«بارىسقا» جاڭا باس جاتتىقتىرۋشى كەلدى

استانانىڭ «بارىس» حوككەي كومانداسىنا ەدۋارد زانكوۆەتس اتتى مامان جاڭا باس جاتتىقتىرۋشى بولىپ تاعايىندالدى. ول بۇل ورىنعا  اندرەي نازاروۆ كەتكەن سوڭ ءبىر كۇن­نەن كەيىن كەلدى. بۇرىنعى باس جاتتىقتىرۋشى باستاعان شتابتىڭ تۇگەل وتستاۆكاعا جىبەرىلۋىنە «بارىستىڭ» بيىلعى ماۋ­سىمدى وتە ءساتسىز باستاۋىمەن بىرگە, بىلتىرعى ماۋسىمدا پلەي-وفف كەزەڭىنە وتە الماۋى جانە قۇراما كومان­دانىڭ وليمپيادانىڭ ىرىكتەۋ تۋرنيرىندە العا قويعان ماقساتىنا جەتە الماۋى سەبەپكەر بولعان سياقتى. كوماندا جاڭا باستالعان چەم­پيوناتتىڭ ءۇش ويىنىندا دا جە­ڭىلىس تاۋىپ, شىعىس كونفەرەنتسيا­سىن­دا ەڭ سوڭعى ورىندا قالىپ قويدى. وسى ورايدا جاتتىقتىرۋ­شى­لار شتابىن اۋىستىرىپ جاتقان «با­رىس» حوككەي كلۋبى كوماندا تىزگىنىن ۇس­تاعان جاڭا ماماننىڭ قحل كلۋبتارىندا جۇمىس جاساۋدا ۇلكەن جاتتىقتىرۋشىلىق تاجىريبەسى بار ەكەنىن, ۇحل كلۋبتارى جۇيەسىندە دە جۇمىس جاساعانىن اتاپ كورسەتەدى. بىراق جاڭا باس باپكەردىڭ قىزمەتتىك تىزىمدەرىنە ءبىر قاراعاندا-اق مۇنىڭ تاپ ولاي ەمەس ەكەنىنە كوز جەتكىزۋگە بولادى. ە. زانكوۆەتس جاتتىقتىرۋشىلىق مانسابىن 2007 جىلى باستاعان. ول سول جىلعى 21 قاڭتاردان 31 مامىرعا دەيىن مينسكىنىڭ «ديناموسىن» جات­تىقتىردى. 2010-2011 جىلدارى بەلارۋس قۇراماسىنىڭ ءتىز­گىنىن ۇستادى. 2011 جىلعى 20 جەل­توقساندا ومبىنىڭ «اۆان­گارد» كومانداسى باس جاتتىق­تىرۋ­شىسىنىڭ كومەكشىسى بولىپ بەكىتىلەدى. ال 2015 جىلعى 26 مامىردا بۇل قىزمەتىنەن الىنىپ قالعان ەكەن.