فۋتبول. «استانا» سىرت الاڭدا جەڭىلدى

[caption id="attachment_54473" align="aligncenter" width="700"] vesti.kz[/caption] بۇگىن شوتلانديانىڭ گلازگو قالاسىندا فۋتبولدان ۋەفا چەمپيوندار ليگاسىنىڭ ءۇشىنشى كەزەڭىندە «سەلتيك» پەن «استانا» كوماندالارى كەزدەستى. كەزدەسۋدە «سەلتيك» 2:1 ەسەبىمەن جەڭىسكە جەتتى. ماتچتا ءبىرىنشى بولىپ ەسەپتى الاڭ يەلەرى اشتى. ويىننىڭ ءبىرىنشى تايمىنىڭ سوڭىندا «سەلتيكتىڭ» شابۋىلشىسى لي گريففيتيس 11 مەترلىك پەنالتيدەن دوپتى تورعا توعىتتى. «استانا» ەكىنشى تايمدا ەسەپتى تەڭەستىردى. الاڭعا ازات نۇرعاليەۆتىڭ ورنىنا شىققان ازيز يبرايمي «سەلتيك-پارك» ستاديونىنا جينالعان جۇرتشىلىققا توسىن «سىي» جاسادى. ول  62 مينۋتتا الىستان شىرەنە دوپ سوعىپ, ەكى ويىن بويىنشا ەسەپتى تەڭەستىرىپ كەتتى. كوماندالاردىڭ ءبىرىنشى كەزدەسۋى 1:1 ەسەبىمەن اياقتالعان بولاتىن. ەندى «استاناعا» چەمپيوندار ليگاسىنىڭ توپتىق تۋرنيرىنە شىعۋ ءۇشىن الاڭ يەلەرىن جەڭۋ نەمەسە ويىندى 2:2 ەسەبىمەن اياقتاۋ كەرەك بولدى. الايدا «استانانىڭ» العا قويعان ماقساتى, ارمانى بۇل جولى ورىندالمادى. «سەلتيك» ماتچتىڭ سوڭىندا تاعى دا پەنالتيدەن ەكىنشى دوبىن سوعىپ, جەڭىستى سۋىرىپ اكەتتى. «سەلتيكتىڭ» قۇرامىندا مۋسسا دەمبەلە ەكىنشى گولدىڭ اۆتورى  اتاندى. ەندى «استانا» جارىستى ەۋروپا ليگاسىندا جالعاستىرادى. داستان كەنجالين