وزدەرى كىنالى ەكەن

وسىدان ءبىر اي بۇرىن ەر­تىس­تىڭ سول جاعالاۋىنداعى №1 جىلۋ ورتالىعىنا قاراستى ەكى قازاندىقتىڭ ىستەن شىعۋىنا بايلانىستى وسى اۋماقتاعى بىرنەشە شاعىن اۋداندا اپاتتى جاع­داي ورىن العانى بەلگىلى. ءتىپتى, سول شاقتا اۋەزوۆ داڭ­عى­لىنداعى تۇتاس ءبىر ءۇي اپتالاپ جىلۋسىز قالعان. قالانىڭ جاڭا باسشىلىعىنىڭ جەدەل قولعا العان شارالارىنىڭ ناتيجە­سىندە كەمشىلىكتەر تۇزەتىلىپ, بۇل اۋماقتاعى جاعداي ءبىرشاما ءجون­دەلىپ قالدى. جۋ­ىر­دا وسىنداي قاربالاستان سوڭ بۇقارالىق اقپارات قۇرال­دا­رى وكىلدەرىمەن كەزدەسۋگە ۋاقىت تابا بىلگەن قالا اكىمى ايبەك كارىموۆ بۇل ماسەلەگە باي­لا­نىستى قارجى ءبولىنىپ جاتقان­دىعىن, سونى ورنىمەن يگەرۋ ماقساتىمەن جاز شىعا بىردەن ىسكە كىرىسىپ كەتەتىندىكتەرىن رەسمي تۇردە مالىمدەدى. ال ەندى سول شاقتا ەلدى سونشاما دۇرلىكتىرگەن تاعى ءبىر ءما­سەلەگە كەلەتىن بولساق, ونىڭ ءما­نىسى تومەندەگىدەي بولىپ شىقتى. ياعني, جىعىلعانعا – جۇدىرىق دەگەندەي, الگىندەي اپاتتى جاع­داي تۋىنداعان ساتتە قالانىڭ ەكىنشى ءبىر شەتىندەگى زاتون دەپ اتا­لا­تىن اۋماعىندا بىرنەشە ءۇيدى سۋ باسىپ قالعانى دا راس. سوندا تەلەارنالاردىڭ ءبىرى جەردەن جەتى قويان تاپقانداي ول وقيعانى دا بۇكىل ەل كولەمىنە ايگىلەپ ۇلگەرگەن. بىراق تەكسەرە كەلگەندە وعان بيلىك تە, باسقا دا ەمەس, سول جەردەگى تۇرعىنداردىڭ ءوزى كىنالى بولىپ شىقتى. ياعني, الگى ۇيلەر باستاۋ كوزدەرىنىڭ ۇستىنە زاڭسىز سالىنعان. ءتارتىپ ساقتا­ماعان تۇرعىندار مۇنىمەن دە شەكتەلمەي, باستاۋ كوزدەرىن قوقىسپەن بىتەپ تاستاعان. ال باس­تاۋ كوزدەرى جول تاۋىپ اشى­لىپ كەتكەندە بۇل اۋماقتا دا قاربالاس شاق تۋىنداعان. وسى ورايدا وسىنداي  جاعداي وتكەن جىلى دا ورىن العاندىعىن ايتا كەتكەن ءجون بولار. ابىروي بولعاندا, جەرگىلىكتى بيلىك وزدەرى كىنالى دەمەي, سۋ باسىپ قالعان ۇيلەردىڭ تۇرعىن­دارىنا دا كومەك كورسەتۋدە. سول ماقساتپەن ارنايى بريگادا قۇ­رىلىپ ىسكە كىرىسىپ تە كەتتى. سونىمەن بىرگە, زاتون پوليتسيا بولىمىنە ءۇي سالۋدا زاڭدىلىقتى ساقتاماعان, ءتارتىپ بۇزىپ, باستاۋ كوزدەرىن قوقىسپەن بەكىتىپ تاستاعان تۇرعانداردى انىقتاۋ تۋرالى تاپسىرما بەرىلدى. وزگەگە تالاپ قويۋمەن بىرگە, ءوزىڭ دە ءتارتىپتى بۇزباعانعا نە جەتسىن! داۋلەت سەيسەن ۇلى. سەمەي.