الماتىدا ءىز-ءتۇسسىز جوعالىپ كەتكەن قىز تابىلدى

[caption id="attachment_54435" align="aligncenter" width="640"] inform.kz[/caption] الماتى قالالىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان inform.kz-ءتىڭ مالىمەتى بويىنشا, الماتىدا ءىز-ءتۇسسىز جوعالىپ كەتكەن 18 جاستاعى جۇلدىز ەرمانوۆا امان-ەسەن تابىلعان. «1998 جىلى تۋعان ج. ەرمانوۆانى ىزدەۋ ماقساتىندا ءبىزدىڭ بولىمشەدە قۇرىلعان ارنايى توپ ونىڭ قايدا ەكەنىن انىقتادى. ول امان-ەسەن ەكەن. قازىر قىزدان جاۋاپ الىنىپ جاتىر. الدىن الا دەرەكتەردەن بەلگىلى بولعانى, ج. ەرمانوۆا ۇيىنەن ءوز ەركىمەن كەتىپ قالعان. وقيعانىڭ باسقا دا ءمان-جايى انىقتالادى», – دەدى المالى اۋداندىق ىشكى ىستەر ءبولىمى باستىعىنىڭ مىندەتىن اتقارۋشى, پوليتسيا پودپولكوۆنيگى رۇستەم ءابدىراحمانوۆ. ەسكە سالا كەتەيىك, 2016 جىلعى 2 تامىز كۇنى المالى اۋداندىق ىشكى ىستەر باسقارماسىنا ج. ەرمانوۆانىڭ ءىز-ءتۇسسىز جوعالعانى تۋرالى ارىز كەلىپ تۇسكەن ەدى. بەلگىلى بولعانىنداي, بويجەتكەن سودان ءبىر كۇن بۇرىن كەشكى ساعات 18:00-دە ۇيىنەن شىعىپ كەتىپ, قايتىپ ورالماعان. جۇمىس ءتارتىبى بويىنشا ىزدەۋ شارالارىن ۇيىمداستىرۋ جانە جۇزەگە اسىرۋ ماقساتىندا المالى اۋداندىق ىشكى ىستەر باسقارماسىندا ارنايى جەدەل توپ قۇرىلدى. سونداي-اق ىزدەۋ شارالارىنا ەرىكتىلەردىڭ دە قاتىسقانىن ايتا كەتكەن ءجون. ايدار ورىسباەۆ