كوپسالالى اۋرۋحانا اشىلدى

جاقىندا تالدىقورعاندا قا­لا­لىق كوپسالالى اۋرۋحانا اشىلدى. ايتۋلى وقيعاعا قالا تۇرعىندارى مەن قوناقتارى كوپتەپ جينال­دى. حالىقتىڭ قۋانىشىن ءبو­لىسۋگە الماتى وبلىسىنىڭ اكىمى اماندىق باتالوۆ ارنايى كەلىپ قاتىستى. ما­ڭىزدى نىساندى سال­عان قۇ­رى­لىسشىلار قاۋىمىنا العىس ايتتى. جالپى اۋماعى 33885,6 شارشى مەتر جەردى الىپ جاتقان عيماراتتىڭ قۇنى 9,3 ملرد تەڭگە. 12 ءبولىم­شەدە ستاتسيونارلىق جوعارى ما­مانداندىرىلعان مەديتسينالىق كومەك كورسەتىلەدى. ارقايسىسى ءۇش قاباتتان تۇراتىن 4 كورپۋستا 300 توسەكتىك ورىن بار. ءوڭىر باسشىسى دارىگەرلەرگە جاۋاپتى مىندەتتەرىن ابىرويمەن ورىندايتىندارىنا سەنىم ءبىل­دىردى. سونداي-اق, جۇرتشىلىق وكىلدەرى دە تىلەكتەرىن ايتتى. مەديتسينا سالاسىنىڭ ارداگەرى شايمەردەن سادىقوۆ تالدىقورعاندا وسىنداي زاماناۋي اۋرۋحانانىڭ اشىلعانىنا ريزا بولىپ, اق باتاسىن بەردى. قالىپتاسقان ءداستۇر بويىنشا قۇرىلىسشىلار وكىلى جاڭادان سالىنعان عيماراتتىڭ سيمۆوليكالىق كىلتىن قالالىق كوپسالالى اۋرۋحانانىڭ ديرەكتورى ساۋلە قۇسمولدانوۆاعا تابىس­تادى. سالتاناتتى جاعدايدا وبلىس اكىمى اماندىق باتالوۆ اۋرۋ­حا­نانىڭ 7 دارىگەرىنە پاتەر كىلتتەرىن تاپسىرىپ,  جۇمىستارىنا ساتتىلىك تىلەدى. نۇربول الدىباەۆ, «ەگەمەن قازاقستان» تالدىقورعان سۋرەتتى تۇسىرگەن جۇماباي مۇسابەكوۆ