بالعىن گەولوگتار بايگەسى

كورىكتى بۋراباي تورىندەگى «زۆەزد­نىي» بالالاردى ساۋىقتىرۋ ورتالىعىندا قازاقستان رەس­پۋب­ليكاسى تاۋەلسىزدىگىنىڭ 25 جىلدىعىنا ارنالعان جاس گەو­لوگتاردىڭ IV قازاقستاندىق اشىق دالا وليمپياداسى باس­تال­دى. بايقاۋعا 8-9-10 سىنىپ وقۋ­شىلارىنان تۇراتىن جاس گەو­لوگتاردىڭ 21 كومانداسى قا­تىسۋدا. ماڭىزدى شاراعا ەلى­مىزدىڭ بارلىق وڭىرلەرىنەن جانە رەسەي, وزبەكستان, قىرعىزستاننان دا وكىلدەر شاقىرىلعان. حالىقارالىق وليمپيادا  قاتىسۋشىلارىن قازاقستان رەس­پۋبليكاسى ينۆەستيتسيالار جانە دامۋ ۆيتسە-ءمينيسترى تي­مۋر توقتاباەۆ, گەولوگيا جانە جەر قويناۋىن پايدالانۋ كو­ميتەتى, «قازگەولوگيا» ۇلتتىق گەولوگيالىق بارلاۋ كومپانياسى» اق باسشىلارى قۇتتىقتاپ, جارىس بايراعىن بيىك ۇستاۋعا تىلەكتەستىگىن ءبىلدىردى. جاس گەولوگتار وليمپياداسىنىڭ نەگىزگى ماقساتتارى مەن مىندەتتەرى – گەولوگيانى عىلىم رەتىندە جانە ونىڭ قولدانبالى ءمانىن كوپ­شىلىككە تانىمال ەتۋ, جاستارعا كاسىبي باعدار بەرۋ, وقۋشىلاردىڭ گەولوگيا عىلىمىن زەردەلەۋگە ىقىلاسىن وياتۋ, دارىندى بالالاردى انىقتاۋ, ءارى ولارعا قولداۋ كورسەتۋ بولىپ تابىلادى. وليمپيادا باعدارلاماسىنا سايكەس, جاس گەولوگتار ءارتۇرلى گەولوگيا پاندەرى بويىنشا, اتاپ ايتقاندا, پالەونتولوگيا, گيدرولوگيا, راديومەتريا, مينەرالوگيا مەن پەتروگرافيا, پايدالى قازبالار گەولوگياسى جانە باسقا باعىتتاردا بىلىمدەرىن ساراپقا سالۋدا. بۇدان باسقا, كوپتەگەن مادەني, سپورتتىق ءىس-شارالار, كوركەمونەرپازدار, جاس سۋرەتشىلەر بايقاۋى مەن فوتوكونكۋرستار تارتىستى ءوتىپ جاتىر. باقبەرگەن امالبەك, «ەگەمەن قازاقستان» اقمولا وبلىسى