مۇددەلەسىن عانا شاقىرادى

نەگىزى بۇل G20 («جيىر­ما­لىق») ءپىشىمىنىڭ ەرەك­شە­لىگىنىڭ ءوزى – ۇيىم­­داس­تىرۋشى مەملەكەت, ياعني ۇيىمداستىرۋشى ەل وزىنە كىم جاقىن نەمەسە كىمنىڭ ءمۇد­دەسى ماڭىزدى دەگەن باعىتتا وي ءوربى­تىپ, «جيىرمالىقتىڭ» سامميتىنە سول مەم­لەكەتتى عانا شاقىرىپ, قوسا الادى. بۇل تۇرعىدان كەلگەندە, قىتايدىڭ كورشى قازاقستاندى ەسكەرىپ, الەمدەگى ايگىلى سامميتكە پرەزيدەنت نۇرسۇلتان نازارباەۆتى شاقىرۋى ءبىز ءۇشىن, ءبىزدىڭ مەملەكەتىمىز ءۇشىن ۇلكەن مارتەبە دەپ ساناۋىمىز كەرەك. ەكىنشىدەن, بۇل وقيعا قازاقستاننىڭ الەۋەتىن ارتتىراتىن جاقسى مۇمكىندىك جانە ۇندەۋ دەپ ايتۋعا بولادى. وڭتايلى ساتتە قازاقستان وزىنە قاجەتتى كوكەيكەستى ماسەلەلەرىن نەبارى ەكى كۇننىڭ ىشىندە ەل الدىنا شىعارىپ قويا ءبىلدى. ەكى كۇننىڭ ىشىندە وڭايشىلىقپەن ۇستاتا دا, ۇندەسە دە, تىلدەسە دە بەرمەيتىن الەمنىڭ جەتەكشى مەملەكەتتەرىنىڭ باسشىلارىمەن سويلەسىپ, پىكىرلەسىپ, ءوزىنىڭ ۇستانىمدارىن ايتىپ ۇلگەردى. مىنە, بۇل – وتە تاماشا مۇمكىندىك. قانشا دەگەنمەن, قازاقستاننىڭ شاعىن مەملەكەت ەكەنى انىق. بىراق, ءوز الەۋەتى مەن مۇمكىندىگى بارى جانە ايقىن. وسى رەتتە قىتايعا دا العىسىمىز شەكسىز. شىن مانىندە «جيىرمالىقتىڭ» الاڭىنا شىعىپ سويلەۋ, ءتىپتى, وزەكتى ماسەلە قويۋ – قازاقستاننىڭ سۋبەكتىلىگىن, ياعني ونىڭ مۇمكىندىگىن ۇلكەن ساياساتتىڭ ءبىر بولشەگى رەتىندە كورسەتە ءبىلۋ دەگەن ءسوز. بىزدىڭشە, بۇل كەزدەسۋلەر مەيلىنشە ۇتىمدى بولعان دا سياقتى. بۇدان كەيىن G20-نىڭ بەلگىلى ءبىر مەملەكەت باسشىلارى قازاقستانعا نەمەسە ءبىزدىڭ ەل باسشىلارى باسقا ەلگە ساپارلاپ بارىپ جاتسا, وندا كوپتەگەن ماسەلەلەردىڭ وزەكتىلىگى ارتتىرىلىپ وتىر دەپ قابىلداۋعا تولىق نەگىز بار. ايدوس سارىم, ساياساتتانۋشى الماتى