وڭتۇستىك – دوستىق مەكەنى

ەلباسىنىڭ «100 ناقتى قادام» – ۇلت جوسپارى تۇزىلگەن مەملەكەتتىك باعدارلاماسىنداعى تاپسىرمالار وڭتۇستىكتە كەزەڭ-كەزەڭىمەن ىسكە اسىرىلىپ جاتىر. ءۇش ميلليونعا جۋىق حالقى بار وڭتۇستىكتە تاعدىر تالايىمەن باقىتىن قازاق جەرىنەن تاپقان ۇلتتار مەن ۇلىستاردىڭ جۇزدەن استام وكىلدەرى تۇرادى. ولار ءوز وتانىم دەپ قازاقستاندى تانيدى جانە وسىندا تۇرعانىن ماقتانىش ەتەدى. الايدا, وسىنىڭ مانىسىنە بويلاي بەرمەيتىن جاس بۋىن وكىلدەرى بار. سوندىقتان, قازاقستاندىق ءبىر­تەكتىلىكتى, قوعامدىق كەلىسىم مەن بىرلىكتى وسكەلەڭ ۇرپاق اراسىندا كەڭىنەن ناسيحاتتاۋ ماقساتىندا قۇ­رىل­عان «وڭتۇستىك-دوستىق مەكە­نى» كەز­دەسۋلەر كەرۋەنى جولعا شىقتى. وڭتۇستىك قازاقستان وبلىستىق اسسامبلەيا حاتشىلىعى مەن «قو­عامدىق كەلىسىم» كمم-ءنىڭ ۇيىم­داستىرۋىمەن جولعا شىق­قان جۇمىس توبىنىڭ العاشقى كەز­دە­سۋلەرى سارىاعاش اۋدانىندا وتەدى. اقپاراتتىق-ناسيحاتتىق توپ 21 قىركۇيەككە دەيىن وبلىستىڭ بارلىق اۋدان, قالالارىندا 60-تان استام كەزدەسۋ ۇيىمداستىرۋدى جوس­پارلاپ وتىر. – تاۋەلسىزدىگىمىزدىڭ 25 جىل­دىعى قارساڭىندا وتكىزىلىپ وتىرعان كەزدەسۋلەردىڭ ءمانى جوعارى, – دەيدى «قوعامدىق كەلىسىم» كمم-ءنىڭ باسشىسى ەربول بايقوناقوۆ. –قازاقستان ەگەمەندىگىن جاريالاعان كەزدە جەرگىلىكتى ۇلت قىرىق پايىز عانا بولاتىن. سول كەزدە وسىندا تۇراتىن بارلىق ۇلتتار مەن ۇلىستاردىڭ وكىلدەرى ەلباسىنىڭ ساياساتىن ءبىر اۋىزدان قولدادى. بۇگىندە تاۋەلسىزدىگىمىزدى باياندى ەتۋگە اتسالىسىپ كەلەدى. قازاق­ستاندا بوتەن ەشكىم جوق. بىزگە ماڭگىلىك دوستىق قىمبات. كەزدەسۋ­لەر كەرۋەنىندە وسى جايتتار ۇعىندىرىلدى, – دەدى ول. باقتيار تايجان, «ەگەمەن قازاقستان» وڭتۇستىك قازاقستان وبلىسى