قىزىلوردا وبلىسىندا تىكۇشاق قۇلادى

  «ەۆرو-ازيا ەير» كومپانياسىنا تيەسىلى تىكۇشاق قىزىلوردا وبلىسىنىڭ اۋماعىندا اپاتقا ۇشىرادى. تىكۇشاقتىڭ بورتىندا «قازترانسويل» اكتسيونەرلىك قوعامىنىڭ شىعىس فيليالى جەزقازعان مۇناي قۇبىرى باسقارماسىنىڭ قىزمەتكەرلەرى بولعان. ەڭ باستىسى, اپات بارىسىندا قازا بولعاندار جوق. بۇل تۋرالى egemen.kz ءتىلشىسى «قازترانسويل» اق-نىڭ قوعاممەن بايلانىس جانە ىشكى كوممۋنيكاتسيالار قىزمەتىنە سىلتەمە جاساپ حابارلايدى. «7 قىركۇيەك كۇنى استانا ۋاقىتىمەن ساعات 15:40-تا, قىزىلوردا وبلىسىندا بورتىندا «قازترانسويل» اق-نىڭ شىعىس فيليالى جەزقازعان مۇناي قۇبىرى باسقارماسىنىڭ قىزمەتكەرلەرى بار «ەۆرو-ازيا ەير» اۆياكومپانياسىنىڭ مي-8 تىكۇشاعى ۇشۋ بارىسىندا اپاتقا ۇشىرادى. قازا تاپقاندار جوق. وقيعانىڭ سەبەپتەرى مەن ءمان-جايى ناقتىلانۋدا»,– دەلىنگەن حابارلامادا. حابارلامادان ۇققانىمىزداي تىكۇشاق جەردەن ەندى كوتەرىلە بەرگەنىندە قۇلاعان. سونىمەن قاتار, وقيعا كەن ورنىنىڭ باسىندا بولعانعا ۇقسايدى. ەستەرىڭىزدە بولسا, ءدال وسى كومپانياعا تيەسىلى ناق وسىنداي مي-8 تىك ۇشاعى وسىدان ءتورت جىل بۇرىن الماتى وبلىسىندا اپاتقا ۇشىراپ, سونىڭ كەسىرىنەن 8 ادام قازا بولعان ەدى. ول كەزدە تىكۇشاقتىڭ اپاتقا ۇشىراۋىنا اۋا-رايىنىڭ قولايسىزدىعى سەبەپ بولعان. ۇشۋعا قولايسىز جاعداي بولسا دا, تىكۇشاق كومانديرى اۋەگە كوتەرىلىپ, ارتىنان ونى باسقارا الماي قايعىلى وقيعا ورىن العان ەدى. ەرجان بايتىلەس, قىزىلوردا