استانا مارافونى قاتارعا تىلەك بىلدىرۋشىلەردى شاقىرادى

[caption id="attachment_54463" align="aligncenter" width="640"] sxodim.kz[/caption] بيىلعى جىلدىڭ 4 قىركۇيەگىندە ەلوردادا مارافون وتەدى. وعان 5000 ادام قاتىسادى دەپ كۇتىلۋدە. سونىمەن قاتار, بۇگىنگى تاڭدا پرەمەر-مينيستر كارىم ءماسىموۆ, ۇكىمەت مۇشەلەرى, QazaqBanki, ERG, KazTecInnovations, Aspan, Accord, ناۋriot Hotel Astana جانە «سامۇرىق-قازىنا» كومپانيالارىنىڭ قىزمەتكەرلەرى, سونداي-اق, تاياۋ جانە الىس شەتەل اتلەتتەرى, ەلشىلىكتەر مەن حالىقارالىق كومپانيالار قىزمەتكەرلەرى مارافونعا قاتىساتىندارىن راستادى. 2009 جىلدان بەرى وتكىزىلىپ جاتقان مارافون بيىل بارىنشا كەڭ اۋقىم الادى. بۇل الەمدەگى ەڭ «جازىق» باعدارلاردىڭ ءبىرى رەتىندە تارتىمدى بولىپ وتىر. جارىسقا قاتىسۋشىلار وزدەرىن 10, 21,1 جانە 42,2 شاقىرىم قاشىقتىقتاردا سىناي الادى, سونىمەن بىرگە, وزدەرىنىڭ جەكە رەكوردتارىن جاقسارتۋ مۇمكىندىگىنە يە بولادى. مارافونعا كەز-كەلگەن تىلەك ءبىلدىرۋشى قاتىسا الادى. ونىڭ ەكى ءتاسىلى بار. ءبىرىنشىسى – astana42k.com سايتىندا قاراپايىم ءارى تۇسىنىكتى ونلاين-تىركەلۋ ءراسىمى. ەكىنشى ءتاسىل – كروسسفيت استانا كلۋبتارىندا اقىسىن قولما-قول تولەۋمەن وففلاين-تىركەلۋ. سونداي-اق, «SOS بالالار اۋىلدارى», «ايالا» جانە «قاسيەتتى جول» قايىرىمدىلىق قورلارى ارقىلى تىركەلۋگە بولادى. جارنا سوماسى 10 شاقىرىم ءۇشىن – 3000 تەڭگە, ال 21,1 مەن 42,2 شاقىرىم ءۇشىن 7000 تەڭگەنى قۇرايدى. سونىمەن بىرگە, جارنالاردىڭ بولىگى One Steppe Beyond, ياعني «شەكتەن تىس الەمگە قادام» دەپ اتالاتىن تاعى دا ءبىر قايىرىمدىلىق جوباسىنىڭ ىسكە اسىرىلۋىنا جۇمسالادى. بۇل جوبا اۋىل جاستارىن سپورتپەن شۇعىلدانۋعا تارتىپ, مارافون قوزعالىسىنا قاتىستىرۋعا باعىتتالعان. تاعى ءبىر اتاپ وتەتىن جايت, 2009 جىلى سپورتتىق شارادان ءتۇرلى قازاقستاندىق قايىرىمدىلىق قورلار ءۇشىن شامامەن 25 ميلليون تەڭگە جينالعان بولاتىن. قاتىسۋعا تىلەك بىلدىرۋشىلەردىڭ تىركەلۋى ءۇشىن بىرنەشە ساناتتار بار. مىسالى, قۇرامىندا كەمىندە 5 ادام بار اۋەسقويلىق جانە سپورتتىق كلۋبتار 20 پايىز جەڭىلدىككە يە بولادى. تولىعىراق اقپاراتتى astana42k.com سايتىنان الۋعا بولادى. ايدار ورىسباەۆ