ۇيىمداستىرۋ كوميتەتىنىڭ قورىتىندى وتىرىسى

سەنات توراعاسى قاسىم-جومارت توقاەۆتىڭ توراعالىق ەتۋىمەن سەمەي يادرولىق سىناق پوليگونىنىڭ جابىلۋىنا 25 جىل تولۋىنا ارنالعان «يادرولىق قارۋسىز الەم قۇرۋ» حالىقارالىق كونفەرەنتسياسىنا ازىرلىك جونىندەگى ۇيىمداستىرۋ كوميتەتىنىڭ قورىتىندى وتىرىسى بولدى. قوسالقى ۇيىمداستىرۋشىسى پارلا­مەنتشىلەردىڭ يادرولىق قارۋ­دى تاراتپاۋ جانە جويۋ جونىندەگى (PNND) حالىقارالىق ۇيىمى بولىپ تابىلاتىن فورۋم 29 تامىزدا تاۋەل­سىزدىك سارايىندا وتەدى. سەنات توراعاسى ۇيىمداستىرۋ كومي­تەتىنىڭ مۇشەلەرىنە شاراعا ءازىر­لىك پەن وتكىزۋ بارىسىن ناقتى ۇيلەس­تىرۋدى قامتاماسىز ەتۋدى, ساراپ­­­شىلارمەن بىرلەسە وتىرىپ قورى­­تىندى قۇجاتتى كەلىسۋدى اياق­­تاۋ­دى تاپسىرىپ, فورۋمدى اق­پا­رات­تىق تۇرعىدا قولداۋدىڭ ساپا­لى بولۋى­نىڭ ماڭىزدىلىعىنا نازار اۋداردى. «كونفەرەنتسيانىڭ حالىق­ارالىق ماڭىزى بار, ويتكەنى, يادرولىق قارۋ­دان ەرىكتى تۇردە باس تارتۋ جانە ءاسى­رەسە, سەمەي يادرولىق پولي­گو­نى­نىڭ جابىلۋى – الەمدىك قارۋسىز­دانۋ تاري­حىن­داعى العاشقى جانە سوڭ­عى وقيعا», – دەپ اتاپ ءوتتى ق.توقاەۆ. حالىقارالىق كونفەرەنتسياعا ازىرلىك بارىسى تۋرالى پرەزيدەنت اكىمشىلىگى باسشىسىنىڭ ورىن­باسارى باعلان مايلىباەۆ جانە سىرت­قى ىستەر ءمينيسترىنىڭ ورىن­با­سا­رى رومان ۆاسيلەنكو ءسوز سويلەدى. جالپى جانە ءتورت تاقىرىپتىق وتىرىستار بارىسىندا الەمنىڭ 50 ەلىنەن كەلەتىن 200-گە جۋىق قاتىسۋ­شى – حالىقارالىق ۇيىمداردىڭ باس­شى­لارى, بەدەلدى ساياساتكەرلەر, پار­لا­مەنتتىك قوعامداستىقتىڭ مۇشە­لەرى, ساراپشىلار جانە ازاماتتىق قوعام وكىلدەرى قارۋسىزدانۋ مەن ياد­رو­­لىق قارۋدى تاراتپاۋدىڭ وزەك­­تى ماسەلەلەرىن تالقىلايدى. كونفەرەن­تسيا اياسىندا يادرولىق قارۋسىزدانۋ ماسەلەلەرىنە ارنالعان كورمە بولادى. فورۋمعا 200-دەن استام قازاق­ستاندىق جانە الەمنىڭ 25 ەلىنەن 50 شەتەلدىك جۋرناليست تىركەلىپ وتىر, دەپ حابارلادى پارلامەنت سەنا­تىنىڭ ءباسپاسوز قىزمەتى.