10-11 تامىز كۇندەرى قازاقستان سپورتشىلارى قاتىساتىن جارىستار

بۇگىن ريو-دە-جانەيرودا قازاقستان سپورتشىلارى جارىستىڭ 6 ءتۇرى بويىنشا جارىس جولىنا شىعادى. وتانداستارىمىزدىڭ ءبىرىنشى جارىسى ساعات 18.00-دە باستالادى. وسى كەزدە 50 مەتردەن ەرلەر اراسىندا تاپانشامەن اتۋ بويىنشا ىرىكتەۋ سىنى وتەدى. وعان ۆلاديمير يساچەنكو مەن راشيد يۋنۋسمەتوۆ قاتىسادى. ساعات 21:00-دە فينالدىڭ 1/32 فينالدا ساداق اتۋدان لۋيزا سايديەۆا ۋكراينالىق اناستاسيا پاۆلوۆامەن سىنعا تۇسەدى. ودان كەيىن ساعات 22.05-تە سەمسەرلەسۋدەن 1/16 فينالدا يليا موكرەتسوۆ پەن امەريكالىق دەريل گومەر كۇش سىناسادى. ايەلدەر اراسىنداعى اۋىر اتلەتيكا جارىسى ساعات 00.30-دا باستالادى. وندا 69 كيلوعا دەيىنگى سالماقتاعى جازيرا جاپپارقۇل سىنعا تۇسەدى. ال ساعات 4.00-دە بولاتىن ەرلەر اراسىنداعى سايىسقا 77 كيلو سالماقتاعى نيدجات راحيموۆ دايىندالىپ جاتىر. ساعات 2.00-دە شارشى الاڭعا بوكسشىلار شىعادى. العاشقى بولىپ رينگكە 49 كيلوعا دەيىنگى سالماقتاعى ءبىرجان جاقىپوۆ كوتەرىلەدى. ول وزبەك حاسانبوي دۋسماتوۆپەن قولعاپ تۇيىستىرەدى.  وسىدان كەيىن ساعات 4.30-دا 91 كيلوعا دەيىنگى سالماقتا ۆاسيلي لەۆيت ماۆريكيلىك كەننەدي سەنت-پەرپەن جۇدىرىقتاسادى. 11 تامىزدا ەرلەر اراسىندا براسس ءادىسى بويىنشا 200 مەترگە فينالدىق سايىس وتەدى. وندا دميتري بالاندين باعىن سىنايدى. بۇل جارىس استانا ۋاقىتى بويىنشا ساعات 7.00-دە باستالادى. داستان كەنجالين فوتو: supersolnishco.net