«ءبىز بۇل جەڭىستى ۇزاق كۇتتىك»

بوكسشى دانيار ەلەۋسىنوۆ قازاقستان بوكسشىلارىنىڭ سوناۋ 1996 جىلى اتلانتادا باس­تال­عان داڭقتى جولدارىن ريو رينگىندە لايىقتى جالعاستىرا ءبىلدى. ءسويتىپ, رەسپۋبليكا بىل­عارى قولعاپ شەبەرلەرىنىڭ وليم­­پيادادا التىن جۇلدە الۋ ءداس­تۇرى قاتارىنان التىنشى رەت قاي­تالانۋىن قامتاماسىز ەتىپ بەردى. بۇعان قوسا, ول 2004 جىلى افينا ويىندارىندا نەگىزى قالان­­عان ورتا سالماقتاعى, ياعني 69 كيلو­عا دەيىنگى دارەجەدەگى التىن مەدال­دى قازاق بوكسشىسى جەڭىپ الۋى ءۇر­دىسىن قاتارىنان ءتورتىنشى رەت جالعاستىرا ءبىلدى. بۇدان ەكى كۇن بۇرىن ريو-دە-جانەيرودان استانا حالىقارالىق اەروپورتىنا كەلىپ قونعان ۇشاقتان تۇسكەندەردى كۇتۋشىلەردىڭ اراسىندا دانياردىڭ تۋعان-تۋىستارى دا كوپ بولدى. «مەن ونىڭ جەڭىسكە جەتكەنىنە وتە قۋانىشتىمىن. ول ءۇشىن قاتتى قوبالجىدىم. ال باسىنان جاراقات الىپ قالعانىن كورگەنىمدە قۇلاپ قالا جازدادىم. بىراق ءبارىنىڭ جاقسى بولىپ بىتكەنىنە قاتتى قۋاندىم», – دەدى بوكس­­شىنىڭ جۇبايى اۋەجاي باسىن­دا. جانكۇيەر قاۋىم دانيار ەلەۋسىنوۆتىڭ جارتىلاي فينالدا فرانتسيالىق سۋلەيمان سيسسو­كو­مەن شايقاسىنىڭ ءبىرىنشى راۋندىندا باسىنان جاراقات الىپ قالعانىن جاقسى بىلسە كەرەك. سون­دىقتان, دارىگەرلەردىڭ ۇيعا­رىمى­مەن جەك­پە-جەك توقتا­تىلدى. وسى كەزگە دەيىن ول قار­سىلا­­سىن ۇتىپ تۇر ەدى. سوندىقتان, تورەشى­لەر جەڭىستى ءبىر اۋىزدان ءبىزدىڭ قۇرا­مانىڭ كاپيتانىنا بەردى. فينالدىق ايقاستا دانيار ەلەۋسىنوۆ وزبەكستاندىق شاحرام گياسوۆپەن قولعاپ ءتۇيىستىرىپ, ءوزىنىڭ ودان كۇشتى ەكەنىن تانىتتى. وسىلايشا, التىن مەدالدىڭ يەگەرى اتاندى. ريوعا چەمپيونمەن بىرگە ونىڭ ءارى اكەسى, ءارى جات­تىقتىرۋشىسى مارات ەلەۋسىنوۆ تە بارعان بولاتىن. – مەن ءوزىمنىڭ باستان كەشكەن سەزىمىمدى سوزبەن ايتىپ جەتكىزە المايمىن, – دەدى باقىتتان ءجۇزى بال-بۇل جانعان ول ۇشاقتان تۇسكەننەن كەيىن. – ءبىز بۇل جەڭىسكە ۇزاق جولدارمەن ءجۇرىپ جەتتىك. اقىرىندا ءبارى قايىرلى اياقتالدى. وسى جولدا بىزگە ۇدايى قولداۋ كور­سەتىپ, سەنىم ءبىلدىرىپ كەلگەن جان­كۇيەرلەردىڭ بارىنە مىڭ دا ءبىر راحمەت. بىزگە قازىر حابارلاسىپ جاتقاندار كوپ. ولاردىڭ اراسىندا تانىس ەمەس كىسىلەر دە جەتەر­لىك. ءبىرى تەلەفون ارقىلى لەبىز­دەرىن ءبىلدىرىپ جاتسا, ەكىنشى بىرەۋلەرى حابارلاما جولداپ قويا­دى. وسىنىڭ ءبارى تىلەكتەستىك. وسىن­داي نيەت­تەس ادام­داردىڭ كوپتىگى ءبىزدى قۋانتادى.  رۋسلان يگىلىك