى مەن ساراپشىلارى قاتىسىپ جاتقان عىلىمي جيىن ەرتەڭ, 16 قىركۇيەكتە ارنايى قۇجاتپەن قورىتىندىلانادى.