قوعامدىق قابىلداۋ وتكىزدى

پارلامەنت ءماجىلىسىنىڭ دەپۋتاتى ءجاميلا نۇرمانبەتوۆا «نۇر وتان» پارتياسىنىڭ استانا قالالىق فيليالىندا قوعامدىق قابىلداۋ وتكىزدى, دەپ حابارلادى ءماجىلىستىڭ ءباسپاسوز قىزمەتى. قوعامدىق قابىلداۋ جۇمىسى بارىسىندا بارلىق ءوتىنىش بىلدىرگەن ازاماتتارعا قۇقىقتىق كەڭەس بەرىلىپ, ءبىلىم بەرۋ, حالىقتى جۇمىسپەن قامتۋ جانە باسقا دا الەۋمەتتىك ماڭىزدى ماسەلەلەردىڭ زاڭنامالىق نورمالارى ءتۇسىندىرىلدى. «وزدەرىڭىز بىلەتىندەي, ءبىز حالىقتىڭ الەۋمەتتىك وسال ساناتىنداعى جانداردى الەۋمەتتىك قورعاۋعا ۇلكەن ءمان بەرە­مىز. ءبىز مۇقتاج ادامدارعا قولداۋ جانە كومەك كورسەتۋىمىز كەرەك. «نۇر وتان» پار­تياسى استانا قالالىق فيليالى قوعام­دىق قابىلداۋ بولمەسىندە قازاقستان رەسپۋب­ليكاسى زاڭنامالارىنىڭ شەڭبەرىندە قۇ­قىقتىق كومەك كورسەتىلىپ, كەڭەس بەرىلەدى. قاجەت جاعدايدا بەرىلگەن ءوتىنىش مازمۇنىن قاراۋعا وكىلەتتى مەملەكەتتىك جانە جەر­گىلىكتى اتقارۋشى ورگاندارعا حاتتار ءجى­بەرىلەدى», – دەدى ءماجىلىس دەپۋتاتى. قوعامدىق قابىلداۋ بولمەسىندە سوڭعى جەتى ايدا 300-دەن استام قوعامدىق قابىلداۋ جۇزەگە اسىرىلسا, ونىڭ 56-سىن پارلامەنت ءماجىلىسىنىڭ دەپۋتاتتارى س.ق.احمەتوۆ, پ.و.كازانتسەۆ, ق.س.مۋسين, س.ف.بىچكوۆا, ج.ن.نۇرمانبەتوۆا, ت.ي.ياكوۆلەۆا وتكىزىپتى. «نۇر وتان» پارتياسى استانا قالالىق فيليالىنىڭ قوعامدىق قابىلداۋ ءبول­مەسىندە استانا قالاسى اكىمىنىڭ ورىنبا­سارلارى, باسقارمالار, دەپارتامەنتتەر مەن قۇقىق قورعاۋ ورگاندارىنىڭ باسشى­لارى ازاماتتاردى تۇراقتى تۇردە قابىل­داۋ جۇمىسىن جۇرگىزەدى. بۇل جەردە ادامدار ءوز سۇراقتارىنا تاتىمدى جاۋاپ جانە كەڭەس الا الاتىن بولعاندىقتان, ءوتىنىش ءبىل­دىرۋشى استانالىقتاردىڭ سانى ارتىپ كەلەدى.