اقپارات ساياساتىنىڭ باسىمدىقتارىن بەلگىلەدى

ەلباسى نۇرسۇلتان نازارباەۆ اقپارات جانە كوممۋنيكاتسيالار ءمينيسترى داۋرەن اباەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا مەم­لە­كەت باسشىسى ءتيىمدى اقپارات­تىق ساياسات جۇرگىزۋدىڭ, ەلدەگى مەديا كەڭىستىكتىڭ قاۋىپسىز­دىگىن قامتاماسىز ەتۋدىڭ ماڭىز­دىلىعىن اتاپ ءوتتى. – جاڭادان قۇرىلعان مينيسترلىكتىڭ ماڭىزى زور. بۇگىندە باستى مىندەتتەردىڭ ءبىرى – اقپارات كەڭىستىگىندەگى ءتۇر­لى سىن-قاتەرلەرگە ءتيىمدى قارسى تۇرا ءبىلۋ. سونىمەن قاتار, حالىق اراسىندا ەكونو­ميكالىق ءوسىمدى جانە تۇرعىن­داردىڭ ءال-اۋقاتىن ارتتىرۋدى قامتاماسىز ەتۋ باعىتىندا مەملەكەت قابىلداپ وتىرعان شارالار تۋرالى ءتۇسىندىرۋ جۇمىسىن ءتيىستى دەڭگەيدە جۇرگىزۋ قاجەت, – دەدى قازاقستان پرەزيدەنتى. بۇدان بولەك, نۇرسۇلتان نا­زار­باەۆ مەملەكەتتىك باق-تار­­دىڭ باسشىلىق قۇرامىن قا­لىپ­تاستىرۋ ىسىنە مۇقيات بولۋ قا­جەتتىگىنە نازار اۋداردى. – جوعارى تالاپتارعا ساي كەلەتىن, شەتەل تىلدەرىن مەڭ­گەر­گەن جانە اقپارات كەڭىستى­گىنىڭ باستى ۇردىستەرىنە ساپالى تالداۋ جاساي الاتىن ادام­داردى تاڭداۋ كەرەك. جال­­پى, مەملەكەتتىك اقپارات سايا­ساتىنىڭ ماسەلەلەرى مە­نىڭ باس­تى نازارىمدا. مي­نيسترلىكتىڭ قىزمەتىنە تىكەلەي ءوزىم جانە پرەزيدەنت اكىمشىلىگىنىڭ باس­شىسى باقىلاۋ جاسايدى. باسقالاردىڭ ارالاسۋىنا جول بەرىلمەيدى, – دەدى مەملەكەت باسشىسى. اقپارات جانە كوممۋنيكا­تسيالار ءمينيسترى باق جۇمى­سى­نىڭ تيىمدىلىگىن ارتتىرۋ, سون­داي-اق «ءبىر تەرەزە» قاعي­داتى بويىنشا حالىققا مەم­ل­ە­كەت­تىك قىزمەتتەر كورسەتۋ ءىسىن ءىل­گەرىلەتۋ جونىندە قابىل­دانىپ وتىرعان شارالار تۋرالى باياندادى. سونداي-اق, د.اباەۆ قازاق­ستان پرەزيدەنتىن تەلەكوممۋني­كاتسيا سالاسىنىڭ قىزمەت ەتۋ ساپاسىن ارتتىرۋداعى مي­نيس­ترلىكتىڭ قىزمەتى, سونىڭ ءىشىن­دە «ساندىق قازاقستان» باع­دارلاماسىن ازىرلەۋ جۇمىسى تۋرالى حاباردار ەتتى.