اقش-تا قازاقستانداعى زۇلمات جىلدار تۋرالى كىتاپ شىقتى

امەريكالىق زەرتتەۋشى ماريا بلەكۆۋدتىڭ ايتۋىنشا, جارىق كورگەن كىتاپ ەلىمىزدەگى XX عاسىردا بولعان اشارشىلىق جىلدارىن قامتيدى. «قازاقستانداعى ارحيۆ قۇجات­تارى نەگىزىندە اعىلشىن جانە نەمىس تىلىندە جازىلعان بىرنەشە جاڭا كىتاپ جارىق كوردى. ال اشتىق جايىندا باياندايتىن شىعارما گەرمانيادا جازىلدى. سونىمەن قاتار, امەريكالىق تاريحشى سارا كەمەروننىڭ كىتابى بيىل باسىلادى. قاراپ وتىرساڭىز, ەكى اۆتوردىڭ دا تاقىرىبى قازاقستانداعى ناۋبەت جىلدارىن قامتيدى. ولار وسىعان بايلانىستى كوپتەگەن تىڭ ماتەريال تاپقان», – دەيدى ماريا بلەكۆۋد. بۇگىندە ول وتكەن عاسىردىڭ 20-30-جىلدارىنداعى العاشقى قازاق بولشەۆيكتەرى جايلى ديسسەرتاتسيا جازۋدا. ناقتى ايتقاندا, ونىڭ ديپلومدىق جۇمىسىنىڭ تاقىرىبى الاشوردالىقتارعا ارنالعان. .قازاقستان پرەزيدەنتىنىڭ مۇراعاتىندا وتكەن كونفەرەن­تسيادا زەرتتەۋشى ماريا بلەكۆۋد: «عالىمداردىڭ نازارىن قازاق­ستان تاريحىنا اۋدارۋ وتە جەڭىل. سەبەبى, ول وتە قىزىقتى. مەن الماتى مەن ماسكەۋدە بولىپ, مۇراعاتتاردان تاريحي تىڭ دەرەكتەر ىزدەدىم. اتالعان قالالاردا بۇرىنعى كەڭەس ودا­عىنىڭ ورتالىق مۇراعاتتارى بار. وندا قازاقستانعا بايلانىستى كوپتەگەن ماتەريال كەزدەسەدى», – دەدى. ايتا كەتەيىك, اشارشىلىق جاي­لى كىتاپ قازاقستانعا جىل سو­ڭىنا دەيىن جەتكىزىلىپ, كىتاپ ءدۇ­كەندەرىندە ساتىلاتىن بولادى. تالعات رايىمبەك, «ەگەمەن قازاقستان»