پالەستينا ۇكىمەتى وتستاۆكاعا كەتتى

پالەستينا ۇكىمەتى تولىق قۇراممەن وتستاۆكاعا كەتتى. بۇل جونىندە 2007 جىلدان بەرى پالەستينا ۇلتتىق اۆ­تونومياسىنىڭ پرەمەر-ءمينيسترى قىزمەتىن اتقارىپ كەلگەن سالام فاياد مالىمدەگەن. سونىمەن بىرگە, ساراپشىلار وعان پالەستينا اۆتونومياسىنىڭ باسشىسى ماحمۋد ابباستىڭ جاڭا ۇكىمەت جاساقتاۋ جونىندە تاپسىرما بەرۋى مۇمكىن ەكەنىن دە جوققا شىعارمايدى. وسى ورايدا وسىدان ءبىر جىل بۇرىن پالەستينا پارلامەنتىنىڭ مەرزىمى اياقتالعانىن دا ايتا كەتۋ قاجەت. ال حاماس قوزعالىسى بولسا, اۆتونوميا باسشىسى م.ابباستىڭ وكىلەتتىگىنىڭ وسىدان ەكى جىل بۇ­رىن اياقتالعانىن كولدەنەڭ توسىپ, 13 اقپاندا وزدەرىنىڭ جاڭا ساي­لاۋ­عا قاتىسپايتىندارىن مالىمدەگەن بولاتىن. ساراپ­شى­لاردىڭ ايتۋلارىنشا, ۇكىمەتتىڭ وتستۆاكاعا كەتۋىنە اۆتونوميا ىشىندەگى ەلەۋلى پروبلەمالار تۇرتكى بولعان سىڭايلى. اقش-قا ساپارىن كەيىنگە قالدىردى يەمەن پرەزيدەنتى الي ابدۋللا سالەح ەلدە ءوتىپ جاتقان قارسىلىق اكتسيالارىنا بايلانىستى اقش-قا ساپارىن كەيىنگە قالدىردى, دەپ حابارلادى «بوستاندىق» راديوسى. بيلىك وكىلدەرىنىڭ حابارلاۋىنشا, جاعداي جاقسارعان كۇندە ساپار وسى اقپان ايىنىڭ سوڭىندا جۇزەگە اسا­تىن بولادى. ايتا كەتۋ كەرەك, وسىنىڭ الدىندا عانا سانا قالا­سىندا سان مىڭداعان حالىق قاتىسقان ەرەۋىل بولىپ, جينالعاندار رەفورمالار جۇرگىزۋدى جانە ا.سالەحتىڭ وتستاۆكاعا كەتۋىن تالاپ ەتكەن بولاتىن. تاۋلى كاراباحقا كومەك بەرۋدى توقتاتۋدى تالاپ ەتۋدە اقش-تاعى ءازىربايجان جانە تۇرىك قاۋىمداستىقتارى تاۋلى كاراباحقا قارجىلاي كومەك كورسەتۋدى توقتاتۋدى تالاپ ەتىپ سەنات پەن وكىلدەر پالاتاسىنا مىڭداعان حات جولداعان. ءازىربايجان جانە تۇرىك قاۋىمداستىقتارى اقش-تاعى ەكو­نوميكالىق ءوسىمنىڭ تومەن جاعدايىندا تاۋلى كاراباحقا كومەكتى ۇلعايتۋ نەگىزسىز دەپ سانايدى. اقش كونگرەسى بولسا 1998 جىلدان باستاپ تاۋلى كاراباحقا كومەك كورسەتىپ كەلەدى. 2006 فيسكالدىق جىلدا كاراباحقا كورسەتىلگەن امەريكالىق كومەك—3  ملن., 2007-2008 جىلدارى—5 ملن., ال 2009 جىلى 8 ملن. دوللاردى قۇراعان. تۇركيا مەن يران تاۋار اينالىمىن ۇلعايتا تۇسپەك ءبىز جان-جاقتى قىزمەتتەستىكتى جالعاستىرۋعا جانە تاياۋ ۋاقىتتاردا يران مەن تۇركيا اراسىنداعى تاۋار اينالىمىن جىلىنا 30 ميلليارد دوللارعا جەتكىزۋگە بەل شەشىپ وتىرمىز, دەپ مالىمدەدى يران پرەزيدەنتى ماحمۋد احمادينەجاد تۇركيالىق ارىپتەسى ابدوللا گۇلمەن بىرلەسىپ وتكىزگەن ءباسپاسوز ءماسليحاتىندا. وتكەن جىلى ەكى ەل اراسىنداعى تاۋار اينالىمى 10 ميلليارد دوللاردى قۇراعان, ال الداعى ۋاقىتتا يران بۇل كورسەتكىشتى 30 ميلليارد دوللارعا جەتكىزۋدى كوزدەپ وتىر. مۇنىڭ سىرتىندا تاراپتار ءتۇرلى سالالارداعى, ونىڭ ىشىندە, ەلەكتر قۋاتتارى مەن ەنەرگەتيكا سالاسىنداعى وزگە دە كوپتەگەن بىرلەسكەن جوبالارعا ينۆەستيتسيالار سالاتىن بولادى دەپ اتاپ كورسەتكەن ماحمۋد احمادينەجاد. بۇل تۋرالى تۇركيالىق Hurriyet گازەتى حابارلاعان. وبامانىڭ اسكەري كەڭەسشىسى يزرايلگە كەلدى وبامانىڭ اسكەري كەڭەسشىسى ادميرال مايل مۋللەن وڭىردەگى قاۋىپسىزدىك بويىنشا كەلىسسوزدەر جۇرگىزۋ ءۇشىن يزرايلگە كەلدى. يزرايل ۇكىمەتى ەگيپەتتىڭ اسكەري بيلىگىنىڭ ەگيپەت بارلىق حالىقارالىق مىندەتتەمەلەرىن ساقتايتىن بولادى دەگەن نيەتىن وڭ قابىلدادى. دەگەنمەن, يزرايل باسشىلىعى جاڭا ۇكىمەتتىڭ حاماس قوزعالىسىنىڭ باقىلاۋىنداعى گازا سەكتورىنداعى بلو­كادانى قولدامايتىندىعىنا ونشا سەنىمدى ەمەس. ال حوسني مۋباراك ول بلوكاداعا قولداۋ كورسەتپەگەن بولاتىن. ارميا ەرەۋىلشىلەردى الاڭنان قۋدا ەگيپەت ارمياسى ەرەۋىلشىلەردى جالپى­ۇلت­تىق توڭكەرىستىڭ ەڭ باستى جينا­لاتىن ورنىنا اينالعان تاحرير الاڭىنان قۋدى باستادى. حوسني مۋباراك پرەزيدەنتتىك قىزمەتتەن كەتكەننەن كەيىن كايردەگى ەرەۋىل رەسمي تۇردە توقتاتىلدى. تاحرير الاڭىندا اۆتوموبيل قوزعالىسى قالپىنا كەلتىرىلىپ, بۇرىنعى قالىڭ كوپشىلىكتەن بىرنەشە ونداعان ادام عانا الاڭدا قالدى. پوليتسيا مەن اسكەريلەر وسى قالعانداردان جارتى ساعات ىشىندە الاڭدى تازارتۋدى تالاپ ەتىپ, قارسىلىق كور­سەتىلگەن جاعدايدا ولاردىڭ تۇتقىنعا الىناتىندارىن حابارلادى. اسكەريلەر قارۋلارىن ۇيلەرىندە ساقتايتىن  بولدى شۆەيتساريا تۇرعىندارى اسكەري قىز­مەتشىلەردىڭ ءوز قارۋلارىن ۇيلەرىندە ساق­تاۋلارىن جاقتاپ داۋىس بەرگەن. بيلىك وكىلدەرىنىڭ حابارلاۋىنشا, جال­پىۇلتتىق رەفەرەندۋمدا ءوز ويلارىن ءبىل­دىر­گەندەردىڭ 56,3 پايىزى وتتى قارۋدى ساقتاۋعا تىيىم سالۋعا قارسى داۋىس بەرگەن. شۆەيتساريادا 20-دان 50 جاسقا دەيىنگى  ەرلەر اسكەري قىزمەتشىلەر بولىپ سانالادى. ولار جى­لىنا ءبىر رەت جينالىپ تۇرۋعا مىندەتتى. سوندىقتان ولار وزدەرىنىڭ ۆينتوۆكا, تاپانشا سياقتى قارۋلارىن ءوز ۇيلەرىندە ساقتايدى. جولبارىستى وجاۋمەن ۇرىپ «جىقتى» مالايزيانىڭ دجۋنگلي ىشىندەگى ءبىر دەرەۆنياسىنىڭ تۇرعىنى اڭ اۋلاپ ءجۇرىپ, وزىنە جولبارىستىڭ وقىستان جاساعان  شا­بۋى­لىنا تاپ بولادى. كۇيەۋىنىڭ جان داۋىسى شىققان ايعايىن ەستىگەن ايەلى قو­لىن­داعى وجاۋىمەن كومەككە ۇمتىلادى. 55 جاستاعى ايەل الدىمەن جولبارىستى جەرگە قۇلاتىپ سالىپ, ودان سوڭ وجاۋمەن اياۋسىز ۇرعىلاي باستايدى. كۇتپەگەن شابۋىلدان شوشىپ قالسا كەرەك, جىرتقىش جىلىستاپ توعاي اراسىنا كىرىپ جوق بولىپتى. بەتى مەن اياعى جارالانعان ەر ادام بۇگىندە اۋرۋحانادا جاتقان كورىنەدى. ينتەرنەت ماتەريالدارى نەگىزىندە ازىرلەندى.