وڭتۇستىك قازاقستاندا «حان قورىق» جاستار فەستيۆالى وتەدى

فەستيۆال ۇلتتىق گەوگرافيالىق قوعام مەن ءبىلىم جانە عىلىم مينيسترلىگىنىڭ بىرلەسكەن جوباسى اياسىندا 15-19 تامىز كۇندەرى ۇيىمداستىرىلادى. شارانىڭ نەگىزگى ماقساتى – تاۋەلسىزدىكتىڭ 25 جىلدىعىن اتاپ ءوتۋ, سونداي-اق وسكەلەڭ ۇرپاقتىڭ بويىنا ەلگە دەگەن پاتريوتتىق سەزىمدى قالىپتاستىرۋ, تاريح پەن مادەنيەتكە دەگەن سۇيىسپەنشىلىگىن دامىتۋ. ۇيىمداستىرۋشىلاردىڭ ايتۋىنشا, «حان قورىق» فەستيۆالى كەزىندە قاتىسۋشىلار وڭتۇستىكتەگى تاريحي جەرلەرگە ساياحات جاساپ, كونەنىڭ كوزىندەي بولعان مادەني نىساندارمەن تانىسادى. شاراعا ەلىمىزدەگى جوعارى وقۋ ورىندارىنىڭ ستۋدەنتتەرى مەن بايقاۋ ناتيجەلەرى بويىنشا ىرىكتەلىپ الىنعان QazaqGeo مۇشەلەرى قاتىسادى. وندا عىلىمي كونفەرەنتسيا وتكىزىلىپ, ولكەتانۋشىلار مەن تاريحشىلار باياندامالار جاسايدى. ارحەولوگتار ەل اۋماعىنان تابىلعان تاريحي جادىگەرلەر جايلى اقپاراتتار بەرىپ, جاستاردى قازاق دالاسىنىڭ سالت-ءداستۇرىن ساقتاۋعا, وتانىن سۇيۋگە ۇندەيدى. تالعات رايىمبەك