قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ بۇيرىعى №13

2016 جىلعى 27 ماۋسىم, استانا قالاسى «بۇقارالىق اقپارات قۇرالدارىنىڭ مونيتورينگىن جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2016 جىلعى 26 قاڭتارداعى № 73 بۇيرىعىنا وزگەرىستەر ەنگىزۋ تۋرالى «قۇقىقتىق اكتىلەر تۋرالى» 2016 جىلعى 6 ساۋىردەگى قازاقستان رەسپۋبليكاسىنىڭ زاڭىنىڭ 50-بابى 2-تارماعىنا سايكەس بۇيىرامىن: 1. «بۇقارالىق اقپارات قۇرالدارىنىڭ مونيتورينگىن جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2016 جىلعى 26 قاڭتارداعى № 73 (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 13132 تىركەلگەن, «ادىلەت» اقپاراتتىق-قۇقىقتىق جۇيەسىندە 2016 جىلعى 24 اقپاندا جاريالانعان) بۇيرىعىنا مىناداي وزگەرىستەر ەنگىزىلسىن: كورسەتىلگەن بۇيرىقپەن بەكىتىلگەن بۇقارالىق اقپارات قۇرالدارىنىڭ مونيتورينگىن جۇرگىزۋ قاعيدالارىندا: 4-تارماق مىناداي رەداكتسيادا جازىلسىن: «4. بۇقارالىق اقپارات قۇرالدارىنا مونيتورينگ جۇرگىزۋ «اۆتوماتتاندىرىلعان ۇلتتىق اقپاراتتىق كەڭىستىككە مونيتورينگ» اقپاراتتىق جۇيەسى بار بولعان جاعدايدا, ونى قولدانا وتىرىپ, جۇزەگە اسىرىلادى.»; 5-تارماعى مىناداي رەداكتسيادا جازىلسىن: «5. مونيتورينگكە تەحنيكالىق جانە ادىستەمەلىك قامتاماسىز ەتۋ بويىنشا جۇمىستى ورىنداۋ ءۇشىن ۋاكىلەتتى ورگان بۇقارالىق اقپارات قۇرالدارىنىڭ مونيتورينگىن جۇرگىزۋ قىزمەتتەرىن كورسەتۋ بويىنشا مەملەكەتتىك تاپسىرمانى ورىنداۋعا ارنالعان شارتتىڭ نەگىزىندە ۇيىمداردى تارتادى.»; 6-تارماعى مىناداي رەداكتسيادا جازىلسىن: «6. مونيتورينگكە تەحنيكالىق جانە ادىستەمەلىك قامتاماسىز ەتۋ بويىنشا جۇمىستاردى ورىندايتىن ۇيىم مونيتورينگ پروتسەسىندە, سونداي-اق وسى قاعيدالارعا قوسىمشاعا سايكەس نىسان بويىنشا ۋاكىلەتتى ورگانعا جولدانعان مەملەكەتتىك ورگانداردىڭ حابارلامالارى بويىنشا ايقىندالعان قازاقستان رەسپۋبليكاسىنىڭ زاڭناماسىن ساقتاماۋ بەلگىلەرىن جۇرگىزەدى. قازاقستان رەسپۋبليكاسىنىڭ زاڭنامالارىن ساقتاماۋى تىركەلگەن قۇجاتتار ۋاكىلەتتى ورگانعا زاڭنامانىڭ ساقتالماۋى بەلگىلەنگەن ساتتەن باستاپ ءۇش جۇمىس كۇنىنەن كەشىكتىرمەي ەلەكتروندىق قۇجات اينالىمنىڭ جۇيەلەرىن جانە اقپاراتتىق جۇيەلەردى پايدالانا وتىرىپ جولدانادى.». 14-تارماق مىناداي رەداكتسيادا جازىلسىن: «14. قازاقستان رەسپۋبليكاسىنىڭ اۋماعىندا تەلەكوممۋنيكاتسيالار جەلىلەرى بويىنشا تاراتۋعا تىيىم سالىنعان اقپاراتتاردىڭ قولجەتىمدىلىگى مەن جيناۋعا مونيتورينگى اپپاراتتىق-باعدارلامالىق قۇرالداردى پايدالانا وتىرىپ, مونيتورينگتى تەحنيكالىق جانە ادىستەمەلىك قامتاماسىز ەتۋ بويىنشا جۇمىستاردى ورىندايتىن ۇيىم جۇزەگە اسىرادى.». 2. قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ بايلانىس, اقپاراتتاندىرۋ جانە بۇقارالىق اقپارات قۇرالدارى سالاسىنداعى مەملەكەتتىك باقىلاۋ كوميتەتى: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى; 3) وسى بۇيرىقتى قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ اقپارات جانە كوممۋنيكاتسيالار ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ اقپارات جانە كوممۋنيكاتسيالار ءمينيسترى د.اباەۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 26 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13989 بولىپ ەنگىزىلدى.