استانادا قۇربان ايتتا مال باعاسى وسپەيدى

استانالىقتار قۇرباندىققا مال شالۋ ءۇشىن كۇنى بۇرىن دايىندالىپ جاتىر. ازىردەن سوياتىن مال ىزدەپ, شارۋا قوجالىقتارىنا جوڭكىلىپ جۇرگەندەر بار. باسىلىم ءتىلشىسى ءدىني مەرەكە قارساڭىندا قالا ماڭىنداعى مال بازارىنىڭ بىرىندە بولىپ, ۇساق جانە ءىرى قارا مال باعاسىن ءبىلىپ قايتتى. وبلىس ورتالىعىنا جاقىن ماڭايداعى قوسشى كەنتىندە ورنالاسقان بازاردا ساۋدا قىزىپ جاتىر. ساتۋشىلاردىڭ ايتۋىنشا, سويۋعا مال ىزدەپ كەلگەندەر كۇندەگىدەن كوپ. بىراق باسىم بولىگى باعانى باقىلاپ جۇرگەندەر. وسى ورايدا, بازار اكىمشىلىگى مەيرام كەزىندە مال قۇنىن وسىرمەيمىز دەپ سەندىرىپ وتىر. سەبەبى, ساتىلىمدا تۇرعان ءتورت ت ۇلىك تۇگەلدەي جاقىن ماڭايداعى شارۋا قوجالىعىندا ءوسىرىلىپ, بازاردا بورداقىلانادى. ءبىر قىزىعى, ايت كۇندەرى مۇندا الىپساتارلاردىڭ جانە وزگە شارۋا قوجالىعىنىڭ مالدارى ساتىلمايدى. – ءبىز قاشاندا باعانى نەگىزسىز كوتەرگەن ەمەسپىز. قۇربان ايتتا مال ءوتىمدى بولادى ەكەن دەپ ءتورت ت ۇلىكتى قىمباتتاتپاق نيەتىمىز جوق. ءبارى بۇرىنعىسىنشا ساقتالادى, – دەيدى بازار باسشىسى سەرىك شوقان. سونىمەن ەڭ ءوتىمدى بولىپ تۇرعان مارقالاردىڭ باعاسى 26 مىڭنان باستالسا, ءىرى قويلار 40 مىڭنىڭ و جاق, بۇ جاعىندا. ساتىلىمدا تۇرعان ءتورت ت ۇلىكتىڭ بىردە-ءبىرى سىرتتان اكەلىنبەگەن. ارقايسىسى ءجىتى تەكسەرۋدەن ءوتىپ, مال دارىگەرلەرىنىڭ رۇقساتىمەن ساتىلۋدا. بازاردىڭ مال ساتۋ جونىندەگى مەنەدجەرى سۇلتانبەك ءتىناليدىڭ ايتۋىنشا, قۇرباندىققا جارايتىن قوي كەمى ءبىر جاسار بولۋى قاجەت. دەسە دە, التى ايلىق قوزى ءبىر جاسار قوي سەكىلدى ءىرى, قوڭدى بولسا قۇرباندىققا جارامدى سانالادى دەيدى ول. سيىر ەكى جاسار بولعاندا عانا قۇرباندىققا شالىنادى. بيىل بازاردا 3 مىڭعا جۋىق قوي ساۋداعا شىعادى. ويتكەنى, بىلتىر وسى مەيرام كەزىندە 2600 قوي قۇرباندىققا شالىنىپتى. ايتپاقشى, ادەتتەگىدەي ارنايى مال سويۋ ورنى مەن قاساپشىلار دا قاراستىرىلادى. ۇساق مالداردى سويىپ, جىلىكتەپ بەرۋ نەبارى 1000 تەڭگە بولسا, باس ءۇيىتۋ 300 تەڭگە. وتكەن جىلى بازاردا 170-كە تارتا ءىرى قارا ساتىلعان. بۇقالار بىلتىرعىداي 200-300 مىڭنان ساۋدالانۋدا. نۇرباي شاكىم