بيىلعى وليمپيادادا ەلىمىزدەن بوكستان ايەلدەر اراسىندا وتەتىن جارىستارعا ەكى سپورتشىمىز قاتىسادى. ونىڭ بىرەۋى – داريعا شاكىموۆا, ەكىنشىسى جاينا شەكەربەكوۆا. بۇگىن «ەگەمەن قازاقستان» گازەتىنىڭ وليمپيالىق ويىندارداعى ارناۋلى ءتىلشىسى باقتيار تايجان سپورتتىڭ وسى تۇرىنەن ايەلدەر قۇراما كومانداسىنىڭ اعا جاتتىقتىرۋشىسى ۆاديم پريسياجنيۋكپەن كەزدەسىپ, بوكسشىلاردىڭ جارىسقا دايىندىعى تۋرالى سۇراستىردى.
-بوكسشىلاردىڭ دايىندىعى قالاي؟
-دايىندىعى جاقسى. ءبىز ريو-دە-جانەيروعا وليمپيادانىڭ باستالۋىنا بىرنەشە كۇن قالعاندا كەلدىك. جاتتىعۋلاردى ۇزبەي جاساپ جاتىرمىز. داريعا شاكىموۆا, وزدەرىڭىز بىلەسىزدەر, 75 كيلوعا دەيىنگى سالماقتا, ال جاينا شەكەربەكوۆا 51 كيلوعا دەيىنگى سالماقتا قولعاپ تۇيىستىرەدى. جارىسقا از عانا ۋاقىت قالدى. ۋاقىت از بولسا دا, قىزدارعا ءۇمىت ارتىپ وتىرمىز.
-
ءۇمىت ارتىپ وتىرمىز دەيسىز. ەكى جۇلدە الۋعا ءۇمىت بار ما؟
-ارينە. مىسالى, جاينا وليمپياداعا جاقسى دايىندىقپەن كەلدى. ول بىرنەشە وقۋ-جاتتىعۋ جيىندارىنا قاتىستى. استانادا وتكەن الەم چەمپيوناتىندا بوكسشى قىزىمىز بۇكىل الەمگە قازاقستانمەن ساناسۋ كەرەكتىگىن كورسەتتى.
-
داريعا شاكىموۆا الەم چەمپيوناتىنا قاتىسپادى. ونىڭ دايىندىعى قالاي؟
-داريعا وليمپياداعا كوپ ۋاقىت دايىندالدى. ول ليتسەنزيانى قىتايدا وتكەن حالىقارالىق تۋرنيردە العان سوڭ الەمدىك دوداعا قاتىسپادى. شاكىموۆا وليمپيادا وسى داينىدىعىن كورسەتۋى كەرەك. ونىڭ قارسىلاستارى وڭاي بولمايدى. مىسالى, اقش-تىڭ بوكسشىسى كلارەسسا شيلدس – وليمپيادا جانە الەم چەمپيونى. دەگەمەن, داريعا ولاردان سەسكەنىپ وتىرعان جوق. ونىڭ سوققىلارى جاقسى. شارشى الاڭدى جاقسى سەزىنەدى, قورعانىستا تاپسىرمانى 100 پايىز ورىندايدى.
بىزگە تەك جانكۇيەرلەردىڭ قولداۋى عانا كەرەك. باسقاسىن ءوزىمىز جاسايمىز.
داستان كەنجالين
[caption id="attachment_55904" align="aligncenter" width="700"]
داريعا شاكىموۆا[/caption]
[caption id="attachment_55903" align="aligncenter" width="700"]
جاينا شەكەربەكوۆا[/caption]
فوتو: kfb.kz
