بەرەكەلى ءىستىڭ باسىندا

وڭىرىمىزگە بەلگىلى كاسىپكەر ءارى مەتسەنات باقتىبەك مۇساباەۆتى ءبىل­مەيتىن ادام كەمدە-كەم. ول جەتەك­شىلىك ەتەتىن «نەكراسوۆكا ي ك» شارۋا قوجالىعى تارباعاتاي تاۋىنىڭ قويناۋىنا ورنالاسقان نەكراسوۆكا اۋىلىندا. شارۋاشىلىق بۇگىنگى كۇندەرى اۋدان كولەمىندە كەڭىنەن تانىمال دەسەك, ارتىق ايتقاندىق ەمەس. مال وسىرۋمەن, استىق وندىرۋمەن اينالىساتىن بۇل ۇجىمدا 30 ادام ەڭبەك ەتەدى. ب.توقاش ۇلىنىڭ قاراماعىندا 1100 گەكتار ەگىستىك جەر, 500 گەكتار شا­بىندىق, 1500 گەكتار جايىلىم جەر بار. سونداي-اق 400-گە جۋىق «ءاۋ­ليەكول» جانە «سيممەنتال» اسىل تۇقىمدى سيىرىن باعادى. 500-دەن استام قازاقتىڭ اسىل تۇقىم­دى جابى جىلقىسى دا وسى قوجا­لىق­تىڭ قاراماعىندا. ءشوبى شۇيگىن, جەرى قۇنارلى, تابيعاتى كەلىسكەن بۇل وڭىردە باقتىبەك مۇساباەۆ باس­قا­راتىن «نەكراسوۆكا ي ك» شارۋا قوجا­لى­عى ومارتا شارۋاشىلىعى­مەن دە اي­نالىسىپ كەلەدى. «كارپاتكا» دەپ اتا­لاتىن  ارالار­دى ءوسىرىپ, دارۋمەنگە اسا باي بال تاعا­مىن وندىرۋدە. جالپى, باقتىبەك مۇساباەۆ بۇدان وزگە «ءۇرجار-قارابۇيرات» با­عى­تىنداعى جولدى جىل سايىن قىس­تا قاردان ارشىپ, جەرلەستەرىنىڭ ال­عى­سىنا بولەنىپ كەلە جاتقان ازامات. ال بيىك تاۋدىڭ قويناۋىن ەجەلدەن قالىڭ قار باساتىنى بەلگىلى. ول بۇل ءىستى ۇلكەن جاۋاپكەرشىلىكپەن, ادال دا تياناقتى اتقارىپ كەلەدى. بارقىتبەل اۋىلدىق وكرۋگىنە قارايتىن بارقىتبەل, باتپاقتى, بلا­گوداتنوە, نەكراسوۆكا, قارابۇي­رات ەلدى مەكەندەرىنىڭ تۇرعىندارى قاشاندا ءوز جەرلەستەرى باقتىبەك مۇساباەۆتى ازامات رەتىندە, كاسىپكەر رەتىندە ماقتان تۇتادى. ويتكەنى, ول قاي ۋاقىتتا دا قينالعان, كومەك قولىن قاجەت ەتەتىن جانداردىڭ قاسىنان تابىلا الادى. از قامتىلعان وتباسىلاردىڭ, مۇقتاج جانداردىڭ تاۋقىمەتتەرى مەن ماسەلەلەرىن شەشۋگە ۇنەمى جاردەمدەسىپ كەلە جاتقان ازامات. ول وسى وكرۋگكە قاراستى ءبىلىم وردالارىندا وتەتىن ءارتۇرلى اكتسياعا دا بەلسەنە قاتىسادى.  بەيسەنعازى ۇلىقبەك شىعىس قازاقستان وبلىسى